សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សមយុទ្ធ Playbook Merlin 25 នៃសម្ព័ន្ធមិត្តអង្គការណាតូត្រូវបានចាប់ផ្តើមតាំងពីថ្ងៃទី១០ រហូតដល់ទី ១៤ ខែវិច្ឆិកា ឆ្នាំ២០២៥ នៅក្នុងតំបន់សមុទ្រប៉ាល់តិក។ នៅក្នុងឆ្នាំនេះ ប្រទេស ស៊ុយអែត បានធ្វើជាម្ចាស់ផ្ទះ បន្ទាប់ពីទើបតែបានទទួលសិទ្ធិពេញលេញក្លាយជាសមាជិករបស់អង្គការណាតូ។
សមុទ្រប៉ាល់តិក ដែលជាកម្មសិទ្ធិរបស់អង្គការ ណាតូ កាលពីសម័យសង្គ្រាមលោកលើកទី១ និងទី២ ត្រូវបានចាត់ទុកថាជាទីតាំងសម្រាប់បង្ហាញសាចដុំដាក់គ្នា និងបានឆាបឆេះក្លាយជាសមរភូមិប្រយុទ្ធនៅក្នុងសម័យសង្គ្រាមលោក។ ដូច្នេះ ភាពតានតឹងសាជាថ្មីដែលកំពុងកើតឡើងនៅទីនេះត្រូវបានក្រុមអ្នកជំនាញមើលឃើញថា នឹងក្លាយទៅជាក្ដីព្រួយបារម្ភខ្លាំងអំពីបញ្ហាសន្តិសុខរបស់ពិភពលោក។ ក្នុងខណៈនេះគេសង្កេតឃើញថា សមាជិករបស់ណាតូ បានបញ្ជូនសព្វាវុធទំនើបៗ ជាពិសេស នាវាមុជទឹកកំពូលៗ និងល្បីៗ ជាច្រើនប្រភេទចូលរួមសមយុទ្ធជាមួយគ្នាជាលើកដំបូងចាប់តាំងតែពីសម័យសង្គ្រាមលោកលើកទី២។ ក្រៅពីនោះគេក៏ឃើញមានទាំងនាវាចម្បាំង និងយន្តហោះចម្បាំង សម្រាប់ប្រតិបត្តិការតាមដែនសមុទ្រផងដែរ។
មេបញ្ជាការកងទ័ពជើងទឹកកិច្ចការងារនាវាមុជទឹករបស់អាម៉េរិកប្រចាំនៅតំបន់អឺរ៉ុប លោក Bret Grabbe បានលើកឡើងថា៖ ជាមួយនឹងវត្តមានបន្ថែមរបស់ប្រទេសស៊ុយអែត វានឹងក្លាយទៅជាឱកាសដំបូងដែលអាចបន្ថែមប្រជាជាតិជាសមាជិកណាតូមួយទៀត ដោយមានបំពាក់ជាមួយនឹងនាវាមុជទឹក។ ដូច្នេះ នៅក្នុងសមយុទ្ធលើកនេះ នឹងមានវត្តមានរបស់នាវាមុជទឹកកំពូលៗរបស់ពិភពលោកជាច្រើននៅក្នុងតំបន់សមុទ្រប៉ាល់តិក។
នាវាមុជទឹក នាវាចម្បាំង ឧទ្ធម្ភាគចក្រ មកពីស៊ុយអែត អាល្លឺម៉ង់ ហូឡង់ បារាំង និងអាម៉េរិក គឺជាយោធោបករណ៍ដែលផ្តោតសំខាន់ទៅលើការពង្រឹងសមត្ថភាព និងកិច្ចសហប្រតិបត្តិការរវាងគ្នាសម្រាប់សមាជិកនៅតាមតំបន់សមុទ្រប៉ាល់តិកទាំងមូល។ គួរឲ្យដឹងដែរថា សម្រាប់ស៊ុយអែត ដែលជាម្ចាស់ផ្ទះបានចូលជាសមាជិកណាតូពេញសិទ្ធិកាលពីឆ្នាំ២០២៤ ទើបតែបានធ្វើទំនើបកម្មទៅលើនាវាមុជទឹក Gotland-class របស់ខ្លួនចំនួន៣គ្រឿង ព្រមទាំងនាវា Sodermanland-class ចំនួន១គ្រឿងទៀត ខណៈ A26 Blekinge-class ចំនួន២គ្រឿង ដែលជាជំនាន់ទី៥ កំពុងស្ថិតនៅក្នុងដំណើរការអភិវឌ្ឍ និងផលិតនៅឡើយ៕
Account
Security
Favourite Content