សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពត ៖ កំពត ត្រូវបានចាត់ជាទុកជាខេត្តមួយដែលមានសក្ដានុពលវិនិយោគទៅលើអចលនទ្រព្យ ហើយទទួលបានការវិនិយោគជាបន្តបន្ទាប់ពីវិនិយោគិនក្នុង និងក្រៅប្រទេស ដែលធ្វើឱ្យខេត្តជាប់មាត់សមុទ្រមួយនេះទទួលបានការអភិវឌ្ឍគួរឱ្យកត់សម្គាល់។ ប៉ុន្តែមកដល់ដើមឆ្នាំ២០២២នេះ សកម្មភាពវិនិយោគ ទិញ-លក់ ដីធ្លីនៅក្នុងខេត្តនេះ ហាក់នៅមានសភាពទ្រឹង ប៉ុន្តែតម្លៃមិនស្រុតចុះនោះឡើយ។
លោក កែវ សុជាតិ ប្រធានក្រុមហ៊ុនអចលនទ្រព្យ KW Cambodia ប្រចាំខេត្តកំពតបានមានប្រសាសន៍ថា បច្ចុប្បន្ននេះ បើមើលពីទិដ្ឋភាពទូទៅឃើញថាសកម្មភាពនៃការវិនិយោគទិញលក់ដីធ្លីមិនទាន់មានការកម្រើក ឬគួរឱ្យកត់សម្គាល់នៅឡើយទេ តែវាមិនមែនមានន័យថាស្ងប់ស្ងាត់អត់មានសកម្មភាពទាល់តែសោះដែរ។ មានន័យថា ការទិញលក់នៅតែមាន តែសកម្មភាពនេះវាមានតាំងពីមុនដំណាច់ឆ្នាំ២០២១កន្លងមកម្ល៉េះ ។
លោកបញ្ជាក់ថា ៖
“បញ្ហានេះ ក៏អាចបណ្ដាលមកពីឥទ្ធិពលនៃសង្គ្រាមរវាងរុស្ស៊ី និងអ៊ុយក្រែនដែរ ពីព្រោះថាអចលនទ្រព្យកម្ពុជានៅតែពឹងលើវិនិយោគិនមកពីបរទេស ជាពិសេសពីប្រទេសចិន ទើបមានគម្រោងធំៗកើតឡើងបាន ។ សម្រាប់វិនិយោគិនក្នុងស្រុក ការដាក់ទុនវិនិយោគមិនជាធំដុំណាស់ណាទេ ហើយទុនក៏វិលចុះឡើងក្នុងស្រុកដដែល តែបើសិនជាមានការវិនិយោគពីខាងក្រៅភាគច្រើនគឺមានទុនវិនិយោគធំៗ នៅពេលនោះដែលអាចធ្វើឱ្យតម្រូវការដីធ្លីកើនឡើងខ្ពស់ផងដែរ”
លោកបន្ថែមផងដែរថា ៖
“យើងរង់ចាំពីស្ថានភាពសង្គ្រាមរវាងអ៊ុយក្រែន និងរុស្ស៊ីសិន បើសិនជាអាចបញ្ចប់ឆាប់ៗ វិនិយោគិនបរទេសអាចនឹងចូលមកកម្ពុជាច្រើនបន្ថែម ស្របពេលស្ថានភាពនៃវិបត្តិកូវីដ១៩ នៅកម្ពុជានិងប្រទេសមួយចំនួនធំហាក់ធូរស្រាល និងមិនសូវចោទជាបញ្ហាដូចមុនទៀតឡើយ”
លោក សុខ គែន នាយកគ្រប់គ្រងនៃក្រុមហ៊ុនអចលនទ្រព្យ Kampot Street Real Estate ក៏បានឱ្យដឹងផងដែរថា ដើមឆ្នាំ២០២២នេះ មិនមានសកម្មភាពវិនិយោគណាមួយនៅខេត្តកំពតលេចរូបរាងគួរឱ្យកត់សម្គាល់ទេ។ រាល់សកម្មភាពអភិវឌ្ឍន៍ភាគច្រើនជាគម្រោងចាស់ៗ សល់ពីមុន ហើយគម្រោងតូចៗ ដូចជាការពុះដីឡូត៍លំហែក៏លក់មិនសូវចេញដែរ។ ទាំងអស់នេះ ធ្វើឱ្យតម្រូវការនៅតែមិនទាន់មានកំណើនខ្ពស់នៅឡើយ ។ យ៉ាងណាក្ដី លោក កឹម សង្គ្រាម ភ្នាក់ងារអចលនវត្ថុមួយរូបប្រចាំខេត្តនេះបានបង្ហើបថា តាមពិតមានគម្រោងមួយចំនួនត្រៀមនឹងអភិវឌ្ឍន៍នៅខេត្តកំពតដែរ ប៉ុន្តែគេនៅមិនទាន់អាចបង្ហាញជាលម្អិតពីគម្រោងនោះទេ ពីព្រោះបើកាលណាគម្រោងធំៗត្រូវបានលេចឡើងវានឹងអាចធ្វើឱ្យមានសន្ទុះនៃតម្លៃដីធ្លីកើនឡើងខ្ពស់ជាមិនខានឡើយ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content