សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អ្នកវិនិយោគទុនជប៉ុន បានចាប់អារម្មណ៍លើការវិនិយោគវិស័យកសិកម្ម ជាពិសេសលើការកែច្នៃផ្លែខ្នុរទៅជាទឹកស៊ីរ៉ូ ក៏ដូចជាពាក់ព័ន្ធទៅនឹងវិស័យវារីវប្បកម្ម។ ទាក់ទងនឹងរឿងនេះ សមាគមជប៉ុន-កម្ពុជា និងក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាគ្នាដើម្បីពង្រឹងកិច្ចសហប្រតិបត្តិការទ្វេភាគីលើវិស័យកសិកម្មរវាងប្រទេសទាំងពីរ។
ជំនួបពិភាក្សារវាងលោក ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងឯកឧត្តម តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា នៅព្រឹកថ្ងៃទី០១ ខែមេសា ឆ្នាំ២០២៥ ផ្តោតទៅលើគម្រោងវិនិយោគការកែច្នៃគ្រឿងសម្អាង កែច្នៃខ្នុរទៅជាទឹកស៊ីរ៉ូ និងការធ្វើវារីវប្បកម្មត្រីទីឡាព្យា សំដៅជំរុញការកែច្នៃក្នុងស្រុក និងនាំចេញទៅកាន់ទីផ្សារអន្តរជាតិ។
ក្នុងជំនួបនេះ ឯកឧត្តម ប្រាក់ ដាវីដ បានជម្រាបជូនគណៈប្រតិភូជប៉ុនថា៖ កម្ពុជាមានកសិផលសក្តានុពលជាច្រើនដូចជា អង្ករប្រណីត ម្រេច ស្ករត្នោត និងស្វាយចន្ទី ដែលមានគុណភាពខ្ពស់ រសជាតិឆ្ងាញ់។ដូច្នេះ ភាគីជប៉ុនអាចពិចារណាក្នុងការវិនិយោគកែច្នៃជាមួយនឹងតម្លៃបន្ថែមខ្ពស់ ហើយក្រសួងនឹងជួយគាំទ្រផ្នែកបច្ចេកទេស ប្រការសំខាន់ត្រូវចេះបង្កើតស្លាកយីហោល្អ និងមានការធ្វើទីផ្សារត្រឹមត្រូវ។
យោងតាមប្រភពក្រសួងកសិកម្ម បានឱ្យដឹងថាកិច្ចប្រជុំនេះបញ្ចប់ដោយលទ្ធផលផ្លែផ្កា ដោយភាគីទាំងពីរបានឯកភាពពង្រឹងកិច្ចសហប្រតិបត្តិការរួមគ្នាលើវិស័យកសិកម្ម ។បន្ថែមពីនេះ ឯកឧត្តមរដ្ឋលេខាធិការ បានលើកឡើងពីកម្មវិធីវេទិកានិងពិព័រណ៍កសិកម្មកម្ពុជាហើយបានអំពាវនាវដល់គណៈប្រតិភូជប៉ុនឲ្យចូលរួមព្រឹត្តិការណ៍នេះដើម្បីស្វែងយល់និងស្វែងរកនូវសក្ដានុពលវិនិយោគបន្ថែមទៀត៕
Account
Security
Favourite Content