សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គិតត្រឹមរយៈពេល ១១ ខែនៃឆ្នាំ២០២៤ ទំហំពាណិជ្ជកម្មសរុបរបស់កម្ពុជាឡើងដល់ ៥០,៤៦ ប៊ីលានដុល្លារអាមេរិក កើនប្រមាណ ១៥,៩៥ ភាគរយ ធៀបនឹងរយៈពេលដូចគ្នាក្នុងឆ្នាំ ២០២៣ ។
លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានថ្លែងឱ្យដឹងដូច្នេះនៅក្នុងពិព័រណ៍ពាណិជ្ជកម្មកម្ពុជា ក្រោមមូលបទ «យុគសម័យថ្មី នៃពាណិជ្ជកម្ម» នាព្រឹកថ្ងៃទី ១៣ ខែធ្នូ ឆ្នាំ២០២៤ នៅមជ្ឈមណ្ឌលភីអេច ហ្គ្រេនហល បុរីប៉េងហួត បឹងស្នោ រាជធានីភ្នំពេញ។
លោកជំទាវរដ្ឋមន្ត្រី បានបន្តឱ្យដឹងថា៖
«ក្នុងទំហំពាណិជ្ជកម្មសរុបជាង៥០ ប៊ីលានដុល្លារអាមេរិក ការនាំចេញមានទំហំ ២៤.៣៤ប៊ីលានដុល្លារ កើនឡើង១៤.៣៦ភាគរយ និងការនាំចូលប្រហែល ២៦.១ប៊ីលានដុល្លារ កើនឡើង១៧.៤៨ភាគរយ ធៀបនឹងឆ្នាំ២០២៣»។
លោកជំទាវរដ្ឋមន្ត្រីក្រសួងពាណិជ្ជកម្ម បានឱ្យដឹងផងដែរថា៖ ទំហំពាណិជ្ជកម្មរបស់កម្ពុជា ជាមួយបណ្តាប្រទេសហត្ថលេខីនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP) មានចំនួន ៣១.៣៦ប៊ីលានដុល្លារអាមេរិក។
លោកជំទាវ ចម និម្មល បានគូសបញ្ជាក់ថា៖
«ទីផ្សារ RCEP ជាទីផ្សារដ៏សំខាន់សម្រាប់កម្ពុជា ដែលមានប្រហែល៦២.១ភាគរយនៃទំហំពាណិជ្ជកម្មសរុបរបស់កម្ពុជា»។
\
លោកជំទាវរដ្ឋមន្ត្រី បានបញ្ជាក់ឱ្យដឹងដែរថា៖ ទីផ្សារធំដែលគាំទ្រការនាំចេញរបស់កម្ពុជា ក្រៅពីអាស៊ាន មានសាធារណរដ្ឋប្រជាមានិតចិន ហុងកុង អាមេរិក សហភាពអឺរ៉ុប ជប៉ុន កាណាដា សាធារណរដ្ឋកូរ៉េ ចក្រភពអង់គ្លេស អូស្ត្រាលី នូវែលសេឡង់ និងអារ៉ាប់រួមអេមីរ៉េត ៕
Account
Security
Favourite Content