សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រធានាធិបតីចិន លោក Xi Jinping បានបង្ហាញវត្តមានយ៉ាងមានមោទនភាពនៅក្នុងពេលដែលប្រទេសចិនរៀបចំពិធីព្យុហយាត្រា និងត្រួតពលនៅទីលានធានអានមេន នាទីក្រុងប៉េកាំង ដើម្បីរំលឹកខួប៨០ឆ្នាំ នៃថ្ងៃជ័យជម្នះសង្គ្រាមប្រជាជនចិនប្រឆាំងនឹងការឈ្លានពានរបស់ជប