សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោយមានការជំរុញ និងលើកទឹកចិត្តឱ្យអ្នកវិនិយោគក្នុងស្រុកអភិវឌ្ឍន៍លំនៅឋានតម្លៃសមរម្យសម្រាប់ផ្គត់ផ្គង់ដល់ពលរដ្ឋមានប្រាក់ចំណូលទាប និងមធ្យម អ្នកឧកញ៉ា ហុង ពីវ ដែលត្រូវបានគេស្គាល់យ៉ាងច្បាស់ថាជាអ្នកអភិវឌ្ឍន៍លំនៅឋានដ៏ល្បីក្នុងប្រទេសកម្ពុជា បានប្រកាសអភិវឌ្ឍន៍ខុនដូតម្លៃសមរម្យដោយបង់រំលស់ប្រចាំខែត្រឹមតែ ១៥៩ដុល្លារអាមេរិកប៉ុណ្ណោះ ។
ការវិនិយោគលើខុនដូតម្លៃសមរម្យនេះដែរ នឹងអាចចូលរួមចំណែកជាមួយរាជរដ្ឋាភិបាលក្នុងការដោះស្រាយបញ្ហាលំនៅឋានសម្រាប់ពលរដ្ឋដែលមានប្រាក់ចំណូលទាប និងមធ្យមបានមួយកម្រិតផងដែរ ជាក់ស្ដែង យោងតាមការប្រកាសរបស់អ្នកឧកញ៉ា ហុង ពីវ ម្ចាស់គម្រោងអភិវឌ្ឍន៍ ខុនដូ ពិភពថ្មី ដែលជាខុនដូតម្លៃសមរម្យឃើញថាមានពលរដ្ឋជាច្រើនបានគាំទ្រ និងបានដាក់ប្រាក់កក់ទិញគម្រោងខុនដូសម្រាប់ស្នាក់នៅ ។
បើតាមអ្នកឧកញ៉ា ហុង ពីវ បានផ្សព្វផ្សាយលើទំព័រហ្វេសប៊ុករបស់លោកផ្ទាល់ឃើញថា គម្រោងខុនដូតម្លៃសមរម្យរបស់លោកមានការគាំទ្រខ្លាំងពីសំណាក់ប្រជាពលរដ្ឋ ជាក់ស្ដែងនៅថ្ងៃបើកលក់ដំបូង មានពលរដ្ឋរាប់រយនាក់ទៅទស្សនាគម្រោង និងបានសម្រេចចិត្តទិញភ្លាមៗ ដោយតម្លៃខុនដូក្នុងមួយយូនីតមានចាប់ពី ១៧ ៨៨៨ដុល្លារអាមេរិក ឬអាចបង់រំលស់ប្រចាំខែត្រឹមតែប្រមាណ១៥៩ដុល្លារអាមេរិកប៉ុណ្ណោះ ។
ពាក់ព័ន្ធនឹងគម្រោងខុនដូតម្លៃសមរម្យនេះដែរ ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីកម្ម និងសំណង់ បានប្រកាសគាំទ្រលើការអភិវឌ្ឍគម្រោងខុនដូនេះ ហើយឯកឧត្តមឧបនាយរកដ្ឋមន្ត្រីក៏បានអញ្ជើញទៅទស្សនាដោយផ្ទាល់នូវគម្រោងខុនដូតម្លៃសមរម្យនេះ ដល់ក្រុមហ៊ុនអភិវឌ្ឍន៍ផ្ទាល់តែម្ដង ។
ឯកឧត្តមឧបនាយករដ្ឋមន្ត្រី សាយ សំអាល់ ធ្លាប់បានមានប្រសាសន៍លើកឡើងថា ៖
«មែនទែនទៅ ពលរដ្ឋនៅក្នុងរាជធានីភ្នំពេញ មានតម្រូវការលំនៅឋានច្រើន ប៉ុន្តែដោយសារតែកន្លងមក អ្នកអភិវឌ្ឍន៍គាត់មិនបានសង់ផ្ទះតម្រូវទៅតាមលទ្ធភាពរបស់ពលរដ្ឋនោះទេ ដោយភាគច្រើនបានអភិវឌ្ឍន៍លំនៅដ្ឋានដែលមានតម្លៃខ្ពស់លើសពីលទ្ធភាពរបស់ពលរដ្ឋ ដែលបង្កើនឱ្យមានលំនៅដ្ឋានតម្លៃថ្លៃច្រើន គ្មានអ្នកទិញ»។
ឯកឧត្តមបានមានប្រសាសន៍ថា ៖
«ការអភិវឌ្ឍលំនៅឋានតម្លៃសមរម្យនឹងជួយឱ្យពលរដ្ឋដែលមិនមានលទ្ធភាពទិញផ្ទះតម្លៃខ្ពស់ស្នាក់នៅអាចមានលទ្ធភាពទិញផ្ទះស្នាក់នៅបាន ហើយអាចសល់ថវិកាមួយចំណែកពីការបង់រំលស់ប្រចាំខែសម្រាប់ទិញអ្វីផ្សេងទៀត ដូចជាទិញរថយន្តសម្រាប់ប្រើប្រាស់មានលទ្ធភាព ឬអាចទិញផ្ទះទី២បានទៀតផងដែរ ។ ប៉ុន្តែបើសិនជាពួកគាត់ទិញផ្ទះដែលមានតម្លៃខ្ពស់ បង់រំលស់ប្រចាំខែច្រើនលើសពីលទ្ធភាព ពួកគាត់នឹងមានបញ្ហាវិបត្តិហិរញ្ញវត្ថុក្នុងគ្រួសារ»។
គួរបញ្ជាក់ថា រហូតមកដល់ពេលនេះ មានក្រុមហ៊ុនចំនួន៦ហើយ ដែលបានអភិវឌ្ឍន៍លំនៅឋានតម្លៃសមរម្យនៅក្នុងប្រទេសកម្ពុជា ក្នុងនោះមានគម្រោងខុនដូតម្លៃសមរម្យចំនួន២ គឺគម្រោងអភិវឌ្ឍន៍លំនៅឋានអារ៉ាខាវ៉ា និងគម្រោងលំនៅឋានរបស់ក្រុមហ៊ុន ពិភពថ្មី៕
Account
Security
Favourite Content