សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី BBC បានរាយការណ៍ថា ទីផ្សារហ៊ុនរបស់អាមេរិកបានស្ទុះងើបឡើងវិញបន្ទាប់ពីប្រធានាធិបតីសហរដ្ឋអាម៉េរិក Donald Trump ពន្យារពេលយកពន្ធតបតឲ្យមានភាពស្មើគ្នាពីប្រទេសជាច្រើនរយៈពេល ៩០ ថ្ងៃ ហើយជំនួសមកវិញនូវអត្រាពន្ធនាំចូល ១០ ភាគរយ។
សន្ទស្សន៍ផ្សារហ៊ុនអាម៉េរិក S&P 500 បានកើនឡើង ៩,៥% ដែលជាការកើនឡើងខ្ពស់បំផុតចាប់តាំងពីឆ្នាំ២០០៨។ លើសពីនេះ សន្ទស្សន៍ផ្សារហ៊ុន Dow បានកើនឡើងជាង ៧,៨% ខណៈដែល Nasdaq បានកើនឡើងច្រើនជាង ១២% ។ ក្រុមហ៊ុន Nike បានកើនឡើង ១១% ខណៈដែល Apple កើនឡើងប្រហែល ១៥%។ ទន្ទឹមនឹងនេះ សេតវិមានបានបង្ហាញពីការគាំទ្រលើការដកពន្ធខ្ពស់សម្រាប់ដៃគូពាណិជ្ជកម្មដែលបានយល់ព្រមក្នុងការចរចា ខណៈដែល Trump ដំឡើងពន្ធលើទំនិញពីប្រទេសចិនបន្ថែមទៀតយ៉ាងហោចណាស់ ១២៥ ភាគរយមានប្រសិទ្ធភាពភ្លាមៗ។ ការសម្រេចចិត្តពន្យារពេលយកពន្ធរបស់ Trump បានកើតឡើងបន្ទាប់ពីពន្ធចុងក្រោយបំផុតបានចូលជាធរមានតិចជាង ២៤ ម៉ោង។
យ៉ាងណាមិញ ការប្រកាសផែនការពន្ធរបស់ Trump កាលពីសប្តាហ៍មុនបានបង្កឲ្យសន្ទស្សន៍ផ្សារហ៊ុនទូទាំងសកលបានធ្លាក់ចុះ។ ជាក់ស្តែង សន្ទស្សន៍ផ្សារហ៊ុន S&P ធ្លាក់ចុះជាង ១០% ដោយអ្នកវិភាគជាច្រើនបានព្រមានអំពីការកើនឡើងហានិភ័យនៃការធ្លាក់ចុះសេដ្ឋកិច្ចនៅក្នុងសហរដ្ឋអាម៉េរិក និងនៅទូទាំងពិភពលោក។ មិនត្រឹមតែប៉ុណ្ណោះ ការភ័យខ្លាចបានវាយប្រហារទីផ្សារមូលបត្របំណុល ដែលធ្វើឲ្យអ្នកវិនិយោគបានចាប់ផ្តើមបោះចោលបំណុលរដ្ឋាភិបាលសហរដ្ឋអាម៉េរិក។ មុនពេលដែល Trump ប្រកាសពីការពន្យារពេលយកពន្ធ សន្ទស្សន៍ហ៊ុនធំៗឈានមុខគេរបស់អាម៉េរិកស្ថិតនៅកម្រិតទាប ខណៈដែលសហព័ន្ធលក់រាយជាតិបានព្រមានថា ការដឹកជញ្ជូនដែលគ្រប់គ្រងដោយកំពង់ផែអាម៉េរិកនឹងធ្លាក់ចុះជាង ២០ ភាគរយក្នុងខែឧសភា ដោយសារពន្ធគយ។
ការសម្រេចចិត្តពន្យារពេលការយកពន្ធ ៩០ ថ្ងៃរបស់ Trump បានកើតឡើងបន្ទាប់ពីការកើនឡើងសម្ពាធនយោបាយនៅក្នុងទីក្រុងវ៉ាស៊ីនតោន និងពីឥស្សរជនមានឥទ្ធិពលផ្សេងៗទៀតដែលបានគាំទ្រលោកក្នុងអំឡុងពេលយុទ្ធនាការប្រធានាធិបតីរួមមាន មហាសេដ្ឋី Elon Musk, មហាសេដ្ឋី Bill Ackman, និង លោក Dave Portnoy ស្ថាបនិក Barstool Sports ។ យ៉ាងណាក៏ដោយ ទោះបីជា Trump ពន្យារពេលយកពន្ធពីប្រទេសផ្សេងៗក៏ពិតមែន ប៉ុន្តែលោកបានបន្តដំឡើងពន្ធលើប្រទេសចិនដល់ ១២៥% ដែលវានៅតែការព្រួយបារម្ភសម្រាប់សង្រ្គាមពាណិជ្ជកម្មពិភពលោក។ យ៉ាងណាមិញ Trump នៅតែសង្ឃឹមថា លោកអាចនឹងធ្វើកិច្ចព្រមព្រៀងជាមួយប្រទេសចិនហើយក៏កំពុងពិចារណាផងដែរក្នុងការផ្តល់ការលើកលែងពន្ធសម្រាប់ក្រុមហ៊ុនចិន៕
Account
Security
Favourite Content