មុខរបរចញ្ចឹមគោយកសាច់ មាននិរន្តរភាពទីផ្សារ និងមានអត្រាចំណេញខ្ពស់

ការចិញ្ចឹមគោយកសាច់ គឺជារបរមួយដែលបងប្អូនខ្មែរនិយមចិញ្ចឹមជាលក្ខណៈគ្រួសារ និងជាកសិដ្ឋាន ជាពិសេសអ្នកដែលរស់នៅតាមទីជនបទសម្រាប់ផ្គត់ផ្គង់តម្រូវការទីផ្សារយ៉ាងទូលំទូលាយ និងមានតម្លៃខ្ពស់គួរសមទៅនឹងការចិញ្ចឹមសត្វដទៃទៀត ខណៈដែលអ្នកទិញយកទៅលក់បន្តអាចទាញយកផលប្រយោជន៍បានយ៉ាងច្រើន។

កសិដ្ឋានចិញ្ចឹមគោយកសាច់ភ្នំក្រហម ជាឈ្មោះកសិដ្ឋានមួយកន្លែងដែលមានទំហំប្រមាណ១០០០ម៉ែត្រការ៉េ ស្ថិតនៅភូមិអូអំពិល ឃុំបឹងល្វា ស្រុកសន្ទុក កំពង់ធំ ដែលកំពុងមានភាពមមាញឹកក្នុងការចិញ្ចឹមគោយកសាច់សរុបចំនួន ១២០ក្បាលក្នុងក្រោល ដើម្បីអាចផ្គត់ផ្គត់តម្រូវការទីផ្សារក្នុងស្រុក។

លោក ម៉ាត់ ហ្សាគី ជាម្ចាស់កសិដ្ឋានខាងលើបានប្រាប់ឱ្យដឹងថា លោកបានសម្រេចចិត្តចាប់យកអាជីពជាអ្នកចិញ្ចឹមគោយកសាច់នេះដោយសារតែមានចិត្តស្រឡាញ់ និងមើលឃើញពីតម្រូវការទីផ្សារក្នុងស្រុកមានភាពទូលាយ ហើយមិនប្រឈមនឹងការខាតបង់ធ្ងន់ធ្ងរពេកនោះទេ។

លោកបញ្ជាក់ថា ៖

“សម្រាប់គោកាប់យកសាច់ ក្រៅពីមានទីផ្សារល្អធំទូលាយ មិនបារម្ភពីការលក់មិនចេញនោះ គឺមានឈ្មួញមកថ្លឹងទិញដល់កន្លែងយើងតែម្ដង ដោយអាចលក់បានក្នុងតម្លៃ ១២ ៥០០រៀល ក្នុង១គីឡូក្រាម (ថ្លឹងទាំងមូល)ត្បិតតម្លៃមិនខ្ពស់ខ្លាំងតែក៏មានឈ្មួញរកទិញគោច្រើន ដែលកសិដ្ឋានយើងអាចលក់បានជាមធ្យម ៤ទៅ៥ក្បាលក្នុងមួយសប្ដាហ៍”

ចំពោះរយៈពេលនៃការចិញ្ចឹមដើម្បីអាចទទួលបានគោសាច់ល្អដែលត្រូវចិត្តឈ្មួញ គេត្រូវការចិញ្ចឹម និងមើលថែប្រមាណ ៣-៤ខែ ហើយសម្រាប់ការមើលថែ ចំណុចដែលសំខាន់នោះគឺការជ្រើសរើសប្រភេទគោដែលត្រូវយកមកបំប៉នសាច់ដោយការឱ្យចំណីមួយថ្ងៃពីរដង និងការសម្អាតទ្រុងឱ្យបានស្អាត។ ក្រៅពីនេះ គេក៏ត្រូវចាក់ថ្នាំបង្ការជំងឺផ្សេងៗ ដូចជា វ៉ាក់សាំង វីតាមីន និងថ្នាំទម្លាក់សត្វល្អិតជាដើម ដើម្បីធានាសុខភាពរបស់គោ ហើយក៏ត្រូវមានថ្នាំសម្រាប់ព្យាបាលផ្សេងទៀតនៅពេលគោកើតជំងឺ។ នេះជាអ្វីដែលម្ចាស់កសិដ្ឋានខាងលើបានរៀបរាប់ប្រាប់។

