សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្របពេលដែលស្ថានភាពនៃវិស័យអចលនទ្រព្យនៅកម្ពុជាបន្តងើបឡើងក្នុងល្បឿនយឺត រាជរដ្ឋាភិបាលបានសម្រេចបន្តបន្ធូបន្ថយពន្ធ និងអនុគ្រោះពន្ធបន្ថែមទៀតរហូតដល់ដំណាច់ឆ្នាំ២០២៤ ។ នេះបើតាមសេចក្ដីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុកាលពីពេលថ្មីៗកន្លងទៅនេះ ។
យោងតាមសេចក្ដីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា រាជរដ្ឋាភិបាលបានសម្រេចលើកលែង និងអនុគ្រោះពន្ធលើប្រភេទអចលនទ្រព្យចំនួន៤ប្រភេទ ក្នុងនោះរួមមាន ៖
១. ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ដោយបន្តការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់លំនៅឋានគ្រប់ប្រភេទដែលមានលក្ខណៈជាបុរី ដែលមានតម្លៃក្រោម ឬស្មើ ៧ម៉ឺនដុល្លារអាមេរិករហូតដល់ដាច់ឆ្នាំ២០២៤ និងអនុគ្រោះពន្ធប្រថាប់ត្រាបន្ថែមទៀតលើការផ្ទេរកម្មសិទ្ធិ ឬសិទ្ធិកាន់កាប់លំនៅឋានគ្រប់ប្រភេទដែលមានលក្ខណៈជាបុរី មានតម្លៃលើស៧ម៉ឺនដុល្លារអាមេរិកដោយអនុញ្ញាតឱ្យដក៧ម៉ឺនដុល្លារអាមេរិកចេញពីមូលដ្ឋានគិតពន្ធប្រថាប់ត្រា សម្រាប់ការទិញលំនៅឋានក្នុងគម្រោងអភិវឌ្ឍន៍លំនៅឋានជាបុរី ដែលមានអាជ្ញាបណ្ណអាជីវកម្ម អចលនវត្ថុ និងបានចុះបញ្ជី ត្រឹមត្រូវរហូតដល់ដំណាច់ឆ្នាំ២០២៤ ។
២. ពន្ធលើចំណេញមូលធន ដោយបន្តពន្យារពេលការអនុវត្តពន្ធលើចំណេញមូលធនទាំង៦ ប្រភេទរួមមានអចលនទ្រព្យ ភតិសន្យា ទ្រព្យវិនិយោគ កេរ្តិ៍ឈ្មោះអាជីវកម្ម កម្មសិទ្ធិបញ្ញា និងរូបិយបណ្ណបរទេស រហូតដល់ដំណាច់ឆ្នាំ២០២៤ ។
៣. ពន្ធលើអចលនទ្រព្យ ៖ ចំពោះពន្ធអចលនទ្រព្យដែលបានចុះបញ្ជី និងប្រកាសបង់ពន្ធលើអចលនទ្រព្យកន្លងមក ខុសតម្លៃដី ឬសំណង់ទំហំដី ឬសំណង់ ប្រភេទសំណង់ ឬ/និងអាយុកាលសំណង់ ត្រូវបានលើកលែងការកំណត់ពន្ធឡើងវិញ ដែលមានប្រាក់ពន្ធរួមទាំងទណ្ឌកម្មរដ្ឋបាល ( បន្ធបន្ថែម និងការប្រាក់ ) ចាប់ពីឆ្នាំដាក់ឱ្យអនុវត្តពន្ធរហូតដល់ឆ្នាំ ២០២៣ ។ ចាប់ពីឆ្នាំ២០២៤តទៅ អនុវត្តតាមច្បាប់ និងលិខិតបទដ្ឋានគតិយុត្តជាធរមាន ។ -ចំពោះអចលនទ្រព្យ ( មានបណ្ណកម្មសិទ្ធិ ឬគ្មានបណ្ណកម្មសិទ្ធិ ) ដែលពុំធ្លាប់បានចុះបញ្ជីនិងប្រកាសបង់ពន្ធលើអចលនទ្រព្យកន្លងមក អនុវត្តឱ្យចុះបញ្ជី និងបង់ប្រាក់ពន្ធចាប់ពីឆ្នាំកាន់កាប់ ឬទទួលប្រយោជន៍ចុងក្រោយ ។ – ពន្យារការលើកលែងទណ្ឌកម្មរដ្ឋបាល ( ពន្ធបន្ថែម និងការប្រាក់) ដែលនឹងផុតកំណត់ត្រឹមដំណាច់ឆ្នាំ២០២៣ រហូតដល់ដំណាច់ខែមិថុនា ឆ្នាំ២០២៤ ។
៤.ពន្ធលើដីធ្លីមិនបានប្រើប្រាស់ ៖ ពន្ធប្រភេទនេះ ត្រូវបានរាជរដ្ឋាភិបាលសម្រេចព្យួរការអនុវត្តរហូតដល់ដំណាច់ឆ្នាំ២០២៤ ដែលមានន័យថាកម្មសិទ្ធិករ ឬអ្នកកាន់កាប់ ឬអ្នកទទួលប្រយោជន៍ចុងក្រោយ ពុំមានកាតព្វកិច្ចប្រកាសបង់ពន្ធរហូតដល់ដំណាច់ឆ្នាំ២០២៤ ៕
Account
Security
Favourite Content