សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាសែត Bloomberg បានបន្តតាមដានពីស្ថានភាពទីផ្សារភាគហ៊ុនរបស់ក្រុមហ៊ុនផលិតអាវុធក្នុងស្រុករបស់ឥណ្ឌាចាប់តាំងតែពីពេលដែលមានភាពតានតឹងជាមួយនឹងប្រទេសជិតខាង គឺ ប៉ាគីស្ថានបានផ្ទុះឡើងកាលពីខែមុន។ ជាលទ្ធផល គិតត្រឹមសប្តាហ៍នេះគេសង្កេតឃើញថា តម្លៃទីផ្សារហ៊ុនសរុបរបស់ក្រុមហ៊ុនផលិតអាវុធក្នុងស្រុកទាំងអស់របស់ឥណ្ឌាអាចប្រមូលបានតម្លៃបន្ថែមដល់ទៅជា ៥ពាន់លានដុល្លារ ដោយក្នុងនោះភាគច្រើនគឺបានកើនឡើងនៅចុងខែមេសារហូតមកដល់បច្ចុប្បន្ន ពោល គឺក្នុងអំឡុងពេលផ្ទុះនៃការវាយប្រហារដោយភេវរកម្ម ស្លាប់មនុស្ស ២៦នាក់ នៅទឹកដីរដ្ឋកាស្មៀរ ដែលកាន់កាប់ដោយឥណ្ឌា។
រដ្ឋាភិបាលទីក្រុងញូវដេលីបានដាក់ការចោទប្រកាន់ចំៗទៅលើប្រទេសប៉ាគីស្ថានថា ជាអ្នកនៅពីក្រោយការគាំទ្រដល់សកម្មភាពភេវរកម្មលើកនេះ។ ជាការឆ្លើយតប ឥណ្ឌាបានត្រៀមកិច្ចការងារជាច្រើនមុននឹងឈានទៅដល់ការសម្រេចចិត្តវាយប្រហារយ៉ាងគួរឲ្យភ្ញាក់ផ្អើលទៅលើទឹកដីប៉ាគីស្ថានកាលពីដើមសប្តាហ៍កន្លងទៅនេះដោយហៅថាជាប្រតិបត្តិការពិសេសប្រឆាំងទៅនឹងបណ្តាញភេវរកម្ម។
យ៉ាងណាក្តី Bloomberg ក៏បានបង្ហាញដែរថា សន្ទស្សនៃទីផ្សារភាគហ៊ុននៃក្រុមហ៊ុនផលិតអាវុធធំៗចំនួន១០របស់ឥណ្ឌាទទួលបានកំណើនរហូតទៅដល់៥ភាគរយ គិតចាប់តាំងតែពីថ្ងៃទី២២ ខែមេសា នៃការវាយប្រហារលើកដំបូង។ កាសែតដដែលសរសេរទៀតថា ក្រុមហ៊ុនឥណ្ឌាបានទទួលផលចំណេញចេញពីស្ថានភាពភូមិសាស្ត្រនយោបាយដ៏តានតឹងរវាងប្រទេសជិតខាងដែលក្នុងនោះរួមមានដូចជាក្រុមហ៊ុនល្បីៗ Hindustan Aeronautics Ltd និងក្រុមហ៊ុន Solar Industries India Ltdផងដែរ។
ដោយឡែក គិតត្រឹមថ្ងៃពុធសប្ដាហ៍នេះ ក្រុមហ៊ុន Mazagon Dock Shipbuilders Ltd ដែលមានមូលដ្ឋាននៅក្នុងទីក្រុងម៉ុមបៃអាចមានកំណើនភាគហ៊ុនប្រមាណជា៤,៦ភាគរយ ខណៈដែលក្រុមហ៊ុន Hindustan Aeronautics បន្តមានកំណើនជិត២ភាគរយបន្ថែមទៀត។
គួរឲ្យដឹងដែរថា ក្នុងគ្រាដែលភាពតានតឹងអាចកាន់តែយ៉ាប់យ៉ឺនដោយសារតែប៉ាគីស្ថាននឹងអាចធ្វើការឆ្លើយតបចំពោះការវាយប្រហារនេះគេដឹងថា ផែនការនៃដំណើរទស្សនកិច្ចរបស់មេដឹកនាំឥណ្ឌា លោកនាយករដ្ឋមន្ត្រី Narendra Modi នឹងត្រូវលុបចោលទាំងអស់ ទាំងទៅកាន់ប្រទេសក្រូអាត ហូឡង់ ណ័រវេស និងរុស្ស៊ី ផងដែរ៕
Account
Security
Favourite Content