សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អន្តរជាតិ ៖ ធនាគារកណ្តាលរុស្ស៊ីបានដំឡើងអត្រាការប្រាក់របស់ខ្លួនពី ៩.៥% ដល់ដល់ ២០% កាលពីថ្ងៃចន្ទ ដែលចាត់ទុកជាវិធានការបន្ទាន់មួយ ហើយអាជ្ញាធរបានបញ្ជាឱ្យក្រុមហ៊ុនដែលផ្តោតលើការនាំចេញឱ្យលក់ចេញនូវរូបិយប័ណ្ណបរទេស ខណៈប្រាក់រូប្ល (Ruble) បានធ្លាក់ចុះដល់កម្រិតទាប។ នេះបើយោងតាមការចេញផ្សាយរបស់សារព័ត៌មាន រ៉យទ័រ កាលពីម្សិលមិញ។
ប្រាក់រូប្លបានធ្លាក់ចុះកម្រិតទាបធៀបនឹងប្រាក់ដុល្លារ លើវេទិកាជួញដូររូបិយប័ណ្ណអេឡិចត្រូនិក EBS បន្ទាប់ពីប្រធានាធិបតី វ្ល៉ាឌីមៀ ពូទីន បានបញ្ជាឱ្យបញ្ជាការយោធារបស់ខ្លួនដាក់កងកម្លាំងប្រដាប់អាវុធនុយក្លេអ៊ែរកាលពីថ្ងៃអាទិត្យ ខណៈលោកខាងលិចបានដាក់ទណ្ឌកម្មយ៉ាងធ្ងន់ធ្ងរប្រឆាំងនឹងរុស្ស៊ី។ (សូមបញ្ជាក់ថា ប្រាក់រូប្លរបស់រុស្ស៊ី ធ្លាក់ប្រមាណ ៣០% ធៀបនឹងប្រាក់ដុល្លារ)
រដ្ឋមន្ត្រីក្រសួងហិរញ្ញវត្ថុលោក Anton Siluanov បាននិយាយថា នៅក្នុងគោលបំណងដើម្បីគាំទ្រប្រាក់រូប្ល អាជ្ញាធររុស្ស៊ីបានប្រាប់ក្រុមហ៊ុននាំចេញរបស់រុស្ស៊ីឱ្យលក់ចេញ ៨០% នៃប្រាក់ចំណូលជារូបិយប័ណ្ណបរទេសរបស់ពួកគេនៅលើទីផ្សារ។
ដោយបង្ហាញពីវិធានការបន្ទាន់ថ្មីនេះ ទេសាភិបាលធនាគារកណ្តាល Elvira Nabiullina បាននិយាយថា ធនាគារកណ្តាលបានបញ្ឈប់ការធ្វើអន្តរាគមន៍កាលពីថ្ងៃចន្ទ ដោយសារតែការដាក់ទណ្ឌកម្មចុងក្រោយបំផុតពីបណ្តាប្រទេសលោកខាងលិច ដែលបង្ហាញថា ប្រាក់រូប្លត្រូវបានគាំទ្រដោយអ្នកចូលរួមទីផ្សារដែលមិនបញ្ចេញឈ្មោះផ្សេងទៀត។
លោក Nabiullina បាននិយាយថា ធនាគារនៃប្រទេសរុស្ស៊ីបានលក់ប្រាក់ប្រហែល ១ពាន់លានដុល្លារពីទុនបម្រុងរបស់ខ្លួនកាលពីថ្ងៃព្រហស្បតិ៍ទី២៤ ខែកុម្ភៈ ដែលជាថ្ងៃដែលប្រទេសរុស្ស៊ីបានចាប់ផ្តើមនូវអ្វីដែលខ្លួនហៅថា “ប្រតិបត្តិការពិសេស” នៅក្នុងប្រទេសអ៊ុយក្រែន ហើយក៏បានអនុវត្តការលក់រូបិយប័ណ្ណបរទេសកាលពីថ្ងៃសុក្រផងដែរ។
លោក Nabiullina បាននិយាយថា ៖
“ដោយសារតែការរឹតបន្តឹងលើការប្រើប្រាស់មាសបម្រុងជាប្រាក់ដុល្លារ និងអឺរ៉ូ អន្តរាគមន៍មិនត្រូវបានអនុវត្តដោយពួកយើងនៅថ្ងៃនេះឡើយ។ លោក Nabiullina ក៏បាននិយាយផងដែរថា ប្រទេសរុស្ស៊ីមានការជំនួសផ្ទៃក្នុងសម្រាប់ប្រព័ន្ធទូទាត់អន្តរជាតិ SWIFT ដោយបន្ថែមថាសមភាគីបរទេសអាចចូលរួមជាមួយប្រព័ន្ធនេះបាន៕”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនាញសាទរគម្រោងវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ដោយមើលឃើញពីសក្តានុពលនៃការវិនិយោគ ក្រុមហ៊ុនអន្តរជាតិមួយ បានបង្ហាញពីគោលបំណងបោះទុនវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងបង្អស់នៅកម្ពុជា
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម និងតំបន់ជុំវិញ បានទទួលសេវាទឹកស្អាត
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម – សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
ព្រឹត្តិការណ៍, អត្ថបទពាណិជ្ជកម្ម
• 20/05/2026
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម - សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
Amazon បញ្ឈប់ការលក់ទំនិញនៅសិង្ហបុរី ខណៈមិនអាចទប់ទល់នឹងការប្រកួតប្រជែងខ្ពស់ក្នុងតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
វេទិកាពាណិជ្ជកម្មអេឡិចត្រូនិចដ៏ល្បីរបស់អាម៉េរិក Amazon សម្រេចចិត្តបញ្ឈប់ការលក់ និងដឹកជញ្ជូនទំនិញក្នុងស្រុកនៅប្រទេសសិង្ហបុរី ដោយសារពិបាកក្នុងការជ្រៀតចូលទីផ្សារនៅអាស៊ីអាគ្នេយ៍ និងមិនអាចទប់ទល់នឹងការប្រកួតប្រជែងខ្ពស់នៅក្នុងតំបន់មួយនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ធនាគារកណ្តាលអាម៉េរិកសម្រេចរក្សាអត្រាការប្រាក់នៅដដែល និងប្តេជ្ញាការពារឯករាជ្យភាពរបស់ខ្លួនពីសម្ពាធនយោបាយ
លុយយ័ន កាន់តែមានតម្លៃ ខណៈដែលចិនអាចឈ្នះសង្គ្រាមពាណិជ្ជកម្មតាមរយៈរូបមន្តជំនួញថ្មីប្រេងដូរយកប្រាក់យ័ន និងមាស
Account
Security
Favourite Content