សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមខែតុលា ឆ្នាំ២០២៤ ឥណទានដែលផ្តល់ដោយគ្រឹះស្ថានធនាគារ និងហិរញ្ញវត្ថុទៅក្នុងវិស័យសេដ្ឋកិច្ចមានចំនួន ២៤៧.៦៣១ ប៊ីលានរៀល (ស្មើនឹង ៦០,៩ ប៊ីលានដុល្លារអាមេរិក) កើន ២,២% ធៀបនឹងឆ្នាំមុន។ នេះបើតាមទិន្នន័យពីធនាគារជាតិនៃកម្ពុជា។
បើតាមការចុះផ្សាយរបស់ធនាគារជាតិបានឱ្យដឹងថា វិស័យសំខាន់ៗដែលគ្រឹះស្ថានធនាគារ និងហិរញ្ញវត្ថុបានផ្ដល់ក្នុងរយៈពេល១០ខែកន្លងមកនេះរួមមាន៖ ការជួញដូរដុំ និងរាយ គិតជាទឹកប្រាក់ចំនួន ៦០.៩២ប៊ីលានដុល្លារ (ស្មើនឹង ២៤,៦%), វិស័យសំណង់ គិតជាទឹកប្រាក់ចំនួន ២៩.១៩ ប៊ីលានដុល្លារ (ស្មើនឹង ១១,៨%)។
ការទិញផ្ទះជាកម្មសិទ្ធផ្ទាល់ខ្លួន គិតជាទឹកប្រាក់ចំនួន ២៧.៦៨ប៊ីលានដុល្លារ (ស្មើនឹង ១១,២%), វិស័យអចលនទ្រព្យ គិតជាទឹកប្រាក់ចំនួន ២៤.៨៦ប៊ីលានដុល្លា (ស្មើនឹង ១០%), វិស័យកសិកម្ម គិតជាទឹកប្រាក់ចំនួន២៣.៧៥ប៊ីលានដុល្លារ (ស្មើនឹង ៩,៦%), វិស័យសេវាកម្ម គិតជាទឹកប្រាក់ចំនួន១៩.៥៨ប៊ីលានដុល្លារ (ស្មើនឹង ៧,៩%), វិស័យកម្មន្តសាល គិតជាទឹកប្រាក់ចំនួន ១០.៣៦ប៊ីលានដុល្លារ (ស្មើនឹង ៤,២%), អង្គភាពគ្រួសារ គិតជាទឹកប្រាក់ចំនួន ២.៥៩ ប៊ីលានដុល្លារ (ស្មើនឹង ១,១%), ផ្សេងៗ គិតជាទឹកប្រាក់ចំនួន ៤៨.៦៥ ប៊ីលានដុល្លារ (ស្មើនឹង ១៩,៦%)។
ក្នុងនោះ វិស័យសំណង់ គឺជាវិស័យដែលមានកំណើនក្នុងការប្រើប្រាស់ឥណទានបើធៀបនឹងឆ្នាំកន្លងទៅ បន្តដោយវិស័យអចលនទ្រព្យ វិស័យកម្មន្ដសាល និងការជួញដូរដុំ និងរាយ។
ឥណទានទាំងនេះបានដើរតួនាទីយ៉ាងសំខាន់សម្រាប់ប្រជាជន ជាពិសេសគឺជាប្រភពទុនចម្បងសម្រាប់ក្រុមហ៊ុន សហគ្រាស នៅក្នុងការពង្រីកអាជីវកម្មរបស់ពួកគេតែម្ដង។ លើសពីនោះ
ឥណទានដែលផ្ដល់ដោយគ្រឹះស្ថានហិរញ្ញវត្ថុផ្លូវការទាំងអស់នៅកម្ពុជា បានចូលរួមចំណែកដ៏ធំក្នុងការគាំទ្រដល់សកម្មភាពសេដ្ឋកិច្ច បង្កើតឱកាសការងារ និងបង្កើនផលិតភាព៕
Account
Security
Favourite Content