សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពិតជាពិសេស! អតិថិជនទាំងចាស់ ទាំងថ្មីរបស់ បុរី ហុង ឡេង យី អាចស្នើកម្ចីគេហដ្ឋានពីធនាគារ ជីប ម៉ុង រយៈពេលវែង ការប្រាក់ពិសេស និងអាចស្នើកម្ចីបានរហូតដល់៨០%នៃតម្លៃផ្ទះ
ភ្នំពេញ៖ ធនាគារ ជីប ម៉ុង និងបុរី ហុង ឡេងយី នាល្ងាចថ្ងៃព្រហស្បតិ៍ ទី១០ ខែមេសា ឆ្នាំ២០២៥ បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការភាពជាដៃគូហិរញ្ញប្បទានគេហដ្ឋាន នៅការិយាល័យក្រុមហ៊ុនជីបម៉ុងគ្រុប ដែលមានទីតាំងស្ថិតនៅផ្សារទំនើបជីបម៉ុង ២៧១ មេហ្គាម៉ល រាជធានីភ្នំពេញ។ អ្នកឧកញ៉ា លាង ម៉េង អគ្គនាយក ធនាគារ ជីប ម៉ុង និងឧកញ៉ា តាំង ប៉េងយូ ម្ចាស់បុរី ហុង ឡេងយី ជាហត្ថលេខីលើអនុស្សរណយោគយល់គ្នានេះ។
កិច្ចសហការនេះ មានគោលបំណងដើម្បីផ្តល់កម្ចីគេហដ្ឋានដែលមានភាពឆាប់រហ័ស និងឯកសារតម្រូវតិចតួចសម្រាប់អតិថិជនទាំងចាស់ ទាំងថ្មីរបស់ បុរី ហុង ឡេង យី តាមរយៈកម្ចីគេហដ្ឋានពីធនាគារ ជីប ម៉ុង ដែលផ្តល់កម្ចីក្នុងរយៈពេលវែងរហូតដល់២០ឆ្នាំជាមួយអត្រាការប្រាក់សមរម្យ និងអាចស្នើកម្ចីបានរហូតដល់៨០%នៃតម្លៃផ្ទះក្នុងកុងត្រាទិញ-លក់ ជាពិសេសនោះ អតិថិជនអាចទទួលបានកម្ចីភ្លាមៗយកទៅប្រើប្រាស់។
អគ្គនាយកធនាគារ ជីប ម៉ុង អ្នកឧកញ៉ា លាង ម៉េង បានមានប្រសាសន៍ថា៖
« គ្រប់គ្នាតែងមានគោលដៅ និងក្ដីស្រមៃចង់បានទីលំនៅមួយដ៏សមរម្យសម្រាប់រស់នៅជាកម្មសិទ្ធិរបស់ខ្លួន ដូច្នេះហើយក្នុងនាមជាធនាគារខ្មែរដែលវិនិយោគដោយកូនខ្មែរ១០០% ការជួយជ្រោមជ្រែងប្រជាជនខ្មែរជាកាតព្វកិច្ចរបស់យើងជាធនាគារ ជីប ម៉ុង ទើបនៅថ្ងៃនេះ យើងខ្ញុំ ជាមួយ បុរី ហុង ឡេងយី បានចុះអនុស្សរណៈយោគយល់លើភាពជាដៃគូក្នុងការផ្ដល់កម្ចីគេហដ្ឋានក្នុងលក្ខខណ្ឌពិសេស»។
ជាមួយគ្នានេះដែរ ឧកញ៉ា តាំង ប៉េងយូ ក៏បានមានប្រសាន៏ថា៖
«ថ្ងៃនេះ គឺជាថ្ងៃដ៏សំខាន់មួយនៅក្នុងដំណើរការរួមគ្នារបស់យើងក្នុងការសម្រួលដល់ការទិញរបស់អតិថិជន និងការទទួលបានលំនៅដ្ឋានដែលមានគុណភាពតាមរយៈឥណទានដែលមានភាពងាយស្រួល និងឆាប់រហ័សពីធនាគារ ជីប ម៉ុង។ ដោយសារតែមានការចុះអនុស្សរណៈយោគយល់គ្នានេះ និងការជ្រោមជ្រែងពីធនាគារ ជីប ម៉ុង បុរីយើងខ្ញុំក៏នឹងមានគម្រោងបង្កើតគម្រោងសាងសង់ថ្មីមួយទៀតផងដែរ»។
គួរជម្រាបផងដែរថា៖ ធនាគារ ជីប ម៉ុង គឺជាធនាគារឈានមុខគេមួយក្នុងស្រុក មានគ្រឹះ និងដើមទុនរឹងមាំ ផ្តល់ទំនុកចិត្តខ្ពស់ជូនដល់អតិថិជន និងដៃគូពាណិជ្ចកម្ម ហើយបេសកកម្មជាបន្តរបស់ធនាគារ ជីប ម៉ុង គឺនៅតែបន្តបើកទ្វារស្វាគមន៍រាល់ម្ចាស់បុរី និងខុនដូដទៃផ្សេងទៀតក្នុងការមកចាប់ជាដៃគូសហការ។ធនាគារ ជីប ម៉ុង មានគោលដៅជួយសម្រួលដល់ចរន្តសាច់ប្រាក់ម្ចាស់បុរី និងខុនដូរ ដែលអាចឱ្យលោកអ្នកមានសាច់ប្រាក់យកទៅប្រើប្រាស់ ឬវិនិយោគលើការសាងសង់បន្ត និងពង្រីកអាជីវកម្មរបស់ខ្លួនកាន់តែល្អប្រសើរ។
សម្រាប់ព័ត៌មានលម្អិតអំពីការស្នើកម្ចីគេហដ្ឋាននៅធនាគារ ជីប ម៉ុង អតិថិជនអាចអាចទំនាក់ទំនងទៅកាន់លេខ៖ ០៨១ ៨១១ ៩១១ ឬ ០៦៦ ៨១១ ៩១១។
Account
Security
Favourite Content