សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ សហរដ្ឋអាម៉េរិកបានអនុញ្ញាតឱ្យប្រទេសនានាទាំងអស់នៅលើសកលលោកទិញប្រេងទណ្ឌកម្មរបស់រុស្ស៊ីដែលផ្ទុកចោលនៅលើនាវាសមុទ្រជាង ៣០ទីតាំង ស្មើនឹងប្រមាណ ១២៤ លានបារ៉ែល ហើយអាចផ្គត់ផ្គង់គ្រប់គ្រាន់ប្រហែល ៥ ទៅ ៦ ថ្ងៃ ដើម្បីអាចទប់ស្កាត់ផលប៉ះពាល់សេដ្ឋកិច្ចពីសង្គ្រាមនៅអ៊ីរ៉ង់ នេះបើយោងតាមសេចក្ដីរាយការណ៍ពី BBC ។
រដ្ឋមន្ត្រីក្រសួងរតនាគាអាម៉េរិក លោក Scott Bessent បានលើកឡើងថា វាគឺជាវិធានការបណ្តោះអាសន្នដើម្បីរក្សាស្ថិរភាពទីផ្សារថាមពលពិភពលោកក្នុងអំឡុងពេលមានសង្រ្គាមនៅអ៊ីរ៉ង់ ហើយការអនុញ្ញាតនេះនឹងមានរយៈពេលរហូតដល់ថ្ងៃទី ១១ ខែមេសា ឆ្នាំ២០២៦។ សូមបញ្ជាក់ថា វិធានការណ៍រយៈពេលខ្លីនេះអនុវត្តចំពោះតែប្រេងដែលកំពុងផ្ទុកចោលលើសមុទ្រ ហើយនឹងមិនផ្តល់អត្ថប្រយោជន៍ផ្នែកហិរញ្ញវត្ថុសំខាន់ៗដល់រដ្ឋាភិបាលរុស្ស៊ីនោះទេ។
លោក Bessent បានបញ្ជាក់ថា ៖
«ទោះបីជាការឡើងថ្លៃតម្លៃប្រេងបានបង្កផលរំខានរយៈពេលខ្លី និងបណ្តោះអាសន្នក៏ពិតមែន ប៉ុន្តែវានឹងផ្តល់ផលចំណេញយ៉ាងច្រើនដល់សេដ្ឋកិច្ចរបស់អាម៉េរិកក្នុងរយៈពេលវែង។ រដ្ឋាភិបាលអាម៉េរិកនឹងចាប់ផ្តើមយកនាវាចេញពីច្រកសមុទ្រ Hormuz អមការពារដោយយោធាឱ្យបានឆាប់តាមដែលអាចធ្វើទៅបាន»។
សូមជម្រាបថា ៖ ក្នុងរយៈពេលជាង ២សប្តាហ៍កន្លងទៅនេះ ការវាយប្រហារលើនាវា និងហេដ្ឋារចនាសម្ព័ន្ធថាមពលនៅក្នុងឈូងសមុទ្រ រួមទាំងការបិទផ្លូវទឹកច្រកសមុទ្រ Hormuz បានរុញទីផ្សារថាមពលពិភពលោកចូលក្នុងភាពវឹកវរ។ តម្លៃប្រេងបន្តឡើងថ្លៃលើសពី ១០០ ដុល្លារក្នុងមួយបារ៉ែល ខណៈដែលតម្លៃទីផ្សារភាគហ៊ុនបន្តធ្លាក់ចុះ។ ការឡើងថ្លៃនៃតម្លៃថាមពលជំរុញឱ្យមានវិធានការ ឬសកម្មភាពជាបន្តបន្ទាប់ ដើម្បីដោះស្រាយបញ្ហានេះ៕
Account
Security
Favourite Content