សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កណ្តាល ៖ នៅព្រឹកថ្ងៃទី ០៥ ខែសីហា ឆ្នាំ២០២៤ នេះ ការដ្ឋានសាងសង់ព្រែកជីកហ្វូណន តេជោ ត្រូវបានសម្ពោធបើកការដ្ឋានសាងសង់ជាផ្លូវការ ក្រោមអធិបតីភាពដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ព្រមទាំងថ្នាក់ដឹកនាំស្ថាប័នរដ្ឋ វិស័យឯកជន សិស្ស-និស្សិត និងប្រជាពលរដ្ឋចូលរួមះអបអរសាទរសរុបប្រមាណ ១៧០០០នាក់។
សម្រាប់កម្ពុជា គម្រោងព្រែកជីកនេះជាគម្រោងប្រវត្តិសាស្ត្រដែលផ្ដល់អត្ថប្រយោជន៍ដ៏ធំមហិមាដល់ប្រជាជាតិទាំងមូលតែម្ដង។ មិនត្រឹមតែប៉ុណ្ណោះ ចលនានៃការគាំទ្រគម្រោងនេះ ពីសំណាក់ប្រជាជនទូទៅ ក៏ជាការបំផុសស្មារតីជាតិនិយមឱ្យកាន់តែខ្លាំងក្លាផងដែរ។
ថ្លែងក្នុងឱកាសសម្ពោធបើកការដ្ឋានសាងសង់នេះ សម្ដេចធិបតី ហ៊ុន ម៉ាណែត បានគូសបញ្ជាក់ថា ៖
«ទម្រាំយើងស្វែងរកសន្តិភាពបាន តាមរយៈនយោបាយឈ្នះៗ ឈាម និងទឹកភ្នែករាប់មិនអស់ទៅហើយ បានស្រក់នៅលើទឹកដីដ៏កំសត់មួយនេះ។ ដូច្នេះយើងត្រូវចងចាំមេរៀនប្រវត្តិសាស្ត្រនេះថា កាលណាខ្មែរបាត់បង់សាមគ្គីភាព និងការឯកភាពជាតិ ខ្វះស្មារតីជាតិនិយម ហើយមិនតម្កល់ឧត្តមប្រយោជន៍ជាតិជាធំ ខ្មែរតែងតែរងគ្រោះ និងអន្តរាយ។ ផ្ទុយទៅវិញ កាលណាខ្មែរមានសាមគ្គី ភាពជាធ្លុងមួយ និងការឯកភាពប្រកបដោយស្មារតីជាតិនិយម និងធ្វើអ្វីៗដើម្បីឧត្តមប្រយោជន៍ជាតិ ខ្មែរតែងតែរឹងមុំា រីកចម្រើន រុងរឿង ថ្កើងថ្កាន»។
សម្ដេចបានបន្តសង្កត់ធ្ងន់ផងដែរថា បើនិយាយអំពីគម្រោងព្រែកជីកហ្វូណនតេជោ គឺមិនខុសគ្នាអ្វីពីគម្រោងហេដ្ឋារចនាសម្ព័ន្ធធំៗផ្សេងទៀត ដូចជា គម្រោងផ្លូវល្បឿនលឿន និងគម្រោងព្រលានយន្ដហោះអន្តរជាតិនោះទេ ប៉ុន្តែអ្វីដែលនាំឱ្យគម្រោងព្រែកជីកមានលក្ខណៈខុសប្លែកពីគម្រោងឯទៀតគឺនៅត្រង់ថា គម្រោងនេះបានបណ្ដុះចលនាជាតិនិយម នៅក្នុងសម័យកាលក្រោយរំដោះ។
គួរបញ្ជាក់ថា គម្រោងព្រែកជីកហ្វូណនតេជោ នឹងក្លាយជាព្រែកដ៏សំខាន់សម្រាប់ជួយរំដោះទឹកជំនន់។ នៅរដូវប្រាំង ប្រជាជនដែលរស់នៅតាមដងព្រែកក៏នៅតែអាចមានទឹកសម្រាប់ប្រើប្រាស់ក្នុងវិស័យកសិកម្ម។
ផ្លូវទឹកថ្មីទៅកាន់សមុទ្រនេះ មានប្រវែង ១៨០គីឡូ ម៉ែត្រ ចាប់ពីព្រែកតាកែវ នៃទន្លេ មេគង្គ ឆ្លងកាត់តាមព្រែកតាឯក នៃទន្លេបាសាក់ ចូលតាមព្រែកតាហ៊ីងនៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្ត ៤ រួមមាន៖ ខេត្តកណ្តាល តាកែវ កំពត និងខេត្តកែប ដែលមានប្រជាជនសរុបប្រមាណ ១,៦លាននាក់ រស់នៅអមសងខាងផ្លូវទឹកនេះ។
ផ្លូវទឹកនេះ មានទទឹងមុខកាត់ផ្នែកខាងលើ ប្រវែង ១០០ម៉ែត្រ និងមុខកាត់ផ្នែកខាងក្រោម ប្រមាណ៨០ម៉ែត្រ និងជម្រៅទឹកប្រមាណ ៥,៤ម៉ែត្រ ( ជម្រៅនាវាចរណ៍ ៤,៧ម៉ែត្រ និងគម្លាតសុវត្ថិភាព ០,៧ម៉ែត្រ ) មានគន្លងនាវាចរណ៍ ចំនួន២គន្លង អាចចេញ-ចូល និងចៀសគ្នាបានដោយសុវត្ថិភាព៕
Account
Security
Favourite Content