សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានផ្ញើសារ របស់សម្តេចនៅព្រឹកថ្ងៃទី១០ ធ្នូ ២០២៥ ដោយសម្ដេចតេជោ ក៏បានស្នើឱ្យបងប្អូនសប្បុរសជនជួយទិញស្រូវធ្វើអំបុក ឬទិញអំបុកពីប្រជាជន ដើម្បីជួយដល់កងទ័ពនិងជនភៀសសឹក បន្ថែមពីលើស្បៀងដែលធ្លាប់ផ្ដល់ជូនដូចជាមីជាដើម ។
សម្តេចតេជោ បានបង្ហោះសារដូច្នេះថា សូមផ្តាំផ្ញើការសាកសួរសុខទុក្ខ ចំពោះកងកម្លាំងប្រដាប់អាវុធគ្រប់ប្រភេទ ដែលបាននិងកំពុងឈរជើងការពារទឹកដីដ៏អង់អាចក្លាហាន ដើម្បីប្រយុទ្ធប្រឆាំងជាមួយពួកចោរឈ្លានពានទឹកដី។
សម្តេចតេជោ បានសូមចូលរួមការលំបាក ជាមួយបងប្អូនប្រជាជនភៀសសឹកទាំងអស់ ដែលភៀសខ្លួនដោយសារពួកចោរឈ្លានពាន។ សូមអរគុណចំពោះសប្បុរសជនដែលបានចូលរួមជាសម្ភារៈថវិកាតាមរយៈរាជរដ្ឋាភិបាលក៏ដូចជាសប្បុរសជន ដែលបានយកទៅចែកជូនផ្ទាល់ ដល់កងកម្លាំងប្រដាប់អាវុធ និងបងប្អូនជនភៀសសឹក។
សម្តេចតេជោ ហ៊ុន សែន បានមានប្រសាសន៍ថា៖ ខ្ញុំបានឃើញសំណូមពរយុទ្ធជនម្នាក់ពីសមរភូមិថា សុំជួយជាអំបុក ល្អជាងជួយជាងមី។ ខ្ញុំយល់ថាសំណូមពរនេះសមហេតុសមផល តែខ្ញុំយល់ថាការផ្តល់ជាមី នៅតែបន្ត ជាមួយនឹងការផ្តល់អំបុកបន្ថែម។
ក្នុងសាររបស់សម្ដេចតេជោ លើកឡើងថា ស្រូវថ្មីកំពុងច្រូតកាត់សូមបងប្អូនសប្បុរសជនជួយទិញស្រូវធ្វើអំបុក ឬជួយទិញអំបុកពីប្រជាជនយកទៅចែកជូនកងទ័ពឬជនភៀសសឹក។ សម្រាប់ការវេចខ្ចប់គួរធ្វើត្រឹមមួយកញ្ចប់១គីឡូ ឬ២គីឡូសម្រាប់យុទ្ធជនម្នាក់ៗយកតាមខ្លួន ។ ប្រសិនដាក់ជាបាវ ឬការ៉ុងលំបាកដល់ការចែកចាយនៅខ្សែត្រៀមជួរមុខ។
សម្ដេចតេជោ ហ៊ុន សែន បានភ្ជាប់សារ ដ៏សំខាន់ «ទទួលទានអំបុកស្រូវថ្មី វាយសត្រូវឈ្លានពាន»៕
Account
Security
Favourite Content