សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ញូវយ៉ក៖ កម្មវិធីវិដេអូខ្លីៗដ៏ល្បីល្បាញ TikTok កាលពីថ្ងៃចន្ទម្សិលមិញនេះបានចេញសេចក្តីប្រកាសមួយជាផ្លូវការទៅកាន់បុគ្គលិករបស់ខ្លួនដែលអនុញ្ញាតឲ្យអ្នកខ្លះអាចធ្វើការពីចម្ងាយបាន ហើយអ្នកខ្លះទៀតអាចធ្វើការយ៉ាងច្រើនត្រឹមតែ 3 ថ្ងៃប៉ុណ្ណោះក្នុងមួយសប្តាហ៍ពេលត្រឡប់ចូលមកធ្វើការនៅការិយាល័យវិញ។
TikTok ក៏នឹងផ្តល់ជម្រើសទៅដល់បុគ្គលិករបស់ខ្លួនដែលស្ថិតនៅក្នុងប្រទេសចិនផងដែរថា ប្រសិនបើពួកគេចង់ធ្វើការងារពីចម្ងាយតែម្តងក៏បាន ដោយគ្រាន់តែសុំការអនុញ្ញាតពីសំណាក់ប្រធានផ្នែករបស់ពួកគេប៉ុណ្ណោះ ហើយគោលការណ៍នេះនឹងចាប់ផ្តើមអនុវត្តនៅតាមការិយាល័យផ្សេងៗទៀតនៅក្នុងប្រទេសអាមេរិក អង់គ្លេស និងអៀរឡង់ផងដែរ ដោយរាប់បញ្ចូលទាំងបុគ្គលិកពេញម៉ោង និងបុគ្គលិកហាត់ការ។
នៅអំឡុងពេលនៃវិបត្តិកូវីដ TikTok នៅតែបានបន្តធ្វើការជ្រើសរើសបុគ្គលិករាប់ពាន់នាក់នៅតាមបណ្តាទីផ្សារនានាលើពិភពលោក ដោយមកដល់ពេលនេះខ្លួននៅតែដាក់ឲ្យបុគ្គលិកទាំងអស់ក្នុងការធ្វើការងារពីចម្ងាយនៅឡើយ ហើយក៏មិនទាន់បានកំណត់យកពេលវេលាច្បាស់លាស់ណាមួយដើម្បីឲ្យត្រឡប់មកបំពេញការងារទាំងស្រុងនៅក្នុងការិយាល័យវិញនោះដែរ។
អ្វីដែលជាការគួរឲ្យកត់សម្គាល់ត្រង់ថា រហូតមកដល់ពេលនេះ TikTok បានដំណើរការនៅក្នុងបណ្តាប្រទេសធំៗលើពិភពលោកជាច្រើនរាប់តាំងប្រទេសមហាអំណាចសេដ្ឋកិច្ចផងដែរ ដូចជាសហរដ្ឋអាមេរិក អង់គ្លេស បារាំង អាល្លឺម៉ង់ សិង្ហបុរី ឥណ្ឌូនេស៊ី កូរ៉េខាងត្បូង និងប្រទេសជប៉ុនជាដើម ដោយក្នុងនោះអាមេរិកគឺជាទីផ្សារក្រៅស្រុកធំបំផុតរបស់ខ្លួន ដែលមានទីតាំងនៅ Mountain View hub, California, Los Angeles, New York, Austin និង Texas។
ផ្អែកតាមការស្ទាបស្ទង់មតិកាលពីពេលកន្លងទៅដោយកាសែតរ៉យទ័របានបញ្ជាក់ថា បុគ្គលិករបស់ខ្លួនមួយភាគធំគឺមិនមានបំណងក្នុងការវិលត្រឡប់មកចូលធ្វើការនៅការិយាល័យវិញនោះទេ ដោយសារការព្រួយបារម្ភអំពីការរាតត្បាតនៃវិរុសកូវីដ ហើយពួកគេបានត្រៀមខ្លួនរួចជាស្រេចដើម្បីទទួលយកគោលការណ៍ធ្វើការងារតាមបែបពាក់កណ្តាលពីចម្ងាយ និងពាក់កណ្តាលទៀតនៅការិយាល័យជំនួសវិញ។
មកដល់ពេលនេះក្រុមហ៊ុនបច្ចេកវិទ្យាធំៗលើពិភពលោកដូចជា Apple Inc, Google, Amazon និង Alibaba ជាដើម សុទ្ធតែបានចាប់ផ្តើមអនុវត្ត ឬសាកល្បងធ្វើតេស្តគោលការណ៍ធ្វើការងារថ្មីបែបនេះជាមួយនឹងបុគ្គលិករបស់ខ្លួនផងដែរគិតចាប់តាំងតែពីដើមឆ្នាំ២០២១រហូតមកម្ល៉េះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content