សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី CNBC បានរាយការណ៍ថា ក្រុមហ៊ុនផលិតរថយន្តអគ្គិសនី VinFast របស់វៀតណាមបានស្នើសុំចុះបញ្ជីជាផ្លូវការក្នុងការដាក់បញ្ចូលឡានរបស់ខ្លួនទៅក្នុងទីផ្សារភាគហ៊ុនសហរដ្ឋអាមេរិក ប្រសិនបើទទួលបានជោគជ័យនឹងធ្វើឱ្យវានឹងក្លាយជាក្រុមហ៊ុនវៀតណាមតែមួយគត់ដែលបានចុះបញ្ជីនៅសហរដ្ឋអាមេរិក។
កាលពីថ្ងៃអង្គារកន្លងទៅនេះ VinFast បាននិយាយថា ខ្លួនបានស្នើសុំចុះបញ្ជីទៅក្នុងទីផ្សារភាគហ៊ុនជាមួយគណៈកម្មការមូលបត្រសហរដ្ឋអាមេរិក ដែលជាជំហានផ្លូវការដំបូងឆ្ពោះទៅរកការលក់ជាសាធារណៈនៅឆ្នាំក្រោយ។ VinFast នឹងធ្វើពាណិជ្ជកម្មលើ Nasdaq ក្រោមនិមិត្តសញ្ញា “VFS” ផ្តល់ជូនពីធនាគារ ដូចជា Citigroup Global Markets, Morgan Stanley, Credit Suisse និង J.P. Morgan Securities ដែលជាធនាគារនាំមុខគេក្នុងការផ្តល់ជូនការចុះបញ្ជី។
ក្នុងឆ្នាំ២០១៩ VinFast បានក្លាយជាក្រុមហ៊ុនផលិតរថយន្តក្នុងស្រុកដំបូងគេរបស់វៀតណាម នៅពេលដែលវាបានចាប់ផ្តើមផលិតរថយន្តម៉ាស៊ីនចំហេះខាងក្នុង។ សព្វថ្ងៃ ក្រុមហ៊ុននេះផ្តោតទាំងស្រុងលើរថយន្តអគ្គិសនី ដែលជាការផលិតម៉ូដែលចំហេះខាងក្នុងចុងក្រោយបំផុតត្រូវបានបញ្ចប់កាលពីដើមខែវិច្ឆិកា។ បច្ចុប្បន្នក្រុមហ៊ុនកំពុងទទួលការកក់ទុកសម្រាប់រថយន្តប្រភេទ SUV អគ្គិសនីចំនួន ២ គឺ VF8 ទំហំមធ្យម និង VF9 ដែលមានទំហំធំជាង។
VF8 និង VF9 មានតម្លៃចាប់ពី ៥៧ ០០០ ដុល្លារ និង ៧៦ ០០០ ដុល្លាររៀងគ្នា ដោយតម្លៃនេះរួមបញ្ចូលទាំងថ្មរបស់ពួកវា។ ប្រសិនបើអ្នកទិញអាចជ្រើសរើសសម្រាប់ការជាវថ្មប្រចាំខែនោះតម្លៃគ្មានថ្ម VF8 និង VF9 ចាប់ផ្តើមត្រឹមតែជាង ៤២ ០០០ ដុល្លារ និង ៥៧ ៥០០ ដុល្លាររៀងគ្នា ហើយគេមានកញ្ចប់ជាការជាវថ្មមានតម្លៃ ១៦៩ ដុល្លារក្នុងមួយខែសម្រាប់ VF8 និង ២១៩ ដុល្លារក្នុងមួយខែសម្រាប់ VF9។ គិតត្រឹមចុងខែកញ្ញា VinFast ទទួលបានការកក់ទុកសម្រាប់ម៉ូដែលទាំងពីរនេះប្រហែល ៥៨ ០០០ គ្រឿងនៅទូទាំងពិភពលោក។
