សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ទីក្រុងប៉េកាំងប្តេជ្ញាចាត់វិធានការប្រឆាំងនឹងការព្រមានថ្មីរបស់សហរដ្ឋអាម៉េរិកលើការប្រើប្រាស់បន្ទះឈីប AI ដែលផលិតនៅក្នុងប្រទេសចិន ហើយចិនចាត់ទុកទង្វើរនេះជាការគំរាមគំហែង ដើម្បីរឹតបន្តឹងពីការចូលទៅកាន់បច្ចេកវិទ្យាខ្ពស់ និងខ្សែសង្វាក់ផ្គត់ផ្គង់។
ក្នុងរយៈពេលប៉ុន្មានឆ្នាំចុងក្រោយនេះ ទីក្រុងវ៉ាស៊ីនតោនបានព្យាយាមបង្កើនកិច្ចខិតខំប្រឹងប្រែងដើម្បីទប់ស្កាត់ការនាំចេញបន្ទះឈីបទំនើបៗទៅកាន់ប្រទេសចិន ដោយបារម្ភថាទីក្រុងប៉េកាំងប្រើប្រាស់បន្ទះឈីបទាំងនោះក្នុងគោលបំណងយោធា ដែលនឹងធ្វើឲ្យប៉ះពាល់ដល់អំណាចរបស់អាម៉េរិកក្នុងការគ្រប់គ្រង AI។ ទន្ទឹមនឹងនេះ សមាជិកសភាអាម៉េរិកមួយចំនួនភ័យខ្លាចថា ការរឹតបន្តឹងលើការនាំចេញនឹងជំរុញឱ្យប្រទេសនានាចូលប្រើប្រាស់បន្ទះឈីប AI របស់ចិន ដែលកាន់តែជំរុញឱ្យចិនអភិវឌ្ឍបច្ចេកវិទ្យាទំនើប។
យ៉ាងណាមិញ ទីក្រុងវ៉ាស៊ីនតោនក៏បានបង្ហាញពីគោលការណ៍ណែនាំថ្មីៗជាមួយនឹងការព្រមានថា ប្រទេសទាំងនោះត្រៀមប្រឈមនឹងហានិភ័យពីការរំលោភលើការត្រួតពិនិត្យលើការនាំចេញរបស់សហរដ្ឋអាម៉េរិក ប្រសិនបើពួកគេប្រើប្រាស់ឧបករណ៍អេឡិចត្រូនិកបច្ចេកវិទ្យាខ្ពស់ដែលផលិតដោយចិន ជាពិសេសបន្ទះឈីប Ascend របស់ក្រុមហ៊ុន Huawei ។ មិនត្រឹមតែប៉ុណ្ណោះ អាម៉េរិកព្រមានអំពីផលវិបាកដែលអាចកើតលើការប្រើប្រាស់បន្ទះឈីប AI របស់អាម៉េរិកសម្រាប់ការបណ្តុះបណ្តាលគំរូ AI របស់ចិន។ នាយកដ្ឋានពាណិជ្ជកម្មអាម៉េរិកលើកឡើងថា គោលនយោបាយរបស់ខ្លួនមានគោលបំណងចែករំលែកបច្ចេកវិទ្យា AI របស់អាមេរិកជាមួយបរទេសដែលគួរឱ្យទុកចិត្តនៅជុំវិញពិភពលោក ខណៈពេលដែលការរក្សាបច្ចេកវិទ្យានេះចេញពីដៃគូប្រជែងរបស់ខ្លួន។
ជាការឆ្លើយតប នៅថ្ងៃពុធនេះ ក្រសួងពាណិជ្ជកម្មចិនបានលើកឡើងនៅក្នុងសេចក្តីថ្លែងការណ៍មួយថា ខ្លួនបានចាត់ទុកទង្វើរនេះជាការគំរាមកំហែងឯកតោភាគី និងការការពារនិយម ដែលប៉ះពាល់យ៉ាងធ្ងន់ធ្ងរដល់ស្ថិរភាពនៃខ្សែសង្វាក់ឧស្សាហកម្ម និងខ្សែសង្វាក់ផ្គត់ផ្គង់ពិភពលោក។ ចិនបានចោទប្រកាន់ថា អាម៉េរិកបានបំពានលើការគ្រប់គ្រងការនាំចេញដើម្បីគាបសង្កត់ និងទប់ស្កាត់ចិនពីការអភិវឌ្ឍន៍បចេ្ចកវិទ្យាទំនើប។ លើសពីនេះ សកម្មភាពទាំងនេះប៉ះពាល់យ៉ាងធ្ងន់ធ្ងរដល់សិទ្ធិ និងផលប្រយោជន៍ស្របច្បាប់របស់សហគ្រាសចិន ព្រមទាំងបង្កគ្រោះថ្នាក់ដល់ផលប្រយោជន៍អភិវឌ្ឍន៍របស់ ចិនទៀតផង។ ទន្ទឹមនឹងនេះ ចិនក៏បានព្រមានថា “ស្ថាប័ន ឬបុគ្គលណាដែលព្រមព្រៀងអនុវត្តវិធានការបែបនេះ គឺជាការបំពានលើច្បាប់របស់ចិន ហើយខ្លួននឹងការប្តេជ្ញាថានឹងចាត់វិធានការយ៉ាងម៉ឺងម៉ាត់ដើម្បីការពារសិទ្ធិ និងផលប្រយោជន៍ស្របច្បាប់របស់ប្រទេស៕”
Account
Security
Favourite Content