សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ របាយការណ៍ពីវៀតណាមបានបង្ហាញថា វៀតណាមមានឱនភាពពាណិជ្ជកម្មជាង ៣៥៤ លានដុល្លារជាមួយកម្ពុជា ខណៈប្រទេសនេះចំណាយប្រាក់ជាង ១,៨ ពាន់លានដុល្លារ ដើម្បីធ្វើការនាំចូលគ្រាប់ស្វាយចន្ទីពីកម្ពុជា។
យោងតាមការចេញផ្សាយរបស់សារព័ត៌មានវៀតណាម VNA នៅថ្ងៃដើមសប្ដាហ៍នេះបានឱ្យដឹងថា វៀតណាមទទួលបានប្រាក់ប្រមាណ ៣,១៥ ពាន់លានដុល្លារ (អាមេរិក) ពីការនាំចេញទំនិញមកកាន់កម្ពុជាក្នុងរយៈពេល ៨ ខែដំបូង ឆ្នាំ ២០២១ កើនឡើង ១៦,៧ ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ទោះយ៉ាងណា សារព័ត៌មានខាងលើនេះ បានរាយការណ៍ថា ប្រទេសវៀតណាមមានឱនភាពពាណិជ្ជកម្មជាមួយកម្ពុជាគិតជាទឹកប្រាក់ចំនួនប្រមាណ ៣៥៤.៤ លានដុល្លារ ក្នុងរយៈពេលដូចគ្នានេះ។ មូលហេតុមួយនៅពីក្រោយឱនភាពពាណិជ្ជកម្ម គឺការកើនឡើងនៃការនាំចូលផលិតផលសំខាន់ៗចំនួន ៦ ពីប្រទេសកម្ពុជា បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ខណៈការនាំចូលគ្រាប់ស្វាយចន្ទី និងកៅស៊ូមានការកើនឡើងខ្ពស់បំផុត។
ប្រទេសវៀតណាមបានចំណាយប្រាក់ប្រមាណ ១,៨៣ ពាន់លានដុល្លារក្នុងការនាំចូលគ្រាប់ស្វាយចន្ទីពីកម្ពុជាក្នុងរយៈពេល ៨ ខែដំបូង កើនឡើងចំនួន ៧,១ ដង បើធៀបនឹងរយៈពេលដូចគ្នាកាលពីឆ្នាំមុន។ ទន្ទឹមនឹងនេះ ការនាំចូលកៅស៊ូរបស់វៀតណាមពីកម្ពុជាមានទំហំទឹកប្រាក់ប្រមាណ ៨២១,៨ លានដុល្លារអាមេរិក កើនឡើង ៥,៣ ដង ធៀបនឹងរយៈពេលដូចគ្នាកាលពីឆ្នាំមុន។
ដោយឡែក ការវិនិយោគដែលវៀតណាមបានចុះបញ្ជីនៅកម្ពុជាមានទំហំទឹកប្រាក់ជាង ២,៨៥ ពាន់លានដុល្លារ ដែលភាគច្រើនផ្តោតលើវិស័យកសិកម្ម រួមទាំងការដាំដើមស្វាយចន្ទី និងកៅស៊ូផងដែរ។
វិនិយោគិនវៀតណាមជាច្រើនបានវិនិយោគនៅកម្ពុជា ដើម្បីទាញយកផលប្រយោជន៍ពីថ្លៃពលកម្មទាប និងលក្ខខណ្ឌអំណោយផលទាក់ទងនឹងដី អាកាសធាតុ និងការលើកទឹកចិត្ត ហើយបន្ទាប់មកនាំចេញផលិតផលរបស់ពួកគេត្រលប់ទៅប្រទេសវៀតណាមវិញ។ ដើម្បីធ្វើឱ្យមានតុល្យភាពតម្លៃពាណិជ្ជកម្មជាមួយកម្ពុជា វៀតណាម ត្រូវការលើកកម្ពស់ការកែច្នៃ ដើម្បីធ្វើឱ្យប្រសើរឡើងនូវតម្លៃបន្ថែមនៃទំនិញនាំចេញ បង្កើនទិន្នផល និងគុណភាពគ្រាប់ស្វាយចន្ទី និងកៅស៊ូ រួមនឹងការស្វែងរកការពង្រីកទីផ្សារនាំចេញគ្រាប់ស្វាយចន្ទី ក៏ដូចជាផលិតផលកៅស៊ូ។ គួរឲ្យដឹងផងដែរថា ចំពោះការគ្រប់គ្រងយ៉ាងតឹងរឹងនូវការនាំចូលទំនិញទាំងនេះ ដើម្បីធានាបាននូវច្បាប់ប្រភពដើម និងការពង្រឹងការត្រួតពិនិត្យទំនិញ ដែលនាំចេញទៅប្រទេសវៀតណាមពីប្រទេសកម្ពុជា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អបអរសាទរសង្រ្កាន្តអម្រឹត ឆ្នាំ២០២៦ ថ្ងៃទី១១ ខែមេសា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content