សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី CNN បានរាយការណ៍ថា តម្លៃមាសបានបន្តឡើងថ្លៃដល់កម្រិតខ្ពស់ក្នុងអត្រា ៤ ០០០ ដុល្លារក្នុងមួយអោន ឬជាង៤៨០០ដុល្លារក្នុង១តម្លឹងជាប្រវត្តិសាស្រ្ត ដែលជំរុញដោយតម្រូវការវិនិយោគលើមាសកើនឡើងខ្លាំងចំពេលមានភាពមិនច្បាស់លាស់ខាងភូមិសាស្ត្រនយោបាយ និងសេដ្ឋកិច្ចកសល។
កាលពីថ្ងៃអង្គារ៍ សប្ដាហ៍នេះ តម្លៃមាសបានឡើងថ្លៃដល់ ៤ ០០០ ដុល្លារក្នុងមួយអោនលើទីផ្សារអន្តរជាតិ (នៅលើទីផ្សារកម្ពុជា មាសមានតម្លៃ ៤ ៨១៣ ដុល្លារក្នុងមួយតម្លឹង និង ៤៨១ ដុល្លារក្នុងមួយជី)។ នៅក្នុងឆ្នាំ២០២៥ នេះ តម្លៃមាសកើនឡើង ៥១% ដោយសារការបង្កើនការទិញពីបណ្តាធនាគារកណ្តាល, ការកើនឡើងនៃតម្រូវការមូលប័ត្រគាំទ្រដោយមាស, ការធ្លាក់ចុះនៃតម្លៃប្រាក់ដុល្លារ, និងការកើនឡើងនៃការចាប់អារម្មណ៍ពីអ្នកលក់រាយ។ លើសពីនេះ មានសទទួលបានការចាប់អារម្មណ៍ច្រើក្នុងបរិយាកាសអត្រាការប្រាក់ទាប និងក្នុងពេលមានភាពមិនប្រាកដប្រជាខាងសេដ្ឋកិច្ច ដោយសារគេចាត់ទុកថាមាសគឺជាការវិនិយោគដែលមានភាពធន់ សុវត្ថិភាព និងជាការការពារប្រឆាំងនឹងអតិផរណា។ ជាក់ស្ដែង កាលពីថ្ងៃចន្ទ សប្ដាហ៍នេះ ក្រុមហ៊ុន Goldman Sachs បានព្យាករណ៍ថា តម្លៃមាសអាចនឹងបន្តឡើងថ្លៃចន្លោះ ៤ ៣០០ ដុល្លារដល់ទៅ ៤ ៩០០ ដុល្លារក្នុងមួយអោននៅខែធ្នូ ឆ្នាំ២០២៥។ ទិន្នន័យពីធនាគារកណ្តាលចិន បង្ហាញថា ពួកគេបានបន្ថែមមាសទៅក្នុងទុនបម្រុងរបស់ខ្លួននៅក្នុងខែកញ្ញាសម្រាប់រយៈពេល ១១ ខែជាប់ៗគ្នា។
ថ្មីៗនេះ ការផ្អាកប្រតិបត្តិការ និងផ្អាកបញ្ចេញទិន្នន័យសំខាន់ៗមួយចំនួនរបស់រដ្ឋាភិបាលអាម៉េរិកបានធ្វើឱ្យពាណិជ្ជករមានភាពស្រពិចស្រពិលក្នុងការព្យាករណ៍សេដ្ឋកិច្ច ដែលនាំឲ្យតម្រូវការមាសកើនឡើង។
លោក Michael Langford ប្រធានផ្នែកវិនិយោគនៅក្រុមហ៊ុន Scorpion Minerals ព្យាករណ៍ថា តម្លៃមាសអាចនឹងឡើងថ្លៃដល់ ៤ ៣០០ ដុល្លារក្នុងមួយអោនក្នុងរយៈពេល ៦ខែខាងមុខ ដោយសារតម្លៃប្រាក់ដុល្លារអាមេរិកអាចនឹងបន្តធ្លាក់ចុះ។ មហាសេដ្ឋី និងវិនិយោគិន Ken Griffin បានលើកឡើងដែរថា មាសបានក្លាយជាទ្រព្យសម្បត្តិដែលមានសុវត្ថិភាពជាងប្រាក់ដុល្លារ ហើយវាគឺជារឿងគួរព្រួយបារម្ភមួយដោយសារមនុស្សវិនិយោគទ្រព្យសកម្មផ្សេងក្រៅពីប្រាក់ដុល្លារ និងរកមធ្យោបាយផ្សេងៗចេញឆ្ងាយពីប្រាក់ដុល្លារប្រកបដោយប្រសិទ្ធភាព ដើម្បីចៀសវាងពីហានិភ័យពាក់ព័ន្ធនឹងបញ្ហាសេដ្ឋកិច្ចរបស់អាម៉េរិក៕
Account
Security
Favourite Content