សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វិស័យអាកាសចរណ៍ គឺជាមធ្យោយបាយដឹកជញ្ជូនដ៏មានភាពចាំបាច់បំផុតសម្រាប់ការអភិវឌ្ឍសកលលោកបើទោះបីជាបច្ចុប្បន្ននេះគេរកឃើញថាសកម្មភាពហោះហើររបស់យន្តហោះទាំងអស់លើពិភពលោកបានបង្កជាឧស្ម័នកាបូនឌីអុកស៊ីតក្នុងចំណែកដល់ទៅ៣ភាគរយនៃការបញ្ចេញផ្សែងពុលទៅក្នុងបរិយាកាសក៏ដោយ។
ការប្រើប្រាស់ប្រេងឥន្ឌនៈដែលមានចំហេះហ្វូស៊ីលខ្ពស់គឺជាកត្តាសំខាន់ដែលធ្វើឲ្យវិស័យនេះបានចូលរួមក្នុងការបំផ្លាញបរិស្ថានភពផែនដី ដូច្នេះហើយថ្មីៗនេះក្រុមអ្នកស្រាវជ្រាវមកពីប្រទេសស្វីសបានរកឃើញបច្ចេកទេសដ៏ពិសេសមួយដែលអាចផលិតប្រេងសាំងសម្រាប់ចាក់យន្តហោះតាមវិធីសាស្ត្រផ្សេងជំនួសឲ្យវិធីសាស្ត្របែបប្រពៃណីនេះ។
វិទ្យាស្ថានស្រាវជា្រវសាធារណៈ ETH Zurich ដែលមានមូលដ្ឋាននៅក្នុងទីក្រុង Zurich ប្រទេសស្វីសបានដំណើរការបច្ចេកទេសផលិតសាំងចាក់យន្តហោះចេញពីទីតាំងសាកល្បងមួយកន្លែង។
អ្វីដែលគេអាចមើលឃើញនៅទីតាំងនោះគឺជាប៉មមួយដែលសង់នៅចំកណ្តាលបណ្តុំនៃកញ្ចក់ប្រមាណជា ១៦៩បន្ទះ។ ចំណាំងផ្លាតនៃពន្លឺព្រះអាទិត្យចេញពីកញ្ចក់ទាំងអស់នោះត្រូវបានចំណាំងផ្លាតត្រឡប់មកកាន់ប្រហោងតូចៗនៅប៉មជាមួយនឹងកំដៅខ្លាំងជាងកំដៅព្រះអាទិត្យដែលបានទទួលដល់ទៅជាង ២ ៥០០ ដង ។
ម៉ាស៊ីននៅពីខាងក្នុងប៉មមានតួនាទីក្នុងការប្រើប្រាស់កំដៅដ៏ខ្លាំងក្លានេះដើម្បីបំប្លែងឧស្ម័នកាបូនឌីអុកស៊ីត ឬ CO2 និងទឹកដែលមាននៅបរិយាកាសទៅជាអ៊ីដ្រូសែ និងកាបូនម៉ូណូអុកស៊ីត ដែលសារធាតុទាំង ២ នេះត្រូវបានធ្វើប្រតិកម្មបញ្ចូលគ្នាផលិតបានទៅជា Syngas ។ Syngas នេះហើយគឺជាសមាសធាតុសំខាន់បំផុតចុងក្រោយក្នុងការទាញយកទៅបំប្លែងបន្តផលិតទៅជាប្រេងសាំងដែលអាចចាក់យន្តហោះបាន។
គួរឲ្យដឹងដែរថា ទីតាំងសាកល្បងរបស់ ETH Zurich បច្ចុប្បន្នស្ថិតក្នុងទំហំមួយដែលគេអាចផលិតបានសាំងសម្រាប់ចាក់យន្តហោះប្រមាណជាង ៤០លានលីត្រក្នុងមួយឆ្នាំ ឬគ្រប់គ្រាន់ឲ្យយន្តហោះមួយគ្រឿងធ្វើដំណើរឆ្លងកាត់មហាសមុទ្រអាត្លង់ទិចរហូតទៅដល់ ៦០០ដង៕
Account
Security
Favourite Content