សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិតណាស់ បញ្ហាសេដ្ឋកិច្ចសកល នៅបន្តមានភាពមិនប្រាកដប្រជា ដែលបានរាលដាលផលប៉ះពាល់ដល់សេដ្ឋកិច្ចប្រទេសកំពុងអភិឌ្ឍន៍ ដូច្នេះ ការណ៍នេះទាមទារឱ្យមនុស្សគ្រប់គ្នាត្រូវចេះពង្រឹងសមត្ថភាព ដើម្បីផ្សុំាខ្លួននៅក្នុងស្ថាការណ៍បែបនេះ ជាពិសេសត្រូវមានសំណាញ់សុវត្ថិភាព ដើម្បីទប់ទល់នឹងវិបត្តិហិរញ្ញវត្ថុផ្ទាល់ខ្លួន។
លោក ង៉ែត ជូ អ្នកជំនាញសេដ្ឋកិច្ច និងហិរញ្ញវត្ថុ បានលើកឡើងថា វិបត្តិនៃជំងឺរាតត្បាតសកល វិបត្តិនយោបាយ និងសេដ្ឋកិច្ចអន្តរជាតិ សុទ្ធតែអាចបង្កជាផលអាក្រក់ដល់សេដ្ឋកិច្ចសង្គម និងជីវភាពរស់នៅរបស់មនុស្សផងទាំងពួង ហើយវិបត្តិទាំងនេះនឹងបន្តតាមលងបន្លាចមនុស្សជាតិទៅថ្ងៃអនាគតផងដែរ។
អ្នកជំនាញសេដ្ឋកិច្ច និងហិរញ្ញវត្ថុរូបនេះបានលើកឡើងពីសំណាញ់សុវត្ថិភាពចំនួន ៧ ដើម្បីទប់ទល់នឹងវិបត្តិហិរញ្ញវត្ថុផ្ទាល់ខ្លួននាពេលអនាគត ៖
១) សន្សំប្រាក់បម្រុងសម្រាប់គ្រាអាសន្នឱ្យបានយ៉ាងតិចស្មើនឹង ៦ ដង នៃចំណាយសម្រាប់ការរស់នៅប្រចាំខែ (having reserve fund)។
២) វិនិយោគដើម្បីបង្កើតចំណូលបន្ថែមលើចំណូលពីរបរ ឬប្រាក់ខែដែលអ្នកមាន (building additional revenue streams)។
៣) សន្សំទ្រព្យឱ្យបានច្រើន ហើយគួរបែងចែកទ្រព្យជា ៣ ប្រភេទស្មើៗគ្នា (ទ្រព្យរយៈពេលខ្លី ទ្រព្យរយៈពេលមធ្យម និងទ្រព្យរយៈពេលវែង)។
ទ្រព្យរយៈពេលខ្លីសំដៅលើទ្រព្យដែលអាចបង្វិលជាសាច់ប្រាក់បានក្នុងរយៈពេលក្រោម ១ ឆ្នាំ។ ទ្រព្យរយៈពេលមធ្យម គឺជាទ្រព្យដែលអាចបង្វិលជាសាច់ប្រាក់បានក្នុងចន្លោះពី ១ ឆ្នាំ ទៅ ៣ ឆ្នាំ។
៤) មិនគួរមានកម្ចីច្រើនហួសប្រមាណ ចំនួនកម្ចីសរុបគួរតិចជាង ១/៣ នៃទ្រព្យសកម្មសរុប (avoiding over leverage) ហើយគួរចៀសវាងកម្ចីក្រៅផ្លូវការ ឬលេងតុងទីនដែលមានហានិភ័យ និងការប្រាក់ខ្ពស់។ ឧទាហរណ៍ អ្នកមានទ្រព្យសកម្មសរុប ១ លានដុល្លាអាមេរិក ចំនួនកម្ចីសរុបមិនគួរលើសពី ៣៣ ម៉ឺនដុល្លាអាមេរិកនោះទេ។
៥) គួរកសាងមូលធនសង្គមឱ្យបានរឹងមាំ (building a strong social capital)។ សំដៅលើការកសាងទំនាក់ទំនងល្អជាមួយបងប្អូន សាច់ញាតិ និងមិត្តភក្តិដែលជាទីពឹងនៅពេលអ្នកមានគ្រាអាសន្នអន់ក្រ។ល។
៦) កសាងសមត្ថភាព និងសុខភាពរបស់ខ្លួនឱ្យបានរឹងមាំ។ ការមានសមត្ថភាពខ្លាំង មានជំនាញច្បាស់លាស់លើសពីមួយក៏ជាកត្តា ដែលអាចជួយឱ្យអ្នកមានភាពធនក្នុងការប្រឈមនឹងវិបត្តិហិរញ្ញវត្ថុផ្ទាល់ខ្លួនផងដែរ។ ឧទាហរណ៍ ក្រៅពីជំនាញជាមគ្គុទេសទេសចរណ៍ អ្នកមានជំនាញជាគ្រូបង្រៀនភាសាអង់គ្លេស។ បើជួបវិបត្តិអត់ការងារធ្វើ ដោយសារតែវិស័យទេសចរណ៍ជួបបញ្ហា អ្នកអាចធ្វើជាគ្រូបង្រៀនភាសាអង់គ្លេសបាន។
៧) ទិញធានារ៉ាប់រងសុខភាព ពិការភាព និងអាយុជីវិត៕
Account
Security
Favourite Content