គួរបញ្ជាក់ដែរ លោក ម៉ាត់ ហ្សាគី បានចាប់ផ្តើមមុខរបរចិញ្ចឹមគោយកសាច់នៅដើមឆ្នាំ២០២០ ដោយចំណាយដើមទុនប្រមាណ ៦ម៉ឺនដុល្លារសម្រាប់ចំណាយលើការសាងសង់ក្រោល និងសម្ភារៈប្រើប្រាស់ក្នុងកសិដ្ឋានផងដែរ។ ចំណែកបច្ចេកទេសចិញ្ចឹម លោកបានរៀនពីអ្នកជំនាញខ្លះ និងស្រាវជ្រាវបន្ថែមទៀតផងដែរ។

ទន្ទឹមគ្នានេះដែរ ការចិញ្ចឹមគោក៏ជួបនូវផលលំបាកខ្លះដែរ ពិសេសគឺជំងឺរបស់សត្វគោឆ្លងតៗគ្នា ដែលគេតែងតែប្រឈមខ្លាំង តែយ៉ាងណាក៏គេអាចដោះស្រាយបានតាមរយៈការចាក់វ៉ាក់សាំងផងដែរ។ ចំណែកបងប្អូនដែលចង់ចាប់ផ្ដើមចិញ្ចឹម លោក ម៉ាត់ ហ្សាគី បានផ្តល់ជាយោបល់ដែរថា គួរមានដើមទុនបម្រុងទុកជាមុន ហើយស្វែងយល់ពីទីផ្សារ និងរៀនបច្ចេកទេសផងដែរ។

ជាចុងក្រោយ ម្ចាស់កិសដ្ឋានចិញ្ចឹមគោយកសាច់ភ្នំក្រហម បានលើកទឹកចិត្ត និងជំរុញដល់បងប្អូនដែលមានបំណងចិញ្ចឹមគោយកសាច់គួរសាកល្បង ព្រោះទីផ្សារសាច់គោខ្មែរមានភាពទូលំទូលាយណាស់បើធៀបទៅនឹងសាច់គោនាំចូលពីបរទេស ខណៈដែលការចិញ្ចឹមមានភាពងាយស្រួល ទាំងការមើលថែ ទាំងការផ្តល់ចំណី ហើយអត្រាងាប់គឺមានតិចបំផុត។

ជាមួយគ្នាននេះ លោកក៏បានថ្លែងអំណរគុណដល់បងប្អូនដែលតែងតែគាទ្រសាច់គោខ្មែររហូតមក ហើយបន្តការគាំទ្រសាច់គោខ្មែរដែលចិញ្ចឹមក្នុងស្រុក ខណៈដែលសាច់គោដែលត្រូវបាននាំចូលអាចមានតម្លៃថ្លៃ និងមិនសូវមានរសជាតិដូចសាច់គោខ្មែរ។

គួរកត់សម្គាល់ផងដែរថា តាមរយៈរបាយការណ៍ដែលបង្ហាញដោយធនាគារអភិវឌ្ឍន៍ជនបទ និងកសិកម្ម បានបង្ហាញថា ជាទូទៅការចិញ្ចឹមគោយកសាច់មិនសូវជួបបញ្ហាប្រឈមខាតបង់ធ្ងន់ធ្ងរនោះទេ ដោយសារអ្នកចិញ្ចឹមអាចអាចគ្រប់គ្រងបានទាំងចំណី និងជំងឺ។ ម៉្យាងទៀត ផ្អែកតាមនិន្នាការតម្លៃក្នុងរយៈពេល២-៣ឆ្នាំចុងក្រោយនេះ តម្លៃបោះដុំសាច់គោគឺមិនក្រោម ២៧ ០០០រៀលក្នុងមួយគីឡូក្រាមនោះទេ ហើយតម្លៃឆ្អឹងមិនក្រោម ៩ ០០០រៀលនោះទេក្នុងមួយគីឡូក្រាម ខណៈដែលតម្រូវការទីផ្សារគឺមានភាពធំទូលាយបំផុត៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

