សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព៏ FX Street រាយការណ៍ថា តម្លៃមាសឡើងថ្លៃជិត ៣ ០០០ ដុល្លារក្នុងមួយអោន ពាក់ព័ន្ធនឹងភាពមិនច្បាស់លាស់អំពីគោលនយោបាយពាណិជ្ជកម្មរបស់ Trump និងការកាត់បន្ថយអត្រាការប្រាក់របស់ធនាគារកណ្តាលអាម៉េរិក។
កាលពីថ្ងៃព្រហស្បតិ៍ តម្លៃមាសបានឡើងថ្លៃដល់កម្រិតខ្ពស់ខ្លាំង ២ ៩៣៩ ដុល្លារក្នុងមួយអោន (ទីផ្សារមាសនៅកម្ពុជា មាសមានតម្លៃ ៣ ៦០០ ដុល្លារក្នុងមួយតម្លឹង និង មានតម្លៃ ៣៦០ ដុល្លារក្នុងមួយជី)។ ទន្ទឹមនឹងនេះ អ្នកវិភាគព្យាករណ៍ថា តម្លៃមាសត្រៀមនឹងឡើងថ្លៃដល់ ៣ ០០០ ដុល្លារក្នុងមួយអោន ដោយសារភាពមិនច្បាស់លាស់នៃគោលនយោបាយពាណិជ្ជកម្មរបស់ Trump និងការកាត់បន្ថយអត្រាការប្រាក់របស់ធនាគារកណ្តាលអាម៉េរិក។ មិនត្រឹមតែប៉ុណ្ណោះ តម្លៃមាសត្រូវបានព្យាករណ៍ថានឹងបន្តឡើងថ្លៃដល់កម្រិតខ្ពស់ជាងនេះ ដោយសារភាពតានតឹងនៃពាណិជ្ជកម្មរវាងប្រធានាធិបតីអាម៉េរិក Donald Trump និងសម្ព័ន្ធមិត្តកាន់តែក្តៅ ពាក់ព័ន្ធនឹងឱនភាពពាណិជ្ជកម្ម និងការដំឡើងពន្ធគយ។ ការប្រែប្រួលនៃការដាក់ ឬ ដកពន្ធគយបានធ្វើឲ្យស្ថានភាពសេដ្ឋកិច្ចសកលកាន់តែមានភាពមិនច្បាស់លាស់ និងជំរុញឲ្យតម្លៃមាសកាន់តែឡើងថ្លៃ។
កាលពីប៉ុន្មានថ្ងៃកន្លងទៅនេះ តម្លៃភាគហ៊ុនរបស់ក្រុមហ៊ុនអាម៉េរិកបានធ្លាក់ចុះទូទាំងទីផ្សារ ដោយសារកំណើននៃការលក់ភាគហ៊ុនចេញមានកម្រិតច្រើនខ្លាំងក្លា ដោយសារវិនិយោគព្រួយបារម្ភពីការធ្លាក់ចុះនៃមហាអំណាចសេដ្ឋកិច្ចមួយនេះ។ ទោះបីជា Trump ច្រានចោលពីបញ្ហាពន្ធគយអាចធ្វើឲ្យសេដ្ឋកិច្ចធ្លាក់ចុះក៏ដោយ ប៉ុន្តែវិនិយោគិននៅតែភាពព្រួយបារម្ភថា ពន្ធគយរបស់គាត់នឹងបណ្តាលឲ្យតម្លៃឡើងថ្លៃខ្លាំង និងប៉ះពាល់ដល់កំណើនសេដ្ឋកិច្ចរបស់អាម៉េរិក។ ស្របពេលដែលសេដ្ឋកិច្ចពិភពលោកកំពុងមានភាពមិនច្បាស់លាស់ មាសគឺជាទ្រព្យសម្បត្តិដែលមានតម្លៃ និងសុវត្ថិភាពបំផុត។ ជាក់ស្តែងក្នុងរយៈពេលប៉ុន្មានខែនេះ ភាពមិនប្រាកដប្រជានៃពាណិជ្ជកម្ម និងសង្គ្រាមពន្ធកំពុងជំរុញមាសឲ្យកាន់តែឡើងថ្លៃ៕
Account
Security
Favourite Content