សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។
បើតាម លោក យន់ សុផា អ្នកគ្រប់គ្រងទូទៅផ្នែកបច្ចេកទេស និងទីផ្សាររបស់ក្រុមហ៊ុនជីធម្មជាតិ ហ៊ុយយន់ អេហ្គ្រីខលឈ័រ បានប្រាប់ AMS Economy យ៉ាងដូច្នេះថា៖
«ជីរបស់យើងកំពុងចែកចាយទូទាំងប្រទេសទៅតាមដេប៉ូគ្រប់ខេត្តក្រុង និងតាមចំការធំៗ ជាពិសេសគឺខាងបន្លែសុវត្ថិភាព និងផ្ទះសំណាញ់ផងដែរ ដោយមួយឆ្នាំយើងអាចលក់បានប្រមាណ ២-៣ម៉ឺនតោន ហើយគោលបំណងនៃការផលិតជីនេះ ដោយសារយើងអាចកែច្នៃវត្ថុធាតុដើមពីកាកសំណល់មួយចំនួនក្នុងស្រុក ចូលរួមកាត់បន្ថយផលប៉ះពាល់បរិស្ថានពីសំណល់ ពិសេសគឺអាចកាត់បន្ថយការប្រើប្រាស់សារធាតុគីមីទៅលើដំណាំដែលអាចប៉ះពាល់សុខភាពអ្នកបរិភោគ ក៏ដូចជាផ្ដល់ការងារដល់អ្នកក្នុងតំបន់បានមួយចំណែកផងដែរ»។
លោកបញ្ជាក់ថា បច្ចុប្បន្ននេះ ក្រុមហ៊ុនរបស់លោកមានទីតាំងនៅខេត្តកំពង់ស្ពឺ និងប្រើប្រាស់លាមកសត្វ ក៏ដូចជាវត្ថុធាតុដើមក្នុងស្រុកផ្សេងទៀតដើម្បីផលិតជីសរីរាង្គ ដោយអាចផ្ដល់ការងារដល់ប្រជាជនជាង ២០០នាក់ក្នុងតំបន់ ក្នុងកិច្ចដំណើរការផលិតជី៣ប្រភេទ រួមមាន ជីគ្រាប់ធម្មជាតិសរីរាង្គសម្រាប់ទ្រាប់បាត និងដាក់គល់ ជីទឹកធម្មជាតិសម្រាប់បាញ់បំប៉ន និងម្សៅកំបោរសរីរាង្គសម្រាប់សម្លាប់មេរោគ និងទាញ pH ឱ្យដីធូរ ពោលគឺកែលម្អដី ដែលស្ថិតក្រោមយីហោ ៤ផ្សេងគ្នាគឺ ភីអិន អេអិន ដីមាស និងភ្នំពេជ្រ។
ដោយឡែកចំពោះតម្លៃ គឺមានកម្រិតផ្សេងៗគ្នា ដូចជាជីទឹកលក់ក្នុងតម្លៃ ៧ម៉ឺនរៀល លើបរិមាណ ៥លីត្រ , ម្សៅកំបោរ ៥០គីឡូក្រាម ៥ម៉ឺនរៀល និងជីគ្រាប់ ៥០គីឡូក្រាមតម្លៃ ៨ម៉ឺនរៀល។ ចំពោះការផ្គត់ផ្គង់ជី គេអាចលក់ឱ្យអ្នកប្រើប្រាស់វិលជុំ ទៅតាមរដូវកាល និងតំបន់ខុសៗគ្នា តួយ៉ាងដូចជា រដូវធ្វើស្រែ ដាំកៅស៊ូ ចន្ទី និងដំឡូង ដែលគេនិយមប្រើជីគ្រាប់ដើម្បីបាច និងទ្រាប់បាតដំណាំ ។ នេះជាអ្វីដែលអ្នកគ្រប់គ្រងខាងលើបានលើកឡើង។
លោក សុផា បន្ថែមថា ចំពោះតម្រូវការរបស់កសិករក្នុងរយៈពេល ១០ឆ្នាំកន្លងទៅនេះគឺមានការកើនឡើងខ្លាំង ពោលគឺប្រជាកសិករមានកំណើនគាំទ្រប្រមាណ ៨៥ភាគរយ ខណៈដែលយុទ្ធសាស្ត្រទីផ្សារដែលលោកអនុវត្តគឺការចុះជួយបង្រៀនបច្ចេកទេសដល់កសិករក្រោមកិច្ចសហការរវាងក្រុមហ៊ុន និងតាមបណ្ដាដេប៉ូផ្សេងៗ ដោយមានការចុះពិភាក្សាពីបញ្ហាក្នុងចំការនានា ធ្វើយ៉ាងណាជួយដោះស្រាយបញ្ហទាំងអស់នោះ ទើបជំរុញឱ្យកសិករបន្តការគាំទ្រ។
Account
Security
Favourite Content