សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការទិញអចលនទ្រព្យ មិនថាទិញផ្ទះ ទិញដីឡូត៍ ឬម្រោងផ្សារនានានោះឡើយសុទ្ធតែត្រូវចំណាយថវិកាច្រើន ដែលបានមកពីការសន្សំឬក៏យកកម្ចីធនាគារមកដាក់ទុន ដូច្នេះមុននឹងទិញអចលនទ្រព្យពីគម្រោងណាមួយ គប្បីត្រូវមានការគិតគូរឱ្យបានត្រឹមត្រូវជៀសវាងមានហានិភ័យ ដូចដែលពលរដ្ឋមួយចំនួនកំពុងជួបនាពេលបច្ចុប្បន្ន ។
អ្នកជំនាញនៃវិស័យអចលនទ្រព្យបានបង្ហាញពីគន្លឹះមួយចំនួនមុននឹងឈានដល់ការសម្រេចចិត្តទិញគម្រោងអចលនទ្រព្យណាមួយ ៖
១- សិក្សាពីប្រវត្តិអ្នកអភិវឌ្ឍន៍គម្រោង ៖ មុននឹងទិញគម្រោងអចលនទ្រព្យ ត្រូវសិក្សាថាតើអ្នកណាជាអ្នកអភិវឌ្ឍគម្រោងនោះ មានកេរ្តិ៍ឈ្មោះយ៉ាងណានៅលើទីផ្សារអចលនទ្រព្យ ។
២- សុំមើលអាជ្ញាប័ណ្ណធ្វើអាជីវកម្ម និងអាជ្ញាប័ណ្ណអភិវឌ្ឍន៍គម្រោង ៖ ក្រុមហ៊ុនខ្លះ មានអាជ្ញាប័ណ្ណធ្វើអាជីវកម្មមួយសន្លឹក ប៉ុន្តែគេយកអាជ្ញាប័ណ្ណនោះទៅអភិវឌ្ឍន៍គម្រោងជាច្រើន ហើយបើតាមច្បាប់គឺគម្រោងមួយត្រូវស្នើសុំអាជ្ញាប័ណ្ណមួយ។
៣- ទីតាំងសក្ដានុពល និងហេដ្ឋារចនាសម្ព័ន្ធជុំវិញ ៖ ការទិញអចលនទ្រព្យរបស់មនុស្សម្នាក់ៗសុទ្ធតែមានបំណង ខ្លះទិញដើម្បីវិនិយោគ ខ្លះទិញដើម្បីទុកប្រើប្រាស់ខ្លួនឯងដូចជាទិញផ្ទះសម្រាប់ស្នាក់នៅ ទិញផ្សារដើម្បីទុកធ្វើអាជីវកម្មខ្លួនឯងជាដើម ដូច្នេះ ត្រូវពិនិត្យពីទីតាំង តំបន់ឱ្យបានច្បាស់លាស់។
៤- សិក្សាពីលក្ខខណ្ឌបង់ប្រាក់ ៖ គម្រោងអភិវឌ្ឍន៍អចនទ្រព្យមួយចំនួនបានផ្ដល់នូវលក្ខខណ្ឌបង់ប្រាក់ងាយៗដោយឱ្យបង់រំសល់ប្រចាំខែសុទ្ធរហូតដល់គម្រោងបញ្ចប់ ខ្លះបង់ជាដំណាក់កាល និងខ្លះទៀតបង់រយៈពេលវែង។ យ៉ាងណាក៏ដោយ មិនថាលក្ខខណ្ឌបង់ប្រាក់បែបណានោះទេ មុនសម្រេចចិត្តក៏ត្រូវតែសិក្សាលម្អិតពីលទ្ធភាពឱ្យបានច្បាស់។
អ្នកជំនាញនៅក្នុងវិស័យមួយនេះបានរំឮកថា គន្លឹះចម្បងដូចដែលបានលើកឡើងខាងលើនេះ នៅមិនទាន់គ្រប់ជ្រុងជ្រោយនោះទេ ដែលវានៅមានចំណុចជាច្រើនទៀតដែលអ្នកទិញអចលនទ្រព្យគួរគិតគូរឱ្យបានច្បាស់លាស់មុននឹងសម្រេចទិញគម្រោងអចលនទ្រព្យ ជាពិសេសនៅក្នុងដំណាក់កាលនៃស្ថានភាពមិនទាន់ច្បាស់លាស់ដូចនៅពេលបច្ចុប្បន្ននេះ ជាក់ស្ដែង ក្នុងរយៈពេលប៉ុន្មានសប្ដាហ៍កន្លងទៅនេះគេឃើញមានគម្រោងអចលនទ្រព្យមួយចំនួនដែលពលរដ្ឋបានទិញ តែមិនមានការអភិវឌ្ឍ ឬមិនមានប្លង់កម្មសិទ្ធិផ្ដល់ជូននោះឡើយ រហូតធ្វើឱ្យអតិថិជនផ្ទុះការតវ៉ាជាបន្តបន្ទាប់ ។
អ្នកនាង គឹម គិនកេសា អគ្គនាយិការងនៃក្រុមហ៊ុន CBRE Cambodia បានលើកឡើងផងដែរថា នៅក្នុងបរិបទនេះ អ្នកវិនិយោគត្រូវមានការប្រុងប្រយ័ត្នខ្ពស់ចំពោះការវិនិយោគលើអចលនទ្រព្យ ហើយរឹតតែមិនគួរយកលុយធនាគារ ឬលុយដែលនាំឱ្យកើតការប្រាក់មកវិនិយោគក្នុងវិស័យអចលនទ្រព្យនោះទេ ប៉ុន្តែវាក៏ជាឱកាសសម្រាប់អ្នកមានទុនគ្រប់គ្រាន់ក្នុងការបណ្ដាក់ទុនវិនិយោគ យ៉ាងណាក៏ដោយ ការវិនិយោគក៏ត្រូវតែប្រុងប្រយ័ត្នខ្ពស់ដដែលមុននឹងបណ្ដាក់ទុន៕
Account
Security
Favourite Content