សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បទេស ៖ យោងតាមប្រភពពី CNBC បានរាយការណ៍ថា តម្លៃប្រេងឆៅរបស់អាមេរិកឡើងថ្លៃដល់កម្រិតខ្ពស់ជាលើកដំបូងនៅឆ្នាំនេះ ខណៈដែលការផ្គត់ផ្គង់កាន់តែតឹងតែងឡើង ដោយសារវាជំរុញដោយការកាត់បន្ថយផលិតកម្មពីក្រុមប្រទេសផលិតប្រេង OPEC +។
តម្លៃប្រេងឆៅរបស់អាមេរិក West Texas Intermediate (WTI) បានឡើងថ្លៃ ១,៩ ភាគរយ ឬ ៩០,១៦ ដុល្លារក្នុងមួយបារ៉ែល ខណៈដែលតម្លៃប្រេងឆៅ Brent បានឡើងថ្លៃ ២ ភាគរយ ឬ ៩៣,៧០ ដុល្លារក្នុងមួយបារ៉ែល ដែលជាកម្រិតខ្ពស់បំផុតជាង ១០ ខែមកនេះ។
កាលពីថ្ងៃពុធកន្លងទៅនេះ ទីភ្នាក់ងារថាមពលអន្តរជាតិ IEA បាននិយាយថា អារ៉ាប៊ីសាអូឌីត និងរុស្ស៊ី នឹងបន្តកាត់បន្ថយទិន្នផលប្រេងរបស់ពួកគេរហូតដល់ចុងឆ្នាំ២០២៣ ហើយការផ្លាស់ប្តូរនេះអាចបណ្តាលឱ្យមានឱនភាពទីផ្សារខ្លាំង។ ចាប់ពីខែកញ្ញាតទៅ ការកាត់បន្ថយផលិតកម្មប្រេងរបស់ OPEC+ នឹងជំរុញឱ្យមានការខ្វះខាតការផ្គត់ផ្គង់យ៉ាងខ្លាំងរហូតដល់ត្រីមាសទី៤។ ទន្ទឹមនឹងនេះ អារ៉ាប៊ីសាអូឌីតកាត់បន្ថយផលិតកម្ម និងការនាំចេញប្រេងចំនួន ១ លានបារ៉ែលក្នុងមួយថ្ងៃ និង ៣ សែនបារ៉ែលបន្ថែមទៀតពីប្រទេសរុស្ស៊ី។ ការកាត់បន្ថយនេះត្រូវបានបន្តរហូតដល់ខែធ្នូឆ្នាំនេះក្នុងគោលបំណងគាំទ្រដល់ស្ថិរភាពនៃទីផ្សារប្រេង។
ស្របពេលនេះដែរ សេដ្ឋកិច្ចកំពុងជួបការលំបាកក្នុងការងើបឡើងវិញ និងដោះស្រាយបញ្ហាអតិផរណា ខណៈដែលការឡើងថ្លៃតម្លៃប្រេងឆៅអាចបណ្តាលឱ្យថ្លៃប្រេងឥន្ធនៈឡើងថ្លៃផងដែរ។ មិនត្រឹមតែប៉ុណ្ណោះ សន្ទស្សន៍តម្លៃទំនិញប្រើប្រាស់ (CPI) បានបង្ហាញថា អតិផរណាប្រចាំខែសីហាឡើងខ្ពស់បំផុតក្នុងឆ្នាំនេះ ដោយសារតម្លៃថាមពលដែលបានកើនឡើង ៥,៦ ភាគរយ និងតម្លៃប្រេងសាំងកើនឡើង ១០,៦ ភាគរយ។
នៅសប្តាហ៍នេះផងដែ តម្លៃប្រេងឆៅ WTI បានកើនឡើងប្រហែល ៣ ភាគរយ ដែលជាការកើនឡើងក្នុងល្បឿនលឿនបំផុតក្នុងរយៈពេលបីសប្តាហ៍ជាប់ៗគ្នា ហើយតម្លៃកើនឡើងប្រហែល ១៣ ភាគរយនៅឆ្នាំនេះ។ កាលពីសប្តាហ៍មុន ក្រុមហ៊ុន Goldman Sachs បានព្យាករណ៍ថា តម្លៃប្រេងអាចឡើងថ្លៃដល់ ១០៧ ដុល្លារក្នុងមួយបារ៉ែលនៅឆ្នាំក្រោយនេះ ប្រសិនបើ OPEC + នៅតែបន្តកាត់បន្ថយផលិតកម្មប្រេង៕
Account
Security
Favourite Content