សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រសួងការពារជាតិនៃប្រទេសហូឡង់ កាលពីពេលថ្មីៗនេះបានប្រកាសអំពីផែនការបញ្ជាទិញកាំភ្លើងយន្តធុនធំប្រភេទ Skyranger cannons ចំនួន២២គ្រឿង ដែលជាប្រព័ន្ធបាញ់គ្រាប់កាំភ្លើងដែលអាចការពារដែនអាកាសអំពីការគំរាមកំហែងនានាដោយយន្តហោះដ្រូនច្រើនប្រភេទពីក្រុមហ៊ុន Rheinmetall ក្នុងតម្លៃកុងត្រាដល់ទៅ ១៣០០លានអឺរ៉ូ ឬត្រូវជាង ១៣៥០លានដុល្លារអាម៉េរិក។
តាមផែនការ កិច្ចចុះហត្ថលេខាជាផ្លុវការនឹងធ្វើឡើងនៅពាក់កណ្តាលឆមាសទី១ ក្នុងឆ្នាំ២០២៥ខាងមុខនេះ ដែលវានឹងអាចអនុញ្ញាតឲ្យក្រុមហ៊ុន Rheinmetall ចាប់ផ្តើមការដឹកជញ្ជូន និងប្រគល់អាវុធនេះដំបូងនៅក្នុងឆ្នាំ២០២៨ និងបន្តបន្ទាប់នៅឆ្នាំ២០២៩ និង២០៣០។ នេះបើយោងតាមការអះអាងដោយរដ្ឋមន្ត្រីក្រសួងការពារជាតិហូឡង់ លោក Gijs Tuinman ។
រដ្ឋមន្ត្រីរូបនេះបានពន្យល់ថា បច្ចុប្បន្ន កងកម្លាំងទ័ពហូឡង់កំពុងមានការខ្វះខាតផ្នែកបច្ចេវិទ្យាយោធាដែលអាចជួយការពារដល់ទ័ពថ្មើរជើង និងទ័ពបំពាក់អាវុធធុនធ្ងន់ប្រឆាំងទៅនឹងយន្តហោះគ្មានមនុស្សបើក ព្រមទាំងដ្រូនតូចៗដែលមានតម្លៃទាប និងមានរយៈចំងាយឆ្ងាយ។
គួរឲ្យដឹងដែរថា Skyranger cannon មានសមត្ថភាពខ្លាំងក្នុងការវាយប្រហារយន្តហោះគ្មានមនុស្សបើកក្នុងរយៈកំពស់ទាប ប៉ុន្តែក្នុងរយៈចំងាយឆ្ងាយដល់ទៅ ៥គីឡូម៉ែត្រ ហើយមិនត្រឹមតែប៉ុណ្ណោះ គ្រាប់កាំភ្លើងដែលវាអាចបាញ់ចេញជាមួយនឹងកម្លាំងបាញ់ពេញដល់ទៅ ១២០០គ្រាប់ក្នុងមួយនាទី។
Skyranger cannon បានក្លាយទៅជាសព្វាវុធគួរឲ្យទាក់ចិត្តពីរដ្ឋាភិបាលនៃបណ្តាប្រទេសប៉ែកអឺរ៉ុបយ៉ាងខ្លាំង ចាប់តាំងតែពីពេលដែលមានជម្លោះនៅអ៊ុយក្រែនបានផ្ទុះឡើង ពីព្រោះថា យន្តហោះដ្រូនគ្រប់ប្រភេទបានក្លាយទៅជាអាវុធដ៏ពេញនិយមក្នុងការប្រើប្រាស់ដោយកងកម្លាំងយោធារវាងប្រទេសអ៊ុយក្រែន និងរុស្ស៊ី។ យន្តហោះដ្រូនទាំងនោះ មានមុខងារ និងចំណុចពិសេសរៀងៗខ្លួន ហើយអាចវាយប្រហារយ៉ាងមានប្រសិទ្ធភាព ចាប់រាប់តាំងពីយោធាថ្មើរជើង យានយន្តយោធា រថក្រោះ រហូតទៅដល់ឧត្ថម្ភាគចក្រផងដែរ៕
Account
Security
Favourite Content