សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មហោស្រពសហគ្រិនវ័យក្មេងអាស៊ានលើកទី៧ (AYE Carnival) ដែលនឹងប្រព្រឹត្តឡើងចំនួន២ថ្ងៃ គឺថ្ងៃទី១២ និងទី១៣ ខែវិច្ឆិកា ឆ្នាំ២០២២ នៅសាលមហោស្រពកោះពេជ្រ រាជធានីភ្នំពេញ ក្នុងនាមកម្ពុជាជាប្រធានអាស៊ានប្ដូរវេនឆ្នាំ២០២២នេះ។ នៅក្នុងមហាព្រឹតតិការណ៍នៃកម្មវិធីជួបជុំចំនួន២ថ្ងៃនេះ នឹងផ្ដោតលើប្រធានបទ “RISE STRONGER TOGETHER” សំដៅលើការក្រោកឡើងវិញទាំងអស់គ្នា ដើម្បីយកឈ្នះលើឥទ្ធិពលជំងឺកូវីដ១៩។
មហោស្រពសហគ្រិនវ័យក្មេងអាស៊ានលើកទី៧ ដែលរៀបចំឡើងដោយសមាគមសហគ្រិនវ័យក្មេងកម្ពុជា ក្នុងនាមជាប្រធានក្រុមប្រឹក្សាសហគ្រិនវ័យក្មេងអាស៊ានឆ្នាំ២០២២ ក្រោមភាពជាដៃគូជាមួយបណ្តាញសហគ្រិនសកល (GEN) កម្ពុជា និងក្រុមប្រឹក្សាធុរកិច្ចអាស៊ាន (ASEAN -BAC) កម្ពុជា។
តាមរយៈកម្មវិធីជួបជុំបណ្តាសហគ្រិនមកពីប្រទេសជាសមាជិកអាស៊ាន និងប្រទេសពាក់ព័ន្ធដ៏ធំនាឆ្នាំនេះនឹងធ្វើឡើងក្រោមអធិបតីភាពដ៏ខ្ពង់ខ្ពស់របស់ថ្នាក់ដឹកនាំកំពូលទាំងក្នុងវិស័យរដ្ឋ និងក្នុងវិស័យឯកជនដែលជាធុរកិច្ចល្បីៗទាំងក្នុងប្រទេស ក៏ដូចជានៅក្នុងតំបន់ផងដែរ ដូចជា វត្តមានរបស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា, លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី, ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្រ្តបច្ចេកវិទ្យា និងនវានុវត្តន៍កម្ពុជា, អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាប្រឹក្សាធុរកិច្ចអាស៊ាន (ASEAN-BAC), ឯកឧត្តមបណ្ឌិត សុខ ស៊ីផាន់ណា ប្រធានវិទ្យាស្ថានចក្ខុវិស័យអាស៊ី (AVI)។
បន្ថែមពីនេះ នៅមានលោក ស៊ាង សុបញ្ញា ប្រធានសមាគមសហគ្រិនវ័យក្មេងកម្ពុជា និងជាប្រធានក្រុមប្រឹក្សា សហគ្រិនវ័យក្មេងអាស៊ានសម្រាប់ឆ្នាំ, ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍, ឧកញ៉ា សុខ ពិសី ប្រធានកិច្ចប្រជុំកំពូលពាណិជ្ជកម្ម និងវិនិយោគអាស៊ាន ឆ្នាំ២០២២, ឧកញ៉ា គួច ផេង ប្រធានក្រុមប្រឹក្សាប្រឹក្សា YEAC , ឯកឧត្តម សុខ ចិន្តា សោភា រដ្ឋមន្ត្រីអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា (CDC), ឯកឧត្តមបណ្ឌិត សេង សុភាព ប្រធានបណ្ឌិតសភាបច្ចេកវិទ្យាឌីជីថលកម្ពុជា (CADT) , DR. AUNG THURA នាយកប្រតិបត្តិ Thura Swiss (មីយ៉ាន់ម៉ា) , MR. JIM OPHAKORN KOUPHOKHAM ស្ថាបនិក និងនាយកគម្រោង XM Technovator Sole Co., Ltd (ឡាវ), MR. LE TRI HAI អនុប្រធាន VYEA ស្ថាបនិក និងជាប្រធាន Green Global IT JSC (វៀតណាម) , MR. GREGOR ZEBIC ស្ថាបនិក និងជានាយកប្រតិបត្តិនៃក្រុម DG1 ។ (ម៉ាឡេស៊ី) , MR. THAMMA VARANGOON សហស្ថាបនិក និង CMO, Centrovision (ប្រទេសថៃ) និង MR. ELMER BOUWER អនុប្រធាន MACC Global ។
នៅក្នុងឱកាសជាមួយគ្នានេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអធិបតីដ៏ខ្ពង់ខ្ពស់ក្នុងការផ្តល់ពាន់ដល់សហគ្រិនអាស៊ានឆ្នើមចំនួន៦០នាក់ផងដែរ។
គួរបញ្ជាក់ដែរថា មហោស្រពសហគ្រិនវ័យក្មេងអាស៊ាន គឺជាការប្រមូលផ្តុំនៃសហគ្រិនវ័យក្មេងមកពីសមាជិកសមាគមក្រុមប្រឹក្សាសហគ្រិនវ័យក្មេងអាស៊ាន និងដៃគូទំនាក់ទំនងក្នុងតំបន់។ ព្រឹត្តិការណ៍នេះត្រូវបានរៀបចំជារៀងរាល់ឆ្នាំ ដោយរាប់ចាប់តាំងពីឆ្នាំ២០១៦ និងមានប្រទេសជាម្ចាស់ផ្ទះរៀបចំដូចជា ៖ មាឡេស៊ី ឆ្នាំ២០១៦ ហ្វីលីពីន ឆ្នាំ២០១៧ សិង្ហបុរី ឆ្នាំ២០១៨ ថៃ ឆ្នាំ២០១៩ វៀតណាម ឆ្នាំ២០២០ (តាមប្រព័ន្ធអនឡាញ) ប្រ៊ុយណេ ឆ្នាំ២០២១ (តាមប្រព័ន្ធអនឡាញ) ហើយកម្ពុជា ឆ្នាំ២០២២នេះ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សហគ្រិនខ្មែរ និងក្រុមហ៊ុនមេនូឡាយហ្វ៍ ខេមបូឌា បានសហការរៀបចំបើកវគ្គបណ្តុះបណ្តាលគ្រូបង្គោលស្តីពី “កម្មវិធីលើកកម្ពស់ផ្នែកហិរញ្ញវត្ថុដល់អ្នកសេដ្ឋកិច្ចក្រៅប្រព័ន្ធ”
រដ្ឋមន្ត្រីទេសចរណ៍ ៖ ឥណ្ឌា ជាទីផ្សារទេសចរណ៍ដ៏មានសក្តានុពលសម្រាប់កម្ពុជា
Account
Security
Favourite Content