ប៊ុលហ្គារី និងក្រិក ប្តេជ្ញាកសាងកិច្ចសហប្រតិបត្តិការដើម្បីធានាសន្តិសុខតំបន់ប៉ែកខាងកើតណាតូ

ព្រឹត្តិការណ៍, អាជីវកម្មថ្មី និងនវានុវត្ត

• 13/03/2026

ជំនួបរវាងមេដឹកនាំប្រទេសប៊ុលហ្ការី និងប្រទេសក្រិក កាលពីពេលថ្មីៗនេះបានបង្ហាញពីលទ្ធផលដ៏ល្អប្រសើរនៃទំនាក់ទំនងទ្វេភាគី ជាពិសេសអាចធានាបាននូវសន្តិសុខ និងស្ថិរភាពនៅក្នុងតំបន់ភាគកើតនៃតំបន់ណាតូថែមទៀតផង

រដ្ឋមន្ត្រីឧស្សាហកម្ម ៖ កម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្មដោយសារបញ្ហាថាមពលនោះទេ

ព្រឹត្តិការណ៍, អាជីវកម្មថ្មី និងនវានុវត្ត

• 13/03/2026

រដ្ឋមន្ត្រីឧស្សាហកម្ម ៖ ទោះបីការផ្គត់ផ្គង់ប្រេងលើទីផ្សារសកលកំពុងរាំងស្ទះ ប៉ុន្តែកម្ពុជាមិនទាន់មានរោងចក្របិទទ្វារ ឬផ្អាកខ្សែច្រវាក់ផលិតកម្ម ដោយសារបញ្ហាថាមពលនោះទេ

ដំណឹងល្អ ! តំបន់សេដ្ឋកិច្ចពិសេសទំហំជាង៥០០ហិកតា ត្រូវបានរាជរដ្ឋាភិបាលចេញអនុក្រឹត្យឱ្យបង្កើតជាផ្លូវការ

ព្រឹត្តិការណ៍, អចលនទ្រព្យ

• 13/03/2026

តំបន់សេដ្ឋកិច្ចពិសេសថ្មីមួយដែលមានទំហំជាង៥០០ហិកតា ស្ថិតនៅតាមបណ្ដោយផ្លូវជាតិ៥១ ត្រូវបានរាជរដ្ឋាភិបាលកម្ពុជាសម្រេចឱ្យបង្កើតជាផ្លូវការហើយ

សហរដ្ឋអាម៉េរិក អនុញ្ញាតឱ្យប្រទេសនានាទិញប្រេងជាប់ទណ្ឌកម្មរបស់រុស្ស៊ី

ព្រឹត្តិការណ៍, សេដ្ឋកិច្ច

• 13/03/2026

សហរដ្ឋអាម៉េរិកបានអនុញ្ញាតឱ្យប្រទេសនានាទាំងអស់នៅលើសកលលោកទិញប្រេងទណ្ឌកម្មរបស់រុស្ស៊ីដែលផ្ទុកចោលនៅលើនាវាសមុទ្រជាង ៣០ទីតាំង ស្មើនឹងប្រមាណ ១២៤ លានបារ៉ែល ហើយអាចផ្គត់ផ្គង់គ្រប់គ្រាន់ប្រហែល ៥ ទៅ ៦ ថ្ងៃ

ក្រសួងកសិកម្ម ជំរុញឱ្យអ្នកដាំកាហ្វេនៅខេត្តមណ្ឌលគិរី រួមគ្នាកសាងម៉ាកសមូហភាព«កាហ្វេមណ្ឌលគិរី»

ព្រឹត្តិការណ៍, សេដ្ឋកិច្ច

• 13/03/2026

មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ បានណែនាំឱ្យអ្នកដាំកាហ្វេនៅខេត្តមណ្ឌលគិរីរួមគ្នាកសាងម៉ាកសមូហភាព«កាហ្វេមណ្ឌលគិរី»ដើម្បីជួយការពារអត្តសញ្ញាណផលិតផលក្នុងស្រុក ជំរុញការផលិតកាហ្វេប្រកបដោយស្តង់ដារ

លោកជំទាវ ចម និម្មល៖ RCEP នៅតែជាទីផ្សារដ៏សំខាន់សម្រាប់កម្ពុជា

ព្រឹត្តិការណ៍, សេដ្ឋកិច្ច

• 13/03/2026

កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (អាសិប ឬ RCEP) នៅតែជាទីផ្សារដ៏សំខាន់មួយសម្រាប់កម្ពុជា ដោយបានរួមចំណែក ប្រមាណ ៦២% នៃទំហំពាណិជ្ជកម្មសរុប។ នេះបើតាមការលើកឡើងរបស់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម នៅក្នុងសិក្ខាសាលាស្តីពី "ការពង្រឹងភាពធន់ជាតិ និងកាលានុវត្តភាពនៃយុទ្ធសាស្ត្រអភិបាលកិច្ច វិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និងពាណិជ្ជកម្មកម្ពុជា" រៀបចំឡើងដោយសភាកម្ពុជា កាលពីថ្ងៃទី ១១ ខែមីនា ឆ្នាំ ២០២៦ នៅវិមានរដ្ឋសភា។

ធនាគារ ABA បន្ថែមសាខាថ្មីនៅតំបន់សេដ្ឋកិច្ចពិសេសក្រុងព្រះសីហនុ

ព្រឹត្តិការណ៍, អត្ថបទពាណិជ្ជកម្ម

• 13/03/2026

ធនាគារ ABA បានបើកសាខាថ្មីជាផ្លូវការនៅក្នុងតំបន់សេដ្ឋកិច្ចពិសេសក្រុងព្រះសីហនុ (SSEZ) ដោយពង្រឹងការប្តេជ្ញាចិត្តរបស់ខ្លួនក្នុងការផ្តល់សេវាធនាគារទំនើប សុវត្ថិភាព

រដ្ឋមន្រ្តីអាស៊ាននឹងបើកកិច្ចប្រជុំពិភាក្សាពីផលប៉ះពាល់នៃជម្លោះនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 13/03/2026

ស្របពេលដែលហ្វីលីពីនជាប្រធានអាស៊ាននៅឆ្នាំនេះ និងជាអ្នករៀបចំកិច្ចប្រជុំជាលក្ខណៈអនឡាញពីចម្ងាយ រដ្ឋមន្ត្រីទាំងអស់នឹងពិភាក្សាអំពីផលប៉ះពាល់ និងការឆ្លើយតបចំពោះបញ្ហាឡើងថ្លៃតម្លៃប្រេង ផលរំខានដល់ការដឹកជញ្ជូន និងលំហូរពាណិជ្ជកម្មសម្រាប់តំបន់អាស៊ានដែលពឹងផ្អែកលើការនាំចេញ

អ្នកជំនាញអះអាងថា បំណុលសាធារណៈកម្ពុជាប្រមាណជាង ១៣ ពាន់លានដុល្លារ ស្ថិតនៅកម្រិតហានិភ័យទាប

ព្រឹត្តិការណ៍, ហិរញ្ញវត្ថុ

• 13/03/2026

គិតត្រឹមដំណាច់ឆ្នាំ ២០២៥ កន្លងទៅនេះ សា្ថនភាពបំណុលសាធារណៈរបស់កម្ពុជាមានប្រមាណ ១៣,០៥ ពាន់លានដុល្លារអាម៉េរិក ប៉ុន្តែចំនួននេះត្រូវបានអ្នកជំនាញសេដ្ឋកិច្ចវាយតម្លៃថា ស្ថិតនៅក្នុងភាពអាចគ្រប់គ្រងបាន ពោល គឺនៅតែមានចីរភាព និងហានិភ័យទាបនៅឡើយ។

លោក សុខ វឿន ត្រូវបានជ្រើសតាំងជាប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា សម្រាប់អាណត្តិឆ្នាំ២០២៦-២០២៧

ព្រឹត្តិការណ៍, ហិរញ្ញវត្ថុ

• 12/03/2026

លោក សុខ វឿន ប្រធាននាយកប្រតិបត្តិគ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ត្រូវបានទទួលសេចក្ដីទុកចិត្តពីសមាជិក និងជ្រើសរើសតាំងជាប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា (CMA)