សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការអភិវឌ្ឍលំនៅឋាននៅក្នុងប្រទេសកម្ពុជានាពេលបច្ចុប្បន្ន ជាពិសេសនៅក្នុងរាជធាំនីភ្នំពេញត្រូវបានគេសង្កេតឃើញថាមានការកែប្រែមួយចំនួន ទៅលើទំហំផ្ទះ និងការទុកដីទំនេរនៅក្នុងគម្រោងអភិវឌ្ឍន៍នោះច្រើនជាងកាលពីមុន ដូចជានៅតាមគម្រោងបុរីមួយចំនួននៅតាមតំបន់ជាយក្រុងចាប់ផ្ដើមគិតគូរពីសុខុមាលភាពអ្នករស់នៅក្នុងបុរីកាន់តែច្រើនឡើងផងដែរជាមួយនឹងការទុកទីធ្លារសាធារណៈ ការដាំដើមឈើធំៗ ក៏ដូចជាទីកន្លែងសម្រាប់លំហែរ និងហាត់ប្រាណជាដើម។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group បានឱ្យដឹងថា កាលពីមុនការអភិវឌ្ឍលំនៅឋាននៅក្នុងរាជធានីភ្នំពេញគឺមិនសូវបានគិតគូរពីការទុកផ្លូវធំៗ ឬទុកសួនសម្រាប់កម្សាន្តនោះទេ ដោយសារតែកត្តាមួយចំនួនដូចជាមិនទាន់មានច្បាប់កំណត់ពីការទុកទំហំដី ហើយអ្នកអភិវឌ្ឍន៍មួយចំនួនក៏ចង់ចំណេញឆាប់ទើបមិនទុកដីទំនេរ ដូច្នេះហើយផ្ទះនៅក្នុងបុរីដែលសង់ពីមុនៗមកមានផ្លូវតូចចង្អៀត។
លោកឧកញ៉ាបន្តថា ៖
“ដោយសារតែមើលឃើញពីបញ្ហាប្រឈម រដ្ឋាភិបាលបានចេញច្បាប់កំណត់ថ្មីៗមួយចំនួនដែលមានភាពច្បាស់លាស់ពីក្រសួងរៀបចំដែនដី នគរូបនីយកម្ម និងសំណង់ ទើបការអភិវឌ្ឍលំនៅឋាននៅពេលនេះ បានទុកដីចំណីផ្លូវធំៗ មានការរៀបចំហេដ្ឋារចនាសម្ព័ន្ធនានាដែលមានសោភ័ណភាព ដែលអាចផ្តល់ឱ្យពលរដ្ឋជាអតិថិទិញលំនៅឋានរស់នៅប្រកបដោយផាសុកភាពខ្ពស់។ នៅពេលដែលអ្នកវិនិយោគចាប់ផ្ដើមគិតគូរពីការទុកផ្លូវធំៗ និងរៀបចំបង្កើតជាសួនច្បារសម្រាប់ពលរដ្ឋរស់នៅក្នុងបុរីអាចហាត់ប្រាណ និងលំហែបានឃើញថា គម្រោងនោះតែងតែទទួលបានការគាំទ្រច្រើនពីអតិថិជន”
លោកឧកញ៉ាបន្ថែមថា ៖
“ការទុកដីទំនេរច្រើននៅក្នុងគម្រោងអភិវឌ្ឍន៍លំនៅឋាន មិនធ្វើឱ្យអ្នកអភិវឌ្ឍន៍ខាតបង់ប្រាក់ចំណេញនោះទេ ផ្ទុយទៅវិញគាត់ទទួលបានប្រាក់ចំណេញទៅវិញ ពីព្រោះផ្ទះសម័យឥឡូវក៏ឡើងថ្លៃជាបន្តបន្ទាប់ធៀបនឹងផ្ទះពីមុន ទោះបីតម្លៃបានកើនឡើងក៏នៅតែចំណេញ។ ការរចនាម៉ូដផ្ទះគឺជារឿងសំខាន់ណាស់ បើនៅក្នុងគម្រោងអភិវឌ្ឍន៍មានអ្វីទាក់ទាញអតិថិជនរឹតតែសំខាន់ទៅទៀត។ ដូច្នេះ បើសង់តែផ្ទះហើយមិនមានផ្លូវសម្រាប់អ្នករស់នៅ ឬផ្លូវតូចចង្អៀតពិបាកធ្វើដំណើរក៏មិនធ្វើឱ្យគម្រោងនោះជោគជ័យ ឬមានអ្នកគាំទ្រដែរ”
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុនភ្នាក់ងារអចលនទ្រព្យអន្តរជាតិ CBRE Cambodia ក៏បានលើកឡើងដែរថា ផ្ទះដែលមានការកែប្រែទាំងក្នុងគម្រោង និងក្នុងផ្ទះផ្ទាល់ ដើម្បីទាក់ទាញអតិថិជននៅតែទទួលបានគាំទ្រ និងមានអតិថិជនទិញជាហូរហែ ទោះស្ថិតនៅក្នុងវិបត្តិកូវីដ១៩ក៏ដោយ ហើយបច្ចុប្បន្ននេះ ម្ចាស់គម្រោងជាច្រើនក៏បានផ្លាស់ប្តូរធ្វើទំនើបកម្មការអភិវឌ្ឍរបស់ខ្លួនដើម្បីទាក់ទាញអតិថិជនក្នុងការទិញគម្រោងរបស់ខ្លួន។
អ្នកនាងបានបញ្ជាក់ថា ពេលនេះ ទាំងប្រភេទលំនៅឋានក្នុងគម្រោងបុរី ក៏ដូចជាបណ្តុំលំនៅឋានលក្ខណៈជាវីឡាទោល ឬជាផ្ទះល្វែង បានឃ្លាតទៅជាយក្រុងបន្តិចម្ដងៗ ដោយសារតែតម្លៃដីនៅក្នុងក្រុង ឬតំបន់គៀកនឹងក្រុងមានតម្លៃកាន់តែខ្ពស់ និងមិនអាចអនុញ្ញាតឱ្យអ្នកអភិវឌ្ឍន៍ទទួលបានប្រាក់ចំណេញបាននោះទេ ហើយដីនៅកណ្ដាលក្រុងគឺសម្រាប់អភិវឌ្ឍន៍ជាអគារខ្ពស់ៗជំនួសវិញ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឥណទានសម្បទានពី China Eximbank ជិត ៦ ពាន់លានដុល្លារ គាំទ្រហេដ្ឋារចនាសម្ព័ន្ធកម្ពុជា
កម្ពុជា ស្នើ ជប៉ុន ជួយជំរុញការតភ្ជាប់ហេដ្ឋារចនាសម្ព័ន្ធ និងវិស័យភស្តុភារកម្មនៅតំបន់ព្រំដែនកម្ពុជា-ឡាវ
Account
Security
Favourite Content