សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជារកចំណូលបានជាង៣១លានដុល្លារអាម៉េរិក(៣១ ០៦៨ ៧៤៣ ដុល្លារ) ពីការលក់សំបុត្រជូនភ្ញៀវអន្តរជាតិជិត៧០ម៉ឺននាក់(៦៦៩ ៦១៩នាក់) ដែលបានទិញបណ្ណចូលទស្សនារមណីយដ្ឋានអង្គរ ក្នុងរយៈពេល៨ខែនៃឆ្នាំ២០២៥ ដោយគិតចាប់ពីខែមករា ដល់ខែសីហា ដែលចំណូលនេះបានកើនឡើង ២,៤២ ភាគរយធៀបនឹងឆ្នាំរយៈពេលដូចគ្នាក្នុងឆ្នាំ២០២៤ ។ នេះបើយោងតាមរបាយការណ៍របស់គ្រឹះស្ថានអង្គរដែលបានចេញផ្សាយកាលពីថ្ងៃទី១ ខែសីហា ឆ្នាំ២០២៥។
របាយការណ៍ដដែលនេះបានបញ្ជាក់ថា៖ គិតត្រឹមតែក្នុងខែសីហា ឆ្នាំ២០២៥ ភ្ញៀវអន្តរជាតិ បានទិញបណ្ណចូលទស្សនារមណីយដ្ឋានអង្គរមានចំនួន ៥០ ៨៤៨ នាក់ ធ្លាក់ចុះ ២៤.៦៥%ធៀបនឹងខែសីហា ឆ្នាំ២០២៤ ហើយទទួលបានចំណូល ២ ៤២៥ ៣៣៦ ដុល្លារ ធ្លាក់ចុះ២៣.១៧%ធៀបនឹងខែសីហា ឆ្នាំ២០២៤។
ក្នុងរយៈពេល៨ខែនេះ ការលក់បណ្ណចូលទស្សនានៅប្រាសាទកោះកែរមានចំនួន ១៣ ៧៧៩នាក់ ទទួលបានចំណូល ២០៦ ៦៨៥ ដុល្លារ, ការលក់សំបុត្រនៅប្រាសាទបេងមាលា មានចំនួន ១០ ១៨៥ នាក់ ដោយទទួលបានចំណូល ១០១ ៨៥០ដុល្លារ, ការលក់សំបុត្រនៅភ្នំក្បាលស្ពាន មានចំនួន ៨១០នាក់ ទទួលបានចំណូល៤០៥០ដុល្លារ និងការលក់សំបុត្រទូក រកចំណូលបានចំនួន ៩៤៧៩៦៦ដុល្លារ។
លោក លី សែ នាយកប្រតិបត្តិគ្រឹះស្ថានអង្គរបានមានប្រសាសន៍ថា ការធ្លាក់ចុះនូវចំនួនទេសចរអន្តរជាតិមកកាន់កម្ពុជាគឺមួយចំណែកបណ្តាលមកពីវិបត្តិសេដ្ឋកិច្ចពិភពលោក និងមួយចំណែកទៀតអាចបណ្តាលមកពីបញ្ហាជម្លោះព្រំដែនរវាងកម្ពុជា-ថៃ ប៉ុន្តែផលប៉ះពាល់ពីបញ្ហានេះមានកម្រិតតិចតួចបំផុត។
លោក លី សែ បានបញ្ជាក់ទៀតថា ស្របពេលពិភពលោកកំពុងជួបប្រទះភាពតានតឹង ទាំងគោលនយោបាយ និងពាណិជ្ជកម្ម ដែលបណ្តាលមកពីការដំឡើងពន្ធថ្មីរបស់សហរដ្ឋអាម៉េរិក ក៏ជាកត្តាចម្បងដែលធ្វើឱ្យមានការប៉ះពាល់ដល់វិស័យទេសចរណ៍កម្ពុជាផងដែរ៕
Account
Security
Favourite Content