អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ភ្នំពេញ ៖ គិតត្រឹមដើមខែមិថុនា ឆ្នាំ ២០២៤​នេះ ក្រុមហ៊ុន​អភិវឌ្ឍន៍​ព្រលានយន្តហោះអន្តរជាតិតេជោ​ នៅ​ស្រុក​​កណ្ដាល​ស្ទឹង ​ខេត្តកណ្ដាល និងស្រុកបាទី ខេត្ត​តាកែវ បាន​ចំណាយ​ទឹក​ប្រាក់​​អស់​ប្រមាណ ១,១ពាន់​លានដុល្លារ​អាមេរិក​ហើយ ក្នុងចំណោមទឹកប្រាក់​គ្រោង​១,៥ពាន់​លានដុល្លារអាមេរិក និង​សម្រេច​បានលទ្ធផល​ប្រមាណ៧៥​ភាគរយ។

លោក ​វ៉ាន់ ចន្ទី អគ្គនាយក​គោល​នយោបាយ​ដឹកជញ្ជូនតាមផ្លូវអាកាស​​ បានថ្លែ​ងកាលពីពេលថ្មីៗនេះឱ្យដឹង​ថា រហូតមកដល់ពេលនេះ ដំណើរការ​សាងសង់​ព្រលានយន្តហោះអន្តរជាតេជោ មិន​មាន​បញ្ហា​ប្រឈម​អ្វី​នោះទេ​ ហើយបើ​តាមផែនការ​ គម្រោង​ព្រលានយន្តហោះ​មួយ​នេះ នឹងដាក់​ដំណើរ​ការ​ដំណាក់​កាលទី​១​នៅ​ដំណាច់​ឆមាស​ទី​១​ឆ្នាំ២០២៥​ខាងមុខនេះ ។​

លោក ​វ៉ាន់​ ចន្ទី​ បានបន្ថែមថា នៅពេល​គម្រោងអាកាស​យានដ្ឋានអន្តរជាតិ​តេជោ សាងសង់​រួចរាល់​ទាំងស្រុង វានឹង​ជួយលើក​មុខ​មាត់​ប្រទេស​កម្ពុជា ជាពិសេស​វិស័យ​ទេសចរណ៍ ដែល​នឹង​​ជួយទាក់ទាញភ្ញៀវទេសចរ​​បរទេស​មក​ទស្សនា ​និងសម្រាក​កម្សាន្តនៅក្នុង​ប្រទេស​កម្ពុជា​បន្ថែមទៀត ។

បើ​តាមអ្នកឧកញ៉ា​ ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក បាន​មាន​ប្រ​សា​សន៍​ឲ្យដឹ​ង​ដែរ​ថា ការ​សម្រេចបានលទ្ធផលជាង ៧៥% ក្រុម​ហ៊ុន​អភិ​វឌ្ឍ​ន៍ លើព្រលានយន្តហោះថ្មីនេះ បាន​ចំណា​​យ​ទឹកប្រាក់​ក្នុង​ការ​សាង​សង់​ចំនួន​ ១ ១០០លានដុល្លារ​អាមេរិក លើ​ទំហំផ្ទៃដីជាង ​២ ៦០០​ហិចកតា ។

ស្រ​បនឹង​គម្រោងព្រលានយន្តហោះអន្តរជាតិ​តេជោ​​នឹង​ដាក់ដំណើរ​ការ​នូវ​ដំណាក់​កាលទី​១​នៅពាក់​កណ្ដាល​​ឆ្នាំ ២០២៥​ខាងមុខនេះ បច្ចុប្បន្ន​រាជរដ្ឋាភិបាលក៏បាន​រៀបចំ​ហេ​ដ្ឋា​រចនា​សម្ព័ន្ធ បន្ថែម​​នៅ​តំបន់​ជុំ​វិញ​​គម្រោងនេះ ជាក់ស្ដែង​នៅដើមសប្ដាហ៍​នេះដែរ ប្រមុខរាជរដ្ឋាភិបាលស​ម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ​​បាន​បើក​​ការដ្ឋាន​សាងសង់ស្ពានអាកាស​ភ្លោះ​ត្រង់ចំណុច​ផ្លូវ​៦០​ម៉ែត្រ និងផ្លូវជាតិលេខ​២​  ដើម្បី​សម្រួល​ការ​ធ្វើ​ដំ​ណើរ​នៅតំបន់​ប៉ែក​ខាងត្បូងភ្នំពេញ ដោយ​រំពឹងថា​នឹង​មានភាពមមាញឹកខ្លាំង​នៅពេល​ ព្រលាន​យន្ត​ហោះ​​​អន្ត​រ​ជាតិ​តេជោ​បាន​ដាក់​ដំណើរ​ការ​នៅឆ្នាំក្រោយ ។

សម្ដេច​ធិបតីក៏បាន​មានប្រសាសន៍​ជុំវិញការអភិវឌ្ឍ​នៅ​តំបន់ជុំវិញព្រលានយន្តហោះអន្តរជាតិ​តេជោ​ ដោយ​រំពឹង​ថា​ ភ្នំពេញនឹង​មានការរីក​ចម្រើនខ្លាំង ជាពិសេស​ទៅកាន់តំបន់​ប៉ែក​ខាង​ត្បូងភ្នំពេញ​ដូចជា​តំបន់ទន្លេ​បាទី​ និង​តំបន់ភ្នំ​តាម៉ៅ​ជាដើម ហើយ​សម្ដេច​ក៏ជំរុញឱ្យ​មន្ត្រី​ត្រូវ​រៀបចំ​ផែនការ​មេ ​និង​អនុវត្តផែន​កា​រមេ​ឱ្យ​បាន​តឹងរ៉ឹង​បំផុត​ ។

លោក ​ប៉ូ អ៊ាវគង់ អគ្គនាយក​ក្រុមហ៊ុន ​Advance បានមាន​ប្រសាសន៍​ថា​ តំបន់​ជុំវិញ​ព្រលានយន្តហោះ​អន្តរជាតិ ​​ជាពិសេស​នៅតំបន់​ផ្លូវជាតិលេខ​២​ចាប់ពីរង្វង់មើល​កួរស្រូវ នឹងក្លាយជា​តំបន់​អភិវឌ្ឍន៍​ឧស្សាហកម្ម​ដ៏​មានសក្ដានុពល​ និងអាច​ទាក់ទាញ​វិនិយោគិនក្នុង​វិស័យ​ឧស្សាហម្ម​ចូលទៅ​បណ្ដាក់ទុន​បន្ថែមទៀត ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច