សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជាមានរោងចក្រដំណើរការសរុបចំនួន ២ ០៨៩ រោងចក្រ (ប្រភេទរោងចក្រតាមផ្នែកកម្មន្តសាល) និងមានកំលាំងពលកម្មសរុបចំនួន ១ ០៣៤ ៩៤៧ នាក់ (ក្នុងនោះស្ត្រីមាន ៧៨១ ២៣៣ នាក់) ស្មើនឹងប្រមាណ ៧៥,៤៨ភាគរយ។ នេះបើតាមការឱ្យដឹងរបស់ឯកឧត្តម ហែម វណ្ឌឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។
នៅក្នុងកិច្ចពិភាក្សាជាមួយក្លិបអ្នកកាសែតកម្ពុជា ស្តីពី«អាទិភាពការងាររបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍»កាលពីថ្ងៃចុងសប្ដាហ៍កន្លងទៅនេះ ឯកឧត្តម ហែម វណ្ឌឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបញ្ជាក់ថា រោងចក្រទាំងជាង ២ពាន់នេះ មានទុនវិនិយោគសរុបប្រមាណ ១៧ ៩១៣,៩ លាន ដុល្លារអាម៉េរិក។
តម្លៃបរិមាណផលិតផលក្នុងខែតុលា ឆ្នាំ២០២៣ សរុបមានចំនួន ១៤៦១ លាន ដុល្លារ អាមេរិក (បម្រើទីផ្សារក្នុងស្រុកមានចំនួនប្រមាណ ៣៤៩ លាន ដុល្លារអាមេរិក និងសម្រាប់នាំចេញមានចំនួន ប្រមាណ១ ១១២ លាន ដុល្លារអាមេរិក)។
ឯកឧត្តម ហែម វណ្ឌឌី បានឱ្យដឹងទៀតថា ក្នុងចំណោមរោងចក្រដំណើរការចំនួន ២ ០៨៩ រោងចក្រ រួមមាន រោងចក្រផ្នែកឧស្សាហកម្មកែច្នៃលោហៈចំនួន២៣៦ ស្មើ១១% ,ផ្នែកកាបូប ស្បែកជើងនិងផលិត ផលពីស្បែកចំនួន៣០៤ ស្មើ១៥% ,ផ្នែកវាយនភ័ណ្ឌ និងសម្លៀកបំពាក់ ចំនួន៨៦៧,ស្មើ៤២%គ្រឿងសង្ហារឹម៣៩ ស្មើ២% ,ផ្នែកឧស្សាហកម្មពីរ៉ែអលោហៈ ៨១ ស្មើ៤% ,ផ្នែកឧស្សាហកម្មគីមី កៅស៊ូ និងប្លាស្ទិក១៧៣ ស្មើ៨%,បោះពុម្ព(លើកលែងបោះពុម្ពលើសម្លៀកបំពាក់)ចំនួន៦, ក្រដាស និងផលិតផលពីក្រដាស ចំនួន៩៥ស្មើ៥%,ផលិតផលពីឈើ(លើកលែងគ្រឿងសង្ហារឹម)ចំនួន៤៥ ស្មើ២% ,កម្មន្តសាលដទៃទៀតចំនួន៣%,ការផ្គត់ផ្គង់ចំហាយទឹក និងម៉ាស៊ីនត្រជាក់ចំនួន២ ,ផ្នែកអាហារភេសជ្ជៈ និងបារី១៦៨ស្មើ៨% ៕
Account
Security
Favourite Content