សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជ្រក់ជើងមាន់ គឺជាអាហារកែច្នៃមួយប្រភេទដែលប្រជាជន ពិសេសយុវវ័យនិយមទទួលទាន ដោយសារតែជ្រក់ជើងមាន់មានរសជាតិឆ្ងាញ់បែបជូរ និងហឹរ ដែលជារសជាតិពេញនិយមសម្រាប់យុវវ័តែម្ដង។ ដោយមើលឃើញពីតម្រូវការទីផ្សារបែបនេះ យុវតីមួយរូបបានចាប់ផ្ដើមផលិត និងលក់ជ្រក់ជើងមាន់ដើម្បីរកចំណូលបន្ថែមសម្រាប់គ្រួសារ។
កញ្ញា ហួន ស៊ីវយីង និស្សិតម្នាក់រស់នៅទីក្រុងភ្នំពេញ និងមានស្រុកកំណើតនៅខេត្តព្រះវិហារ បានប្រាប់ AMS ថា កញ្ញាចាប់ផ្ដើមលក់ជ្រក់ជើងមាន់ ដោយសារតែចង់រកចំណូលក៏ដូចជាសម្រាលបន្ទុកក្នុងគ្រួសារ។
កញ្ញាបញ្ជាក់ថា៖
“ពេលទំនេរ ខ្ញុំធ្វើជ្រក់ជើងមាន់លក់តាំងពីរៀនថ្នាក់ទី១១ នៅវិទ្យាល័យនៅឯខេត្ត ដោយសារតែខ្ញុំចង់រកចំណូលបន្ថែម ហើយចង់សម្រាលបន្ទុកគ្រួសារបានខ្លះ”
កញ្ញាបានបន្តថា ជ្រក់ជើងមាន់របស់កញ្ញាមានតម្លៃ ១ ម៉ឺនរៀល ក្នុងមួយប្រអប់ ហើយជាធម្មតា កញ្ញាធ្វើតាមការកម្ម៉ង់របស់ភ្ញៀវ ដើម្បីឱ្យភ្ញៀវទទួលបានជ្រក់ថ្មីៗតែម្ដង។ ជាមធ្យម ក្នុងជើងមាន់ប្រមាណ ២ គីឡូក្រាម កញ្ញាអាចធ្វើ ឬច្នៃជាជ្រក់ជើងមាន់បាន ៧ ប្រអប់ផងដែរ។
ចំពោះគ្រឿងផ្សំ ដើម្បីធ្វើជ្រក់ជើងមាន់បាន កញ្ញា ហួន ស៊ីវយីង ត្រូវការ ជើងមាន់ ខ្ទឹមស ខ្ញី រំដេង ស្លឹកក្រូចសើច ម្ទេស គល់ស្លឹកគ្រៃ អំបិល ស្ករ ប៊ីចេង ពិសេសគឺក្រូចឆ្មារ ដោយសារអតិថិជនចូលចិត្តរសជាតិជូរ និងហឹរ។ កញ្ញាបន្តថា អតិថិជនភាគច្រើនជាមិត្តភក្ដិ ក៏ដូចជាមិត្តក្នុងបណ្ដាញសង្គមដែលតែងតែកម្ម៉ង់ទិញនៅតាមផេកហ្វេសប៊ុកជាដើម។
ចំណែចំណុចពិសេសរបស់ជ្រក់ជើងមាន់ដែលអតិថិជនតែងតែកោតសរសើរនិងគាំទ្រគឺ រសជាតិ ជូរ និងហឹរ ដឹតល្អ។ លើសពីនេះ ទោះជ្រក់ជើងមាន់ធ្វើថ្មីៗក៏ដោយ ក៏វានៅតែមានរសជាតិល្មមអាចញ៉ាំបានភ្លាមៗតែម្ដង ដោយមិនបាច់ទុកយូរនោះឡើយ ហើយក៏មានថែមបន្លែសម្រាប់ផ្ទាប់ ដូចជាការរ៉ុត និងខ្ញីផងដែរ។
ពាក់ព័ន្ធនឹងវិធីធ្វើវិញ ដំបូងកាត់ជើងមាន់ជាដុំតូចៗ លាងសម្អាតដោយច្របាច់អំបិលឱ្យស្អាត រួចដាក់ស្រុះក្នុងទឹកក្ដៅដែលមានដាក់គល់ស្លឹកគ្រៃ រំដេង ខ្ញី ស្លឹកក្រូចសើច និងខ្ទឹមស ដើម្បីកាត់ក្លិនឆ្អាប។ លុះជើងមាន់ឆ្អិនហើយ ស្រង់វាចេញដាក់ត្រាំក្នុងទឹកកដើម្បីធ្វើឱ្យជើងមាន់រឹង និងស្រួយល្អ។ បន្ទាប់មក បុកទឹកត្រីដើម្បីលាយដោយប្រើគ្រឿងផ្សំដូចជាម្ទេស ខ្ទឹមស អំបិល ប៊ីចេង ក្រូចឆ្មារ ទឹកត្រីដើមតាមបរិមាណជើងមាន់ រួចហើយ ទើបលាយច្របល់ជាមួយជើងមាន់ ទុកប្រមាណ ៣០ នាទី ហើយដាក់ចូលក្នុងទូរទឹកកកឱ្យត្រជាក់ជាការស្រេច។
សម្រាប់ការចាប់ផ្ដើម កញ្ញា ស៊ីវយីង បានបញ្ជាក់ដែរថា ពុំបានប្រើដើមទុនអ្វីច្រើនទេ ពោលគឺមានដើមទុនតិចតួច ដោយសារនៅខេត្ត មានគ្រឿងផ្សំមានខ្លួនឯងដូចជាស្លឹកគ្រៃ ម្ទេស ស្លឹកក្រូចសើចជាដើម ហើយអ្វីដែលត្រូវចំណាយគឺជើងមាន់ និងគ្រឿងទេសប៉ុណ្ណោះ។
ចំពោះផលលំបាកវិញ ភាគច្រើនទាក់ទងនឹងពេលវេលា ដោយសារ កញ្ញា ត្រូវជាប់រៀនផង និងធ្វើការផង ហើយត្រូវដឹកឱ្យភ្ញៀវភ្លាមៗទៀត នៅពេលរងចាំអ្នកដឹកជញ្ជូនអាចយូរ ព្រោះភ្ញៀវខ្លះរងចាំពុំបាន ដែលតម្រូវឱ្យកញ្ញាចេញដឹកជូនភ្ញៀវខ្លួនឯងតែម្ដង។ ជាចុងក្រោយ កញ្ញាក៏សូមអរគុណដល់អតិថិជនដែលតែងតែគាំទ្រជ្រក់ជើងមាន់របស់កញ្ញា ហើយកញ្ញាក៏មានគម្រោងចង់ពង្រីកអាជីវកម្មឱ្យកាន់តែធំ និងបំពេញតម្រូវការអតិថិជនឱ្យបានកាន់តែច្រើនផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content