សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចុប្បន្ននេះ ពិភពលោកកំពុងពន្លឿនការប្រើប្រាស់រថយន្តដែលប្រើប្រាស់ដោយថាមពលកខ្វក់ ឬថាមពលឥន្ធនៈមកជាថាមពលស្អាត ជាពិសេសគឺរថយន្តដែលដើរដោយថាមពលអគ្គិសនី។ ក្រុមហ៊ុនផលិតរថយន្តតូចធំទាំងល្បីមិនសូវល្បី និងក្រុមហ៊ុនអាជីវកម្មកើតថ្មីក្តីបានកំពុងព្យាយាមឆក់យកឱកាសដ៏កំរនេះក្នុងការប្រកួតប្រជែងជាទីផ្សាររថយន្តនៅក្នុងបរិបទថ្មីរបស់ពិភពលោកតាមរយៈបច្ចេកវិទ្យា និងមុខងារទំនើបៗដែលពួកគេបានស្រាវជ្រាវរកឃើញ។
កាន់តែអស្ចារ្យកាលពីពេលថ្មីៗនេះក្រុមនិស្សិតរបស់ប្រទេសហូឡង់មួយក្រុមបានឈានទៅដល់ការផលិតបាននូវបច្ចេកវិទ្យារថយន្តអគ្គិសនីដ៏ទំនើបអស្ចារ្យមួយមិនត្រឹមតែជារថយន្តដែលដើរដោយថាមពលស្អាតដែលមិនប៉ះពាល់ដល់បរិស្ថាននោះទេវាថែមទាំងមានមុខងារដ៏ពិសេសមួយទៀតគឺជួយសំអាតសារជាតុបំពុលបរិស្ថានគឺកាបូនទៀតផង។
ឧបករណ៍ ចម្រោះចំនួន២ដែលត្រូវបានបំពាក់ជាមួយនឹងរថយន្តទំនើបថ្មីនេះដើម្បីអាចស្រូបយកសារធាតុកាបូនចេញពីបរិយាកាសដល់ទៅ២គីឡូក្រាមរៀងរាល់ពេលដែលរថយន្តនេះអាចធ្វើដំណើរក្នុងចំងាយ ៣០ ០០០គីឡូម៉ែត្រ។
រថយន្តដើរដោយថាមពលអគ្គិសនី ១០០ភាគរយនេះត្រូវបានដាក់ឈ្មោះថា ZEM ឬមកពីពាក្យថា Zero Emission Mobility ហើយតួខ្លួនភាគច្រើនរបស់រថយន្តគឺត្រូវបានផលិតចេញពីម៉ាស៊ីនព្រីន 3D ទៀតផង ដែលវត្ថុធាតុដើមមួយចំណែកធំគឺជាប្លាស្ទិកដែលអាចកែច្នៃបានសុទ្ធសាធ។
គួរឲ្យដឹងដែរថា បច្ចុប្បន្នរថយន្តដើរដោយថាមពលអគ្គិសនីនៅទូទាំងពិភពលោកដែលកំពុងប្រើប្រាស់មានរហូតទៅដល់១០លានគ្រឿងមកហើយ ប៉ុន្តែតាមផែនការរបស់អង្គការសហប្រជាជាតិយើងត្រូវការថយន្តប្រភេទនេះសរុបដល់ទៅ ២៣០លានគ្រឿង ដើម្បីអាចលុបបំបាត់ការបំពុលអាកាសធាតុនៅត្រឹមឆ្នាំ២០៣០៕
Account
Security
Favourite Content