សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ន សង្គម សេចដ្ឋកិច្ច ពីមួយថ្ងៃទៅថ្ងៃមានការរីកចម្រើន និងវិវត្តន៍ទៅមុខ ប៉ុន្តែស្របពេលនឹងភាពរីកចម្រើនេះ ក៏មានក្រុមជនខិលខូចប្រើប្រាស់រូបភាពឆបោកជាច្រើន ដើម្បីបោកបញ្ឆោត និងកេងប្រវ័ញ្ចប្រាក់កាសពីប្រជាជនផងដែរ ជាពិសេសនៅក្នុងសតវត្សរ៍ទី២១ គេប្រើរូបភាពឆបោកតាមរយៈការដាក់ប្រាក់ទទួលបានការប្រាក់ខ្ពស់តាមប្រព័ន្ធអ៊ីនធឺណិត និងកម្ចីអនឡាញខុសច្បាប់ជាដើម។
សកម្មភាពទាំងនេះបានជះឥទ្ធិពលអវិជ្ជមាននៅក្នុងសង្គម ដូចជាបណ្ដាលឱ្យមានការបាត់បង់នូវទ្រព្យសម្បត្តិ និងលុយកាក់របស់បុគ្គលជាច្រើន។ ជាធម្មតា សកម្មភាពនេះលេចរូបឡើងក្នុងទម្រង់ខុសៗគ្នាជាច្រើន ហើយសកម្មភាពនេះត្រូវបានប្រព្រឹត្តឡើងដោយជនខិលខូច ឬជនឆបោកដែលពុំមានអត្តសញ្ញាណត្រឹមត្រូវ។
ថ្ងៃនេះ យើងសូមលើកយករូបភាពឆបោកចំនួន ៧ ដែលលោកអ្នកគួរជៀសវាង។ រូបភាពទាំងមានដូចតទៅ ៖
១. ដាក់ប្រាក់សន្សំក្រៅប្រព័ន្ធ ឬក្រៅផ្លូវការបានការប្រាក់ខ្ពស់ជាងទីផ្សារ
២. ឆបោកប្រាក់តាមប្រព័ន្ធទូរស័ព្ទ តាមរយៈការត្រូវរង្វន់ពីក្រុមហ៊ុននេះ ក្រុមហ៊ុននោះ
៣. បោកប្រាស់ជាបណ្តាញ ឬជាលក្ខណៈប្រព័ន្ធក្រោមរូបភាពវិនិយោគ
៤. អាជីវកម្មជាលក្ខណៈបណ្តាញ (Network Marketing)
៥. បោកប្រាស់តាមរយៈតុងទីន (ទម្រង់សន្សំបានការប្រាក់ខ្ពស់)
៦. បោកប្រាស់តាមរយៈរូបភាពកម្ចីអនឡាន
៧. ឆបោកឱ្យផ្ញើប្រាក់តាមភ្នាក់ងារវេរលុយដោយបន្លំថាមានគ្រោះថ្នាក់ចរាចរណ៍
ប្រសិនបើលោកអ្នកជួបប្រទះនូវករណីសង្ស័យ ឬរូបភាពឆបោកទាំងនេះ សូមលោកអ្នកជៀសវាងឱ្យឆ្ងាយ និងបដិសេធមិនចូលរួម ដើម្បីកុំឱ្យធ្លាក់ចូលអន្ទាក់បោកប្រាស់របស់ជនខិលខូច ដែលអាចបណ្តាលឱ្យលោកអ្នកខាតបង់ប្រាក់កាស និងទ្រព្យសម្បត្តិ។
លើសពីនេះ លោកអ្នកអាចពិភាក្សាជាមួយអ្នកមានចំណេះដឹង ឬអ្នកជំនាញជុំវិញខ្លួន ដើម្បីសិក្សាឱ្យស៊ីជម្រៅមុននឹងសម្រេចចិត្តធ្វើអ្វីមួយទាក់ទងនឹងបញ្ហាហិរញ្ញវត្ថុ ព្រោះប្រាក់កាស និងទ្រព្យសម្បត្តិរបស់លោកអ្នកមិនមែនរកមកបានដោយងាយស្រួលនោះទេ៕
Account
Security
Favourite Content