សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា បណ្តាប្រទេសជាសមាជិកសហភាពអឺរ៉ុបកំពុងរៀបចំដាក់ទណ្ឌកម្មបន្ថែមប្រឆាំងទៅនឹងរុស្ស៊ីក្នុងជុំទី១៣។
តាមសេចក្តីរាយការណ៍បានឲ្យដឹងថា ជុំទី ១៣ នៃទណ្ឌកម្មនេះគឺជាការរឹតបន្តឹងថ្មី ដែលនឹងហាមឃាត់ការធ្វើដំណើរ និងបង្កកទ្រព្យសម្បត្តិលើអាជីវកម្មរុស្ស៊ី ក៏ដូចជាបុគ្គលដែលត្រូវបានចោទប្រកាន់ថាមានទំនាក់ទំនងនឹងប្រតិបត្តិការយោធារបស់ទីក្រុងម៉ូស្គូនៅអ៊ុយក្រែន។ ទោះជាយ៉ាងណាក្តី វាទំនងជានឹងរួមបញ្ចូលផងដែរនូវកិច្ចព្រមព្រៀងដែលបានពន្យារពេលជាយូរមកហើយលើកញ្ចប់ជំនួយចំនួន ៥០ ពាន់លានអឺរ៉ូ (៥៤,៥ ពាន់លានដុល្លារ) សម្រាប់ទីក្រុងគៀវ រួមជាមួយនឹងជំនួយផ្នែកយោធាប្រចាំឆ្នាំចំនួន ៥ ពាន់លានអឺរ៉ូទៀត។ លើសពីនេះ ទ្រព្យសម្បត្តិរបស់រុស្ស៊ីដែលបង្កកដោយ EU ក៏អាចត្រូវបានរាប់បញ្ចូលនៅក្នុងកញ្ចប់ទណ្ឌកម្មផងដែរ។
យ៉ាងណាមិញ ទណ្ឌកម្មថ្មីនេះទំនងជាមិនរួមបញ្ចូលការហាមឃាត់លើការនាំចូលអាលុយមីញ៉ូមរបស់រុស្ស៊ី ឬកំណត់គោលដៅលើការនាំចេញឥន្ធនៈនុយក្លេអ៊ែរ និងឧស្ម័នធម្មជាតិរាវ (LNG) របស់រុស្ស៊ីឡើយ ដោយសារខ្វះការយល់ស្របក្នុងចំណោមរដ្ឋជាសមាជិកទាក់ទងនឹងវិធានការទាំងនេះ។
គួរបញ្ជាក់ថា ចាប់តាំងពីការចាប់ផ្តើមនៃជម្លោះរុស្ស៊ី-អ៊ុយក្រែនក្នុងខែកុម្ភៈ ឆ្នាំ២០២២ សហភាពអឺរ៉ុបបានដាក់ទណ្ឌកម្មចំនួន ១២ ជុំរួចហើយមកលើរុស្ស៊ី ដោយវិធានការទាំងនោះមានគោលបំណងធ្វើឱ្យសេដ្ឋកិច្ចរបស់ប្រទេសនេះចុះខ្សោយ និងរារាំងរុស្ស៊ីមិនអាចផ្តល់មូលនិធិដល់ប្រតិបត្តិការយោធារបស់ខ្លួន។ យ៉ាងណាក៏ដោយ បើទោះបីជារុស្ស៊ីទទួលរងនូវការធ្លាក់ចុះក្នុងឆ្នាំដំបូងដោយសារទណ្ឌកម្មក៏ដោយ ប៉ុន្តែសេដ្ឋកិច្ចរបស់ប្រទេសនេះចាប់ផ្តើមមានស្ថិរភាពឡើងវិញ ដោយសារតែការផ្លាស់ប្តូរគោលនយោបាយសារពើពន្ធទាន់ពេលវេលា និងការកំណត់ទិសដៅឡើងវិញនៃពាណិជ្ជកម្មរបស់ខ្លួនទៅកាន់អាស៊ី។
មិនត្រឹមតែប៉ុណ្ណោះ ទីក្រុងមូស្គូបានហៅការដាក់ទណ្ឌកម្មទាំងនេះថាខុសច្បាប់ម្តងហើយម្តងទៀត និងមិនមានភាពជោគជ័យមកលើរុស្ស៊ី។ យោងតាមលោកស្រី Valentina Matvienko ប្រធានសភាជាន់ខ្ពស់នៃសភារុស្ស៊ី លើកឡើងថា រុស្ស៊ីនឹងបន្តទប់ទល់នឹងសម្ពាធទណ្ឌកម្ម បើទោះបីជាលោកខាងលិចព្យាយាមធ្វើឱ្យសេដ្ឋកិច្ចរុស្ស៊ីមានអស្ថិរភាពក៏ដោយ៕
Account
Security
Favourite Content