សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អង់គ្លេស ដែលទើបដំណើរការរដ្ឋាភិបាលថ្មីក្រោមការដឹកនាំរបស់លោកនាយករដ្ឋមន្ត្រី Keir Starmer កាលពីខែកក្កដានោះ កំពុងចាប់ផ្តើមធ្វើសកម្មភាពការងារយ៉ាងច្រើនដើម្បីដោះស្រាយបញ្ហាចំពោះមុខដែលបានបន្សល់ទុកពីរដ្ឋាភិបាលចាស់។ មួយក្នុងចំណោមនោះ គឺបញ្ហាវិបត្តនៃការគ្រប់គ្រងអ្នកទោសនៅទូទាំងចក្រភពអង់គ្លេសដែលតាមការព្យាករណ៍ចំនួនអ្នកទោសជនជាតិអង់គ្លេសទាំងអស់អាចកើនឡើងពីចន្លោះ ៩៤ ៦០០នាក់ ទៅដល់ ១១៤ ៨០០នាក់នៅត្រឹមឆ្នាំ២០២៨ខាងមុខ ខណៈដែលចំនួនជាក់ស្ដែងកាលពីសប្ដាហ៍មុននេះមានចំនួន ៨៨ ៥២១នាក់។
បន្ថែមពីនេះ អ្វីដែលគួរឲ្យព្រួយបារម្ភបំផុតនៅពេលដែលលោកស្រីរដ្ឋមន្ត្រីក្រសួងយុត្តិធម៍អង់គ្លេស Shabana Mahmood នៅសប្តាហ៍នេះបានរាយការណ៍ថា ទីតាំងសម្រាប់ទទួលអ្នកទោសដែលនៅសេសសល់មានត្រឹមតែ ១០០០កន្លែងទៀតប៉ុណ្ណោះ។ ជាមួយគ្នានេះ លោកស្រីក៏បានធ្វើការរិះគន់ខ្លាំងៗទៅលើរដ្ឋាភិបាលកាលពីអាណត្តិមុនចំពោះកិច្ចការងារនេះផងដែរ។
ពាក់ព័ន្ធទៅនឹងបញ្ហានេះ រដ្ឋាភិបាលអង់គ្លេសថ្មីបានប្រកាសចាត់វិធានការក្តៅ និងបន្ទាន់មួយតាមរយៈការដោះលែងអ្នកទោសសរុបដល់ទៅរាប់ពាន់នាក់មុនកាលកំណត់ដើម្បីធានាថា វិបត្តិនេះនឹងមិនអាចបង្កទៅជាគ្រោះមហន្តរាយ និងអាចឈានទៅដល់ការដួលរលំនៃប្រតិបត្តិការគ្រប់គ្រងអ្នកទោសរបស់ចក្រភពអង់គ្លេសទាំងមូលនោះឡើយ។ នេះបើយោងតាមអ្វីដែលោកស្រី Shabana Mahmood បានពន្យល់បន្ថែម។
គិតត្រឹមថ្ងៃអង្គារម្សិលមិញនេះគេសង្កេតឃើញថាអង់គ្លេសបានសម្រេចដោះលែងអ្នកទោសសរុបដល់ទៅ ១៧០០នាក់ភ្លាមៗក្រោយការប្រកាសអាសន្ន ហើយគេជឿជាក់ថានឹងមានការដោះលែងអ្នកទោសបន្ថែមទៀតនៅមុនកាលកំណត់ដល់ទៅ ៥៥០០នាក់នៅក្នុងខែកញ្ញា និងខែតុលាខាងមុខនេះ។
យោងតាមការចេញផ្សាយរបស់សារព័ត៌មានក្នុងស្រុកបានឲ្យដឹងថា វិធានការនៃការដោះលែងនេះនឹងមិនអនុវត្តចំពោះជនណាម្នាក់ដែលត្រូវបានកាត់ទោសពីបទល្មើសហឹង្សា បទល្មើសផ្លូវភេទ ឬបទល្មើសដែលទាក់ទងនឹងភេរវកម្មនោះទេ ហើយអ្នកទោសដែលមានទោសចាប់ពី ៤ឆ្នាំ ឬតិចជាងនេះ អាចនឹងត្រូវបានដោះលែងបន្ទាប់ពីទទួលទោសយ៉ាងហោចណាស់៤០ភាគរយនៃកម្រិតទោសរបស់ពួកគេជាមុនសិន។
ជាមួយនឹងវិធានការ និងការដោះលែងអ្នកទោសមុនកាលកំណត់នេះ មានការរិះគន់ជាច្រើនពីសំណាក់ពលរដ្ឋរបស់ខ្លួន ជាពិសេសក្ដីបារម្ភទៅលើសន្តិសុខនៅក្នុងសហគមន៍ ប៉ុន្តែចំពោះរដ្ឋាភិបាលហាក់គ្មានជម្រើសនោះទេ ហើយបើសិនជាចំនួនអ្នកទោសចេះតែបន្តកើនឡើង រដ្ឋាភិបាលអាចនឹងមានផែនការបញ្ចូនអ្នកទោសមួយចំនួនឱ្យទៅទទួលទោសនៅក្នុងប្រទេសទី៣ ដែលក្នុងនោះ អេស្តូនី ដែលជាប្រទេសមានអត្រាទោសទណ្ឌតិចបំផុតលើពិភពលោកនោះបានក្លាយទៅជាគោលដៅរបស់ចក្រភពអង់គ្លេស៕
Account
Security
Favourite Content