សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បានចេញសេចក្ដីប្រកាសមួយស្ដីពីកម្រិតនៃសភាពគ្រោះថ្នាក់ ការចេញវិធានការបញ្ចៀសគ្រោះថ្នាក់ និងនីតិវិធីនៃការគ្រប់គ្រងសំណង់ដែលមានសភាពគ្រោះថ្នាក់ ដើម្បីធ្វើយ៉ាងណាអាចធានាបាននូវគុណភាពសំណង់ខ្ពស់។
នៅក្នុងសេចក្តីប្រកាសដែលត្រូវបានចុះហត្ថលេខាដោយឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី១ ខែកុម្ភៈ ឆ្នាំ២០២២ បានបង្ហាញពីគោលបំណងដើម្បីធានាសុវត្ថិភាព សន្តិសុខ និងសណ្ដាប់ធ្នាប់សាធារណៈ បង្គារគ្រោះថ្នាក់ដល់សំណង់ជិតខាង ដល់អាយុជីវិត រាងកាយ សុខភាពរបស់អ្នកប្រើប្រាស់ អ្នកជិតខាង និងសាធារណជនសំណង់។
ប្រកាសនេះ មានវិសាលភាពអនុវត្តចំពោះសំណង់គ្រប់ប្រភេទ លើកលែងតែប្រភេទសំណង់ដែលមាន កំណត់នៅក្នុងលិខិតបទដ្ឋានគតិយុត្តដោយឡែក។ ក្រៅពីនេះ ក៏មានគោលបំណងបង្កើនការទទួលខុសត្រូវរបស់ម្ចាស់សំណង់ អ្នកគ្រប់គ្រងសំណង់ អ្នកជួលសំណង់ និងអ្នកប្រើប្រាស់ សំណង់ចំពោះគ្រោះថ្នាក់ដែលអាចកើតឡើងជាយថាហេតុពីសំណង់ និងបង្កើតប្រសិទ្ធភាពក្នុងការគ្រប់គ្រងសំណង់ដោយអាជ្ញាធរមានសមត្ថកិច្ច។
យោងតាមជំពូកទី២ ប្រការ៤ នៃសេចក្តីប្រកាសនេះចែងថាសភាពគ្រោះថ្នាក់របស់សំណង់ មាន២ ប្រភេទរួមមាន ប្រភេទគ្រោះថ្នាក់អាចកើតឡើងភ្លាមៗនិង ប្រភេទគ្រោះថ្នាក់មិនអាចកើតឡើងភ្លាមៗ។
ការចាត់ថ្នាក់កម្រិតសភាពគ្រោះថ្នាក់របស់សំណង់ ត្រូវអនុវត្តតាមបទប្បញ្ញត្តិបច្ចេកទេសសំណង់និង គោលការណ៍ណែនាំរបស់ក្រសួងរៀបចំដែនដី នគរូបនីយកម្ម និងសំណង់។
ប្រការ៥ ចែងថាក្នុងករណីអាជ្ញាធរមានសមត្ថកិច្ច ទទួលបានបណ្តឹងឬព័ត៌មានអំពីសំណង់ដែលមានសភាពគ្រោះថ្នាក់
អាជ្ញាធរមានសមត្ថកិច្ច ត្រូវសម្រេចធ្វើការត្រួតពិនិត្យគុណភាពនិងសុវត្ថិភាពសំណង់នោះ។ អាជ្ញាធរមានសមត្ថកិច្ច ត្រូវចាត់តាំងមន្ត្រីត្រួតពិនិត្យគុណភាពនិងសុវត្ថិភាពសំណង់ ដើម្បីចុះត្រួតពិនិត្យ វាយតម្លៃ និងធ្វើការសន្និដ្ឋានអំពីការចាត់ថ្នាក់កម្រិតសភាពគ្រោះថ្នាក់របស់សំណង់ជាបន្ទាន់។ ក្នុងករណីពិនិត្យឃើញថាគ្រោះថ្នាក់អាចកើតឡើងភ្លាមៗ មន្រ្តីត្រួតពិនិត្យគុណភាពនិងសុវត្ថិភាពសំណង់ ត្រូវរាយការណ៍ជូនអាជ្ញាធរមានសមត្ថកិច្ចពាក់ព័ន្ធជាបន្ទាន់ តាមគ្រប់មធ្យោបាយដែលអាចធ្វើទៅបាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឯកឧត្តមឧបនាយករដ្ឋមន្ត្រី សាយ សំអាល់ ៖ រាជធានីចតុមុខមង្គលត្រូវមានដង្ហើមសេដ្ឋកិច្ច និងជាកន្លែងលំហែកម្សាន្តស្រស់បំព្រង
សម្តេចតេជោ ហ៊ុន សែន គាំទ្រសេវាលឿនរហ័ស របស់ក្រសួងរៀបចំដែនដី ក្នុងការធ្វើបណ្ណកម្មសិទ្ធិដីធ្លីជូនប្រជាពលរដ្ឋ
Account
Security
Favourite Content