សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយនឹងក្រុមហ៊ុនជំនាញមួយបានចុះហត្ថលេខាលើអនុស្សរណៈនៃការយោគយល់ ដើម្បីពង្រឹងកិច្ចសហប្រតិបត្តិការលើការត្រួតពិនិត្យ និងការបណ្តុះបណ្តាលបច្ចេកទេសដើម្បីត្រួតពិនិត្យឧបករណ៍មានហានិភ័យខ្ពស់។
អនុស្សរណៈនេះមានគោលបំណងបង្កើតក្របខ័ណ្ឌកិច្ចសហប្រតិបត្តិការបច្ចេកទេស បង្កើនសមត្ថភាព មន្ត្រីជំនាញរបស់ក្រសួង និងភាគីពាក់ព័ន្ធ ព្រមទាំងគាំទ្រដល់ការរៀបចំបទប្បញ្ញត្តិស្តីពីសុវត្ថិភាពឧស្សាហកម្ម និងការត្រួតពិនិត្យសុវត្ថិភាពគ្រឿងចក្រ គ្រឿងម៉ាស៊ីន ឡចំហាយ ជណ្តើរយោង ធុងសម្ពាធ និងឧបករណ៍មានហានិភ័យខ្ពស់ផ្សេងទៀត។ កិច្ចព្រមព្រៀងក៏គ្របដណ្តប់កិច្ចអភិវឌ្ឍរួមគ្នានូវនីតិវិធីប្រតិបត្តិស្តង់ដារ (SOP) សម្រាប់ការងារត្រួតពិនិត្យផងដែរ ដោយមានសុពលភាព៥ឆ្នាំ ដែលឆ្លុះបញ្ចាំងការប្តេជ្ញាចិត្តរួមរវាងភាគីទាំងពីរក្នុងការលើកកម្ពស់សុវត្ថិភាពនៅកន្លែងធ្វើការ និងជំរុញការប្រើប្រាស់បច្ចេកវិទ្យាប្រកបដោយសុវត្ថិភាពនៅតាមរោងចក្រ សហគ្រាស និងសិប្បកម្ម។
ក្រោមកិច្ចសហប្រតិបត្តិការនេះ ក្រុមហ៊ុននឹងផ្តល់ការបណ្តុះបណ្តាលបច្ចេកទេស សេវាកម្មត្រួតពិនិត្យ និងធ្វើតេស្តសុវត្ថិភាព ព្រមទាំងចែករំលែកបទពិសោធន៍ល្អៗ និងឯកសារយោង ដើម្បីគាំទ្រដល់ប្រព័ន្ធសុវត្ថិភាពឧស្សាហកម្មនៅកម្ពុជាផងដែរ៕
Account
Security
Favourite Content