សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ននេះ ឌីជីថល បានដើរតួយ៉ាងសំខាន់ក្នុងការបម្រើសេចក្ដីត្រូវការប្រចាំថ្ងៃរបស់មនុស្ស ដូច្នេះ ចង់ ឬមិនចង់ ប្រជាជនគ្រប់ស្រទាប់ត្រូវតែសម្របខ្លួនតាមរយៈការចាប់យកបច្ចេកវិទ្យាថ្មីៗ។
សម្រាប់អាជីវកម្មក្នុងពេលដែលពិភពលោកកំពុងប្រឈមមុខនឹងសង្គ្រាមនេះទៀតសោត កាន់តែមានភាពចាំបាច់ក្នុងការចាប់យកឌីជីថល ដើម្បីជំរុញអាជីវកម្មរបស់ខ្លួន។ ដោយមើលឃើញពីបញ្ហានេះ ទើបក្រសួងពាណិជ្ជកម្មកម្ពុជា និងមជ្ឈមណ្ឌលបណ្តុះបណ្តាលអាស៊ី និងប៉ាស៊ីហ្វិកសម្រាប់ការអភិវឌ្ឍន៍ (APCICT) សហការជាមួយសមាគមសហគ្រិនស្ត្រីកម្ពុជាអាស៊ាន ក្នុងការរៀបចំ “កម្មវិធីកសាងសមត្ថភាពលើការផ្លាស់ប្តូរឌីជីថលសម្រាប់សហគ្រិនស្ត្រីនៅកម្ពុជា”។
ក្រោយការបណ្ដុះបណ្ដាលរយៈ៤ថ្ងៃទៅលើសហគ្រិនស្រ្តី លោកស្រី យូ បូរី ដែលជាអនុប្រធានសមាគមសហគ្រិនវ័យក្មេងកម្ពុជា និងជាអ្នករៀបចំកម្មវិធីខាងលើដែរបានឱ្យដឹងថា ការបណ្ដុះបណ្ដាលបានប្រព្រឹត្តទៅដោយរលូន និងទទួលបានផ្លែផ្កា។
បើតាមលោកស្រី នៅក្នុងវគ្គបណ្ដុះបណ្ដាលនោះ សហគ្រិនស្ត្រីចំនួន ៦៦នាក់ បានរៀនសូត្រច្រើនអំពីការប្រើប្រាស់ឌីជីថលក្នុងការធ្វើអាជីវកម្មតាមប្រព័ន្ធអេឡិចត្រូនិច (E-Commerce) ដែលរួមបញ្ចូលទាំងការគ្រប់គ្រង់អាជីវកម្ម ជំនួញ និងការគ្រប់គ្រងទីផ្សារផងដែរ។ មិនត្រឹមតែប៉ុណ្ណោះ វគ្គនេះត្រូវបានបណ្ដុះបណ្ដាលដោយគ្រូបង្គោលដែលឆ្នើម និងមានបទពិសោធន៍ ច្រើនឆ្នាំលើការធ្វើអាជីវកម្មអនឡាញផងដែរ។
លោកស្រីបន្តរៀបរាប់ថា៖
«អ្វីដែលខុសពីវគ្គផ្សេងគឺ វគ្គនេះមានបង្រៀនអំពីការវិភាគទិន្នន័យដោយប្រើប្រាស់បញ្ញាសិប្បនិម្មិត ដើម្បីឱ្យពួកគាត់ងាយស្រួលក្នុងការសម្រេចចិត្តធ្វើផែនការអាជីវកម្ម។ ក្រៅពីនោះក៏មានបង្រៀនទាក់ទងនឹងការការពារហានិភ័យ ការគ្រប់គ្រងហានិភ័យ និងការធ្វើឱ្យមុខរបរមានភាពរឹងមុំា»។
គួរបញ្ជាក់ថា ការរៀបចំវគ្គបណ្ដុះបណ្ដាលខាងលើនេះក៏ដោយសារតែ ភាគីពាក់ព័ន្ធចង់ជំរុញភាពស្មើគ្នានៃយេនឌ័រក្នុងប្រព័ន្ធអេកូឡូស៊ីនៃសហគ្រិនភាព ខណៈស្ត្រីភាគច្រើនតែងជួបប្រទះនូវបញ្ហានានាក្នុងការចាប់យកឱកាសអភិវឌ្ឍន៍ខ្លួន។
រីឯប្រព័ន្ធឌីជីថល នឹងអាចជួយពួកគេបានតាមរយៈការផ្សារភ្ជាប់ពួកគេទៅកាន់ទីផ្សារ និងអាចទទួលបានសេវាហិរញ្ញវត្ថុជាដើម។ ការរួមបញ្ចូលនូវប្រព័ន្ធឌីជីថលទៅក្នុងផែនការអាជីវកម្មរបស់សហគ្រិនស្ត្រី ក៏ជាផ្នែកមួយក្នុងការជំរុញសេដ្ឋកិច្ចជាតិឱ្យកាន់តែរឹងមុំា ប្រកបដោយបរិយាបន្ន៕
Account
Security
Favourite Content