សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ការព្យាករណ៍អំពីឧស្សាហកម្មថៃបានធ្លាក់ចុះដល់កម្រិតទាបក្នុងរយៈពេល ៥ខែជាប់គ្នា ដោយសាររងសម្ពាធពីផលប៉ះពាល់នៃពន្ធរបស់អាម៉េរិក និងជម្លោះព្រំដែនជាមួយកម្ពុជា។
មុនពេលដែលអាម៉េរិកទម្លាក់ពន្ធ ១៩% លើការនាំចូលរបស់ថៃ សហព័ន្ធឧស្សាហកម្មថៃ (FTI ) បានធ្វើការស្ទង់មតិនេះ ហើយភាគច្រើនព្យាករណ៍ពីការធ្លាក់ចុះ។
លោក Kriengkrai Theinnukul ប្រធាន FTI បានលើកឡើងក្នុងសន្និសីទសារព័ត៌មានមួយថា ការកាត់បន្ថយពន្ធពី ៣៦% មកត្រឹម ១៩% ផ្តល់នូវការធូរស្រាលមានកម្រិត ខណៈដែលវិស័យដែលមានកម្រិតទាបដូចជាអាហារកែច្នៃ និងផលិតផលកសិកម្មកំពុងប្រឈមនឹងការរងគ្រោះ។ វិស័យទាំងនេះមានប្រាក់ចំណេញក្រោម ១០% ហើយប្រហែលជាមិនអាចទ្រាំទ្របានយូរជាងនេះទេ ដោយលោកសង្ឃឹមថា រដ្ឋាភិបាលថៃនឹងគាំទ្រពួកគេយ៉ាងឆាប់រហ័សជាមួយនឹងឥណទាន។ ទន្ទឹមនឹងនេះ អាម៉េរិកគឺជាទីផ្សារនាំចេញកំពូលរបស់ប្រទេសថៃ ដែលមានចំណែក ១៨,៣% នៃតម្លៃនាំចេញសរុបមានតម្លៃ ៥៥ ពាន់លានដុល្លារកាលពីឆ្នាំ២០២៤។
សហព័ន្ធឧស្សាហកម្មថៃ (FTI ) បានបង្ហាញថា ការព្យាករណ៍អំពីឧស្សាហកម្មរបស់ថៃបានធ្លាក់ចុះពី ៨៧,៧% ក្នុងខែមិថុនាមកត្រឹម ៨៦,៦% នៅខែកក្កដា។ លើសពីនេះ កត្តាផ្សេងទៀតនៃការធ្លាក់ចុះរួមមាន ទឹកជំនន់នៅភាគខាងជើងរបស់ប្រទេស និងការចុះខ្សោយនៃអំណាចបញ្ជាទិញ។ មិនត្រឹមតែប៉ុណ្ណោះ ជម្លោះព្រំដែនជាមួយកម្ពុជាក៏បានរំខានដល់ពាណិជ្ជកម្មផងដែរ ខណៈដែលវិស័យកសិកម្មរងប៉ះពាល់ពីការចាកចេញរបស់ពលករខ្មែរទៅកាន់ប្រទេសកំណើតវិញ។
លោក Kriengkrai លើកឡើថា ៖
«យើងទទួលស្គាល់ពីផលប៉ះពាល់រយៈពេលខ្លី ជាពិសេសក្នុងវិស័យកសិកម្ម ដែលកសិករកំពុងជួបការលំបាកក្នុងការស្វែងរកកម្លាំងពលកម្មក្នុងរដូវប្រមូលផល។ រដ្ឋាភិបាលត្រូវផ្តល់ការអន្តរាគមន៍ និងផ្តល់ការគាំទ្រជាបន្ទាន់»។
កាលពីថ្ងៃអង្គារ៍ គណៈរដ្ឋមន្ត្រីថៃបានអនុម័តសេចក្តីព្រាងច្បាប់មួយ ដើម្បីបង្កើតទីភ្នាក់ងារធានាឥណទានជាតិសម្រាប់ជួយដល់ក្រុមហ៊ុនតូចៗក្នុងការធានាប្រាក់កម្ចី។ លើសពីនេះ ធនាគារកណ្តាលថៃបានសម្តែងការព្រួយបារម្ភអំពីការកើនឡើងនៃបំណុលដ៏អាក្រក់ និងការថយចុះឥណទានពីអាជីកម្មខ្នាតតូច ដោយសារការផ្តល់ប្រាក់កម្ចីដល់ក្រុមហ៊ុនតូចៗបានធ្លាក់ចុះ ៦,២% ភាគរយ ដែលធ្វើឲ្យការផ្តល់ប្រាក់កម្ចីសរុបរបស់ធនាគារបានធ្លាក់ចុះ ០,៩%៕
Account
Security
Favourite Content