សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជា បានដាក់ឱ្យប្រើប្រាស់ផែនទីចង្អុលផ្លូវបច្ចេកវិទ្យាថ្មីសម្រាប់វិស័យអប់រំ សុខាភិបាល និងកសិកម្ម ដើម្បីរួមចំណែកក្នុងការអភិវឌ្ឍសេដ្ឋកិច្ច និងសង្គមជាតិឱ្យកាន់តែល្អប្រសើរបន្ថែមទៀត។
ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានប្រកាសដាក់ឱ្យប្រើប្រាស់ផែនទីបង្ហាញផ្លូវបច្ចេកវិទ្យាថ្មីចំនួន៣លើវិស័យអប់រំ សុខាភិបាល និងកសិកម្ម ដែលជាឯកសារគោលនយោបាយដ៏សំខាន់ដែលនឹងត្រូវប្រើប្រាស់ជាទិសដៅ និងជាយុទ្ធសាស្ត្រក្នុងការអនុវត្តគោលនយោបាយវិទ្យាសាស្រ្ត បច្ចេកវិទ្យា និងនវានុវត្តន៍ក្នុងប្រទេសកម្ពុជា។
ឯកឧត្តម ឆែម គាតរិទ្ធិ រដ្ឋលេខាធិការក្រសួងឧស្សាហកម្មបានលើកឡើងថា ការដាក់ឱ្យប្រើប្រាស់ផែនទីចង្អុលផ្លូវបច្ចេកវិទ្យាថ្មីចំនួន៣នេះ គឺដោយសារកម្ពុជាយល់ពីសារៈសំខាន់នៃវិទ្យាសាស្រ្ត បច្ចេកវិទ្យា និងនវានុវត្តន៍ (STI) សម្រាប់ការស្ដារប្រទេសជាតិឡើងវិញពីផលប៉ះពាល់នៃជំងឺរាតត្បាតកូវីដ-១៩ ក៏ដូចជាការជំរុញការអភិវឌ្ឍសេដ្ឋកិច្ចកម្ពុជា ក្នុងគោលបំណងសម្រេចចក្ខុវិស័យប្រទេសឱ្យមានចំណូលមធ្យមកម្រិតខ្ពស់នៅឆ្នាំ២០៣០ និងមានចំណូលខ្ពស់នៅឆ្នាំ២០៥០។
ឯកឧត្តម ឆែម គាតរិទ្ធី បានមានប្រសាសន៍ថា ៖
“ផែនទីបង្ហាញផ្លូវដែលបានបង្កើតឡើងនេះគឺជាលទ្ធផលនៃភាពជាដៃគូដ៏រឹងមាំរវាងក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងរវាងរាជរដ្ឋាភិបាលកម្ពុជា និងសាធារណរដ្ឋកូរ៉េ ក្នុងការលើកកម្ពស់សមត្ថភាពនវានុវត្តន៍ផ្នែកវិទ្យាសាស្ត្រ និងបច្ចេកវិទ្យារបស់ប្រទេសកម្ពុជា”
ឯកឧត្តម បន្តថា ៖
“ផែនទីបង្ហាញផ្លូវបច្ចេកវិទ្យាទាំង៣នេះ នឹងដើរតួនាទីយ៉ាងសំខាន់ក្នុងការផ្តល់ទិសដៅយុទ្ធសាស្ត្រសម្រាប់ការអភិវឌ្ឍបច្ចេកវិទ្យាដែលកំពុងត្រូវការក្នុងវិស័យអប់រំ សុខាភិបាល និងកសិកម្ម ដែលជាឯកសារមេដ៏សំខាន់សម្រាប់ដៃគូពាក់ព័ន្ធ និងជាឯកសារគោលនយោបាយយុទ្ធសាស្ត្រក្នុងការសម្រេចចក្ខុវិស័យខាងលើ”
លោកស្រី Mi Ock Mun ប្រធានវិទ្យាស្ថានគោលនយោបាយវិទ្យាសាស្ត្រ និងបច្ចេកវិទ្យា នៃសាធារណរដ្ឋកូរ៉េ បានលើកឡោះងថា ផែនទីចង្អុលផ្លូវបច្ចេកវិទ្យាថ្មីត្រូវបានប្រកាសដាក់ឱ្យប្រើប្រាស់នេះនឹងលើកកម្ពស់សមត្ថភាពវិទ្យាសាស្ត្រ បច្ចេកវិទ្យា និងនវានុវត្តន៍ សម្រាប់ជាតម្រូវការចាំបាច់នៅក្នុងគោលនយោបាយយុទ្ធសាស្ត្ររបស់កម្ពុជា។
លោកស្រីបានមានប្រសាសន៍ថា ៖
“កម្ពុជា – កូរ៉េ នឹងឆ្ពោះទៅរកការកសាងភាពជាដៃគូដ៏រឹងមាំបន្ថែមទៀត តាមរយៈគម្រោងសហប្រតិបត្តិការបន្តបន្ទាប់ទៀត។ វាក៏នឹងចូលរួមចំណែកការអភិវឌ្ឍសេដ្ឋកិច្ច និងសង្គមជាតិកម្ពុជាផងដែរ ជាពិសេសសម្រេចចក្ខុវិស័យ និងយុទ្ធសាស្ត្រចតុកោណដំណាក់កាលទី៤ ដែលមានគោលបំណងលើកកម្ពស់គោលដៅកំណើនការងារ សមធម៌ និងប្រសិទ្ធភាពរបស់ស្ថាប័នសាធារណៈ និងការគ្រប់គ្រងធនធានទាំងអស់”
សូមបញ្ជាក់ថា ការប្រកាសដាក់ឱ្យប្រើប្រាស់ផែនទីបង្ហាញផ្លូវបច្ចេកវិទ្យាថ្មីចំនួន៣លើវិស័យអប់រំ សុខាភិបាល និងកសិកម្មត្រូវបានរៀបចំឡើងដោយអគ្គនាយកដ្ឋានវិទ្យាសាស្ត្រ បច្ចេកវិទ្យា និងនវានុវត្តន៍ ដែលមានអ្នកចូលរួមដោយផ្ទាល់ និងតាមរយៈអនឡាញចំនួនប្រមាណ១២៧នាក់។ ក្នុងនោះរួមមានប្រធានវិទ្យាស្ថានគោលនយោបាយវិទ្យាសាស្ត្រ និងបច្ចេកវិទ្យា នៃសាធារណរដ្ឋកូរ៉េ និងតំណាងមកពីក្រសួងស្ថាប័ន និងដៃគូអភិវឌ្ឍន៍ផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content