សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Financial Times បានរាយការណ៍ថា តម្លៃមាសបានឡើងថ្លៃខ្ពស់បន្ទាប់ពីអាម៉េរិកដាក់ពន្ធ ៣៩% លើការនាំចូលពីប្រទេសស្វីស ដែលជាប្រទេសចម្រាញ់មាសធំបំផុតមួយរបស់ពិភពលោក។
បន្ទាប់ពីអាម៉េរិកប្រកាសពន្ធ ៣៩% លើការនាំចូលពីស្វីស ទំនាក់ទំនងរវាងទីក្រុងវ៉ាស៊ីនតោន និងទីក្រុង Bern របស់ស្វីសកាន់តែយ៉ាប់យ៉ឺន។
លោក Christoph Wild ប្រធានសមាគមខាងផ្នែកពាណិជ្ជករមាសរបស់ស្វីសបានលើកឡើងថា ការដំឡើងពន្ធកំពុងប៉ះពាល់ដល់ពាណិជ្ជកម្មមាសរបស់ស្វីសជាមួយនឹងមហាអំណាចមួយនេះ ខណៈដែលមាសគឺជាការនាំចេញធំបំផុតមួយរបស់ស្វីសទៅកាន់អាម៉េរិក។ ទីភ្នាក់ងារការពារព្រំដែនគយរបស់អាម៉េរិក (CBP) បានលើកឡើងថា មាសមានទម្ងន់ ១ គីឡូក្រាម និងដុំមាស ១ អោនគួរត្រូវបានដាក់ពន្ធ បើយោងតាមទៅលិខិតសម្រេចរបស់គោលនយោបាយពាណិជ្ជកម្មអាម៉េរិកដែលចុះកាលពីថ្ងៃទី ៣១ ខែកក្កដា។ ការសម្រេចចិត្តរបស់ CBP មានភាពផ្ទុយស្រឡះពីការរំពឹងទុក ដោយសារគេយល់ឃើញថា ប្រភេទនៃដុំមាសទាំងនេះគួរតែត្រូវបានចាត់ថ្នាក់ដោយប្រើលេខកូដគយដាច់ដោយឡែក ដែលត្រូវបានលើកលែងពីពន្ធរបស់ Trump ។
ដុំមាស ១ គីឡូក្រាមគឺជាទម្រង់ទូទៅដែលត្រូវបានជួញដូរនៅលើ Comex ដែលជាទីផ្សារមាសដ៏ធំបំផុតរបស់ពិភពលោក ហើយការនាំចេញមាសភាគច្រើនរបស់ស្វីសមកកាន់សហរដ្ឋអាម៉េរិកផ្អែកលើទីផ្សារមួយនេះ។ កាលពីថ្ងៃសុក្រ តម្លៃមាសឡើងថ្លៃដល់កម្រិតខ្ពស់បំផុត ៣ ៥៣៤ ក្នុងមួយអោននៅលើទីផ្សារ Comex។ (មាសមានតម្លៃ ៤ ០៩២ ដុល្លារក្នុងមួយតម្លឹងនៅលើទីផ្សារកម្ពុជា)។
គួរឲ្យបញ្ជាក់ដែរថា ស្វីសនាំចេញមាសក្នុងទំហំប្រមាណជា ៦១,៥ ពាន់លានដុល្លារទៅកាន់អាម៉េរិកក្នុងរយៈពេល ១២ ខែ បើគិតត្រឹមខែមិថុនាឆ្នាំ ២០២៥។ យ៉ាងណាមិញ បរិមាណដូចគ្នានេះនឹងត្រូវប្រឈមនឹងថ្លៃពន្ធបន្ថែម ២៤ ពាន់លានដុល្លារថែមទៀតនៅក្រោមអត្រាពន្ធ ៣៩% របស់អាម៉េរិក។ ទន្ទឹមនឹងនេះ រោងចក្រចម្រាញ់មាសស្វីសជាច្រើន លើកឡើងថា ពួកគេចំណាយពេលជាច្រើនខែជាមួយមេធាវីដើម្បីកំណត់ថា តើផលិតផលមាសប្រភេទណាខ្លះអាចនឹងត្រូវបានលើកលែង ឬអត់? លើសពីនេះ រោងចក្រចម្រាញ់មាសចំនួនពីរកំពុងផ្អាកការនាំចេញមាសជាបណ្ដោះអាសន្នទៅកាន់អាម៉េរិក៕
Account
Security
Favourite Content