សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ រុស្ស៊ី កំពុងរៀបចំផែនការរឹតបន្តឹងថ្មីមួយលើការនាំចេញសាច់ប្រាក់រូប៊ល និងមាសចេញពីប្រទេស ដើម្បីបង្ក្រាបសេដ្ឋកិច្ចក្រៅផ្លូវការ និងចៀសឆ្ងាយពីឥទ្ធិពលនៃប្រាក់ដុល្លារអាម៉េរិក នេះបើយោងតាមសេចក្ដីរាយការណ៍ពី The Moscow Times ។
កាលពីថ្ងៃចន្ទ សប្ដាហ៍នេះ ឧបនាយករដ្ឋមន្ដ្រីរុស្ស៊ី លោក Alexander Novak បានលើកឡើងថា រុស្ស៊ី កំពុងរៀបចំផែនការលើការរឹតបន្តឹងថ្មីមួយដោយកំណត់លើការនាំចេញសាច់ប្រាក់រូប៊ល និងមាស ដើម្បីបង្ក្រាបសេដ្ឋកិច្ចក្រៅផ្លូវការ និងជាកិច្ចការដែលប្រធានាធិបតីបញ្ជាឱ្យរដ្ឋាភិបាលពន្លឿនឱ្យបានឆាប់បំផុត។ ក្រោមសំណើរបស់ក្រសួងហិរញ្ញវត្ថុ សាធារណៈជន ឬជាបុគ្គលនៃវិស័យឯកជន នឹងត្រូវបានអនុញ្ញាតឱ្យយកមាសតាមខ្លួនក្រោម ១០០ ក្រាមប៉ុណ្ណោះចេញពីប្រទេស។ ដោយឡែក ការគ្រប់គ្រងរូបិយប័ណ្ណក្នុងពេលមានសង្គ្រាមបានបង្កើតចន្លោះប្រហោងជាច្រើន ដែលធ្វើឲ្យពលរដ្ឋរុស្ស៊ីមានឱកាសផ្ទេរមាសជាសរុបប្រហែល ២០ ទៅ ២៥ តោនចេញពីរុស្ស៊ីទៅកាន់បរទេសក្នុងអំឡុងឆ្នាំ២០២២-២០២៣។
សូមជម្រាបដែរថា កាលពីខែកញ្ញា អនុរដ្ឋមន្ត្រីក្រសួងហិរញ្ញវត្ថុរុស្ស៊ី លោក Alexei Moiseev បានបង្ហាញពីក្តីបារម្ភថា មាសបានក្លាយទៅជារូបិយប័ណ្ណជំនួសរូបិយប័ណ្ណបរទេសកាន់តែខ្លាំងឡើងនៅក្នុងសេដ្ឋកិច្ចក្រៅផ្លូវការ ប្រតិបត្តិការខុសច្បាប់ និងការលាងលុយខ្មៅ។ ដូច្នោះហើយ ផែនការរបស់រដ្ឋាភិបាលរុស្ស៊ីចង់កាត់បន្ថយចំណែកនៃសេដ្ឋកិច្ចក្រៅផ្លូវការ ១,៥% នៃផលិតផលក្នុងស្រុក និងបង្កើតចំណូលពន្ធបន្ថែមចំនួន ១ ទ្រីលានរូប៊ល (១៣,១ ពាន់លានដុល្លារ) ។ បន្ថែមពីលើការរឹតបន្តឹងការនាំចេញប្រាក់រូប៊ល និងមាស រុស្ស៊ីគ្រោងនឹងរួមបញ្ចូលវិធានការចំនួន ៨ ផ្សេងទៀតដែលនឹងកំណត់គោលដៅលើការនាំចូលទំនិញ ការលក់រាយដោយគ្មានសាច់ប្រាក់ បុគ្គលិកធ្វើការដោយខ្លួនឯង គ្រីបតូ ការផ្តល់ប្រាក់កម្ចីខុសច្បាប់ និងទីផ្សារគ្រឿងស្រវឹង និងថ្នាំជក់។
ប្រធានាធិបតីរុស្ស៊ី លោក Vladimir Putin បានលើកឡើងា ការដំឡើងពន្ធ (VAT) ត្រូវធានាថា អ្វីគ្រប់យ៉ាងដំណើរការដោយស្របច្បាប់ ហើយចំណូលនឹងហូរចូលថវិកាជាតិ។ យោងតាមតួលេខរបស់ធនាគារកណ្តាលរុស្ស៊ី បានឲ្យដឹងថា រុស្ស៊ីកំពុងមានមាសសរុបជាង ៣១០ ពាន់លានដុល្លារ ឬ ស្មើរនឹង ៤២,៣% នៃទុនបំរុងរបស់ខ្លួន។ នេះបង្ហាញពីការប្តេជ្ញាចិត្តរបស់រុស្ស៊ីក្នុងការចៀសឆ្ងាយពីប្រាក់ដុល្លារអាម៉េរិក និងការធ្វើពិពិធកម្មទៅរកទ្រព្យសម្បត្តិដែលមានសុវត្ថិភាព ។ មិនត្រឹមតែប៉ុណ្ណោះ តួរលេខនេះគឺជាកំណត់ត្រាខ្ពស់បំផុតនៃទុនបំរុងមាសរបស់រុស្ស៊ីចាប់តាំងពីឆ្នាំ ១៩៩៥។ អ្នកវិភាគមើលឃើញថា គោលបំណងរបស់រុស្ស៊ីគឺដើម្បីលុបបំបាត់ប្រាក់ដុល្លារចេញពីសេដ្ឋកិច្ចរបស់ខ្លួនឱ្យបានច្រើនតាមតែអាចធ្វើទៅបាន ហើយមាសគឺជាជម្រើសដ៏សំខាន់ដើម្បីអនុវត្តផែនការនេះ ព្រមទាំងគ្រោងប្រមូលមាសដាក់នៅក្នុងទុនបំរុងរបស់ខ្លួនបន្ថែមទៀតនាពេលអនាគត៕
Account
Security
Favourite Content