សម្រាប់ពេលនេះឡានរបស់ VinFast ទាំងអស់ត្រូវបានផលិតនៅរោងចក្ររបស់ក្រុមហ៊ុននៅ Haiphong ប្រទេសវៀតណាម។ ប្រសិនបើការចុះបញ្ជីនេះទទួលបានជោគជ័យ ក្រុមហ៊ុននេះសង្ឃឹមថានឹងមានរោងចក្ររបស់ខ្លួននៅសហរដ្ឋអាមេរិកដែលមានសមត្ថភាពផលិតរថយន្តចំនួន ១៥០ ០០០ គ្រឿងក្នុងមួយឆ្នាំ ហើយនឹងដំណើរការនៅឆ្នាំ២០២៤។ កាលពីខែមីនាកន្លងទៅនេះដែរ ក្រុមហ៊ុននេះបានប្រកាសពីផែនការសម្រាប់ចំណាយទៅលើរោងចក្រតម្លៃខ្ទង់ ២ ពាន់លានដុល្លារនៅរដ្ឋ North Carolina ហើយសង្ឃឹមថានឹងបានលក់ចែកចាយរថយន្តរបស់ខ្លួនដល់អតិថិជនអាមេរិកជាលើកដំបូងនៅពេលថ្ងៃខាងមុខ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រុស្ស៊ី ប្រកាសសងសឹកទៅលើការសម្រេចចិត្តរបស់អឺរ៉ុបដែលដាក់ទណ្ឌកម្មទី២០ ប្រឆាំងទីក្រុងមូស្គូ
ព្រឹត្តិការណ៍, អាជីវកម្មថ្មី និងនវានុវត្ត
• 29/04/2026
សហភាពអឺរ៉ុប នៅតែបន្តដាក់សម្ពាធទៅលើប្រទេសរុស្ស៊ី ជាមួយនឹងការបង្កើនវិធានការរឹតបន្តឹងដោយឯកតោភាគី ខណៈដែលទណ្ឌកម្មទី ២០ ត្រូវបានក្រុមប្រឹក្សាសហភាពអឺរ៉ុបអនុម័តរួចរាល់ហើយកាលពីថ្ងៃទី ២៣ ខែមេសា ឆ្នាំ២០២៦កន្លងទៅនេះ
ច្បាប់ភូមិបាល (ថ្មី) នឹងត្រូវដាក់ឱ្យប្រើប្រាស់ ដើម្បីឱ្យស្របតាមគោលនយោបាយ សេដ្ឋកិច្ច សង្គម របស់កម្ពុជាបច្ចុប្បន្ន
Top News, ព្រឹត្តិការណ៍, អចលនទ្រព្យ
• 29/04/2026
ក្រសួងរៀបចំដែនដី នគរូបនីយកម្ម និងសំណង់ បានផ្តើមនូវសេចក្ដីព្រាងច្បាប់ភូមិបាល (ថ្មី) ដើម្បីឆ្លើយតបនឹងតម្រូវការជាក់ស្ដែង រួមមាន ទី១ ផ្នែកទម្រង់ និងទី២ ផ្នែកខ្លឹមសារ
ក្រុមហ៊ុន អុីអេហ្វជី កម្ពុជា EFG Cambodia ប្រកាសបិទអាជីវកម្ម ម៉ាកThe Pizza Company ដោយបញ្ចប់កិច្ចសហការទាំងស្រុង និងត្រៀមបង្ហាញសមិទ្ធផលថ្មីដែលល្អប្រសើរជាងមុន ឆាប់ៗនេះ
ព្រឹត្តិការណ៍, អត្ថបទពាណិជ្ជកម្ម
• 29/04/2026
ក្រុមហ៊ុន អ៊ីអេហ្វជីកម្ពុជា បានសង្កេតឃើញថា អតិថិជននៅទូទាំងរាជធានីភ្នំពេញ បានចាប់អារម្មណ៍ និងកត់សម្គាល់ទៅលើម៉ាកសញ្ញារបស់ The Pizza Company គ្រប់ហាងទាំងអស់ ដែលបានបាំងដោយក្រណាត់ពណ៌ក្រហម
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content