កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ភ្នំពេញ ៖ បើគ្មានការប្រែប្រួលទេ កំពង់ផែអន្តរជាតិកំពតដំណាក់កាលទីមួយ (KAMPOT INTERANTIONAL PORT) ដែលស្ថាបនាក្នុងទំហំទឹកប្រាក់ ១៤០ លានដុល្លារ នឹងសម្ពោធដាក់ឱ្យប្រើប្រាស់ជាផ្លូវការនៅថ្ងៃទី៦ ខែមិថុនា ឆ្នាំ២០២៤ ខាងមុខនេះ ក្រោមអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត នាយករដ្ឋមន្ត្រី។ នេះបើតាមការឱ្យដឹងរបស់ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន ។

កំពង់ផែកំពតនេះ មានទីតាំងនៅភូមិគីឡូ ១២ សង្កាត់កោះតូច ក្រុងបូកគោ ខេត្តកំពត ដែលជាគម្រោងវិនិយោគដោយក្រុមហ៊ុនកំពតផត ជាក្រុមហ៊ុនឯកជនក្នុងស្រុក ១០០% ក្នុងទំហំទឹកប្រាក់ ១៤០ លានដុល្លារអាម៉េរិកលើផ្ទៃដី២០៧ហិកតារបស់អ្នកឧកញ៉ាបណ្ឌិត វិញ ហ៊ួរ។

ឯកឧត្តម ផន រឹម បានប្រាប់ AMS Economy នាព្រឹកថ្ងៃទី១៧ ខែឧសភា ថា ៖ ក្រុមហ៊ុន Kampot Port Co., Ltd. ទទួលបានការឯកភាពជាគោលការណ៍ពីរាជរដ្ឋាភិបាលនាឆ្នាំ២០០៧ លើផ្ទៃដីសរុប ៧០០ហិកតា ដើម្បីអភិវឌ្ឍកំពង់ផែអន្តរជាតិ និងតំបន់សេដ្ឋកិច្ចពិសេស (Kampot SEZ)។ ក្រុមហ៊ុនបានដាក់ពាក្យស្នើសុំសាងសង់កំពង់ផែ ជាកំពង់ផែទំនិញ និងកុងតឺន័រ (KAMPOT INTERNATIONAL PORT) ស្ថិតនៅភូមិគីឡូ ១២ ឃុំកោះតូច និងឃុំបឹងទូក ស្រុកកំពត ខេត្តកំពត ថ្ងៃទី១៣ ខែធ្នូ ឆ្នាំ២០១១។ ក្រសួងសាធារណការ និងដឹកជញ្ជូន បានចេញលិខិតអនុញ្ញាតសាងសង់កំពង់ផែ ជូនដល់ក្រុមហ៊ុន ថ្ងៃទី២២ ខែកុម្ភៈ ឆ្នាំ២០១៤។

ឯកឧត្តមអ្នកនាំពាក្យបានជម្រាបឱ្យដឹងថា៖ កំពង់ផែ KAMPOT INTERANTIONAL PORT ត្រូវសាងសង់ជាពីរជំហានធំៗគឺ៖ជំហានទី១- ជាកំពង់ផែបម្រើដល់ការលើកដាក់ធ្យូងថ្ម ម្នាងសិលា និងវត្ថុធាតុដើមផ្សេងៗទៀត។ កំពង់ផែនេះបានបញ្ចប់ការសាងសង់នៅថ្ងៃទី២២ ខែកុម្ភៈ ឆ្នាំ២០១៨ និងបានទទួលលិខិតអនុញ្ញាតធ្វើប្រតិបត្តិការកំពង់ផែពីក្រសួងសាធារណការ និងដឹកជញ្ជូន ថ្ងៃទី០២ ខែមីនាឆ្នាំ២០១៨។ ចំណតផែជំហានទី១ នេះ មានទំហំ ៣៥០ម៉ែត្រ x ៣១.៥ម៉ែត្រ ទទឹងអាងសម្រាប់នាវាបង្វិលខ្លួនប្រវែង ១៤០ម៉ែត្រ និងមានជម្រៅទឹក ៦.៥ម៉ែត្រ អាចឱ្យនាវាមានចំណុះផ្ទុក ៥០០០ តោន ចូលចតបាន។ កំពង់ផែ ក៏បានបំពាក់ជញ្ជីងសម្រាប់ថ្លឹងរថយន្តចំណុះ ៧០ តោន ចំនួន ០១គ្រឿង។ កំពង់ផែជំហានទី១នេះ បានបន្តធ្វើប្រតិបត្តិការរហូតដល់បច្ចុប្បន្ន។

ចំណែកជំហានទី២- ជាកំពង់ផែបម្រើដល់ការលើកដាក់ទំនិញទូទៅ កុងតឺន័រ និងអ្នកដំណើរ។ ក្រុមហ៊ុនបានទទួលលិខិតអនុញ្ញាតធ្វើប្រតិបត្តិការកំពង់ផែពីក្រសួងសាធារណការ និងដឹកជញ្ជូន ចុះថ្ងៃទី២៩ ខែកញ្ញា ឆ្នាំ២០២១។ កំពង់ផែនេះមានទំហំ ៤៥០ម៉ែត្រ x ៣០ម៉ែត្រ និងជម្រៅទឹកពី ១០ម៉ែត្រ ទៅ ១២ម៉ែត្រ អាចឱ្យនាវាមានចំណុះផ្ទុក ១០០០០ តោន ចូលចតបាន និងមានឃ្លាំងសម្រាប់ស្តុកទំនិញធំទូលាយទំហំ ៥០ម៉ែត្រ x ២០០ម៉ែត្រ និងទីលានផ្ទុកកុងតឺន័រលើផ្ទៃដីទំហំ ១០០ ហិកតា។

រាជរដ្ឋាភិបាលកម្ពុជា រំពឹងថាកំពង់ផែនេះនឹងក្លាយជាសរសៃឈាមដ៏សំខាន់ថ្មីមួយទៀតសម្រាប់ការដឹកជញ្ជូនផ្លូវសមុទ្ររបស់កម្ពុជា ជាពិសេស កំពង់ផែនេះនឹងបម្រើដល់ការលើកដាក់ទំនិញទូទៅ កុងតឺន័រ និង អ្នកដំណើរជាដើម។

បើតាមអ្នកឧកញ៉ា វិញ ហ៊ួរ ប្រធានក្រុមប្រឹក្សាភិបាលក្រុមហ៊ុនកំពតផត បានប្រាប់សារពត៌មានក្នុងស្រុកថា៖ កំពង់ផែទឹកជ្រៅថ្មីនេះ បានចំណាយពេលសាងសង់អស់រយៈពេល៥ឆ្នាំ ចាប់តាំងពីឆ្នាំ២០១៩ ដល់ឆ្នាំ២០២៤។ កំពង់ផែកំពតផត នឹងអាចឱ្យនាវាដឹកទំនិញចំណុះ ២០.០០០ តោន អាចចូលបាន និងមានសមត្ថភាពខ្ពស់ក្នុងការលើកដាក់ទំនិញចេញ-ចូល បានចំនួនប្រមាណ ២០០.០០០ TEU នៅក្នុងដំណាក់កាលទី១ ឆ្នាំ២០២៤ និងប្រមាណ ៦០០.០០០ TEU សម្រាប់ដំណាក់កាលបន្តបន្ទាប់ទៀត។

គម្រោងវិនិយោគក្នុងដំណាក់កាលទី១ នេះចំណាយថវិការអស់សរុប ១៤០ លានដុល្លារ លើការសាងសង់គម្រោងមួយចំនួនមានជាអាទិ៍ ៖ ទីលានកុងតឺន័រ តំបន់សេដ្ឋកិច្ចពិសេស តំបន់ពាណិជ្ជកម្មសេរី មជ្ឍមណ្ឌល ភស្តុភារកម្ម ឃ្លាំងស្តុកទំនិញចេញចូលគ្រប់ប្រភេទ ឃ្លាំងភណ្ឌាគារគយ រោងចក្រផលិត និងចែកចាយ និងចំណតនាវា ដែលភ្ជាប់ការដឹកជញ្ជូនជាមួយកំពង់ផែស្វយ័តភ្នំពេញ និងកំពង់ផែក្រុងព្រះសីហនុ។

អ្នកឧកញ៉ា វិញ ហ៊ួរ បានឱ្យដឹងទៀតថា ៖

«លក្ខណៈពិសេស គឺយើងអាចនាំចូលវត្ថុធាតុដើមសំរាប់រោងចក្រវាយនភណ្ឌ, រោងចក្រស្បែកជើង ។ល។ វត្ថុធាតុដើមសម្រាប់រោងចក្រស៊ីម៉ង់ត៍ ដែលបច្ចុប្បន្ននេះយើងមានរោងចក្រស៊ីម៉ង់ចំនួន៦ ក្នុងនោះខេត្តកំពតមានរោងចក្រស៊ីម៉ង់ត៍ ៤ ខេត្តកំពង់ស្ពឺមាន ១ និងខេត្តបាត់ដំបងមាន ១ ហើយរោងចក្រទាំងអស់នេះ ត្រូវការដឹកនាំវត្ថុធាតុដើមចូលដូចជា ម្នាងសិលា»។ល។

អ្នកឧកញ៉ា វិញ ហ៊ួរ បានបញ្ជាក់បន្ថែមទៀតថា ៖

«កំពង់ផែទឹកជ្រៅកំពតផត នឹងកាន់តែមានសក្តានុពល ដើរតួនាទីយ៉ាងសំខាន់ថែមទៀតក្នុងការនាំចូលនូវវត្ថុធាតុដើមសម្រាប់រោងចក្រស៊ីម៉ង់ត៍ និងវត្ថុធាតុដើមសំរាប់រោងចក្រវាយនភណ្ឌ, រោងចក្រស្បែកជើង ក្នុងនោះកំពង់ផែកំពតនឹងនាំចេញនូវផលិតផលវាយនភណ្ឌ , ស្បែកជើង និងផលឹតផលកែឆ្នៃសំរេចគ្រប់ប្រភេទនាំចេញទៅសហរដ្ឋអាមេរិក, សហគមន៏អីរ៉ុប ។ល។ កំពង់ផែកំពតក៏មានតួនាទីសំខាន់ក្នុងការប្រមូលផ្តុំនាំចេញនូវផលឹតផលកសិកម្មនៅតាមបណ្តាខេត្តជុំវិញទន្លេសាប នៅពេលដែលកម្ពុជាសាងសង់ព្រែកជីកហ្វូណនតេជោ នៅពេលខាងមុខនេះផងដែរ»។

អ្នកឧកញ៉ាបន្ថែមថា មិនត្រឹមតែជួយជំរុញ និងលើកកម្ពស់ការនាំចេញនាំចូលនោះទេ កំពង់ផែនេះ ក៏នឹងជួយបង្កើនការងារនៅក្នុងខេត្តកំពត និងតំបន់ជុំវិញទៀតផង ដូចជា ខេត្តតាកែវ និងខេត្តកំពង់ស្ពឺផងដែរ។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...

កម្ពុជាមាន SMEs ៧៥ម៉ឺនអង្គភាព ខណៈឥណ្ឌូនេស៊ី ៦៥លានអង្គភាព ព្រមព្រៀងពង្រីកកិច្ចសហប្រតិបត្តិការគាំទ្រវិស័យMSMEs

ព្រឹត្តិការណ៍, សេដ្ឋកិច្ច

• 12/06/2024

កម្ពុជាមានសហគ្រាសធុនមីក្រូ តូច និងមធ្យម ៧៥ម៉ឺនអង្គភាព ខណៈឥណ្ឌូនេស៊ី ៦៥លានអង្គភាព ព្រមព្រៀងគ្នាពង្រីកកិច្ចសហប្រតិបត្តិការគាំទ្រវិស័យ MSMEs

ឯកឧត្តម ឃឹម ហ្វីណង់ ៖ ​វិនិយោគិនបរទេស បើចង់វិនិយោគលើវិស័យកសិកម្មនៅកម្ពុជា គួរបណ្តាក់ទុកលើវិស័យស្វាយចន្ទី

ព្រឹត្តិការណ៍, សេដ្ឋកិច្ច

• 12/06/2024

ឯកឧត្តម ឃឹម ហ្វីណង់ ៖ ​វិនិយោគិនបរទេស បើចង់មកវិនិយោគលើវិស័យកសិកម្មនៅប្រទេសកម្ពុជា គួរបណ្តាក់ទុកលើវិស័យស្វាយចន្ទីដែលកំពុងមានសក្តានុពល ។

ធនាគារពិភពលោកព្រមានថា ប្រទេសកំពុងអភិវឌ្ឍន៍ប្រឈមនឹងការសងបំណុលជាមួយនឹងអត្រាការប្រាក់ខ្ពស់

ព្រឹត្តិការណ៍, សេដ្ឋកិច្ច

• 12/06/2024

ធនាគារពិភពលោកព្រមានថា អតិផរណា និងអត្រាការប្រាក់ខ្ពស់កំពុងបន្ថែមសម្ពាធលើសកម្មភាពសេដ្ឋកិច្ច ហើយវានឹងបង្កហានិភ័យដ៏ទូលំទូលាយសម្រាប់សេដ្ឋកិច្ចពិភពលោក

ធនាគារកណ្តាលអឺរ៉ុបកាត់បន្ថយអត្រាការប្រាក់ជាលើកដំបូងក្នុងរយៈពេល ៥ ឆ្នាំ

ព្រឹត្តិការណ៍, សេដ្ឋកិច្ច

• 11/06/2024

កាលពីសប្តាហ៍មុន ធនាគារកណ្តាលអឺរ៉ុប ECB បានកាត់បន្ថយអត្រាការប្រាក់ជាលើកដំបូងក្នុងរយៈពេល ៥ ឆ្នាំ។ ឥឡូវនេះ គេកំពុងរង់ចាំមើលថា តើធនាគារកណ្តាលអាម៉េរិកអាចនឹងកាត់បន្ថយអត្រាការប្រាក់របស់ខ្លួនដូចនឹងធនាគារកណ្តាលអឺរ៉ុបដែរ ឬទេ?

រយៈពេល​៥​ខែ ​កម្ពុជា នាំចេញ​ស​ម្លៀ​ក​បំពាក់​ ​ស្បែកជើង​ ​និង​ទំនិញ​ធ្វើដំណើរ​​កើន​ឡើង​ជាង២​០​ភាគរយ​

ព្រឹត្តិការណ៍, សេដ្ឋកិច្ច

• 11/06/2024

ក្នុងរយៈពេល៥ ខែនៃឆ្នាំ២០២៤ កម្ពុជា បាននាំចេញសម្លៀកបំពាក់ ស្បែកជើង និងទំនិញធ្វើដំណើរបានកើនឡើង២០,៦៩ ភាគរយ ធៀបនឹងរយៈពេលដូចគ្នាកាលពីឆ្នាំមុន

ឧបនាយករដ្ឋមន្ត្រី ស៊ុន​ចាន់ថុល ជួបក្រុមហ៊ុនធំៗរបស់អេស្ប៉ាញចំនួន៨ ដើម្បីទាក់ទាញមកវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 11/06/2024

ឧបនាយករដ្ឋមន្ត្រី ស៊ុន​ ចាន់ថុល អនុប្រធានទី១CDC ជួបពិភាក្សាជាមួយក្រុមហ៊ុនធំៗរបស់អេស្ប៉ាញចំនួន៨ ដើម្បីទាក់ទាញពួកគេឱ្យមកវិនិយោគនៅកម្ពុជា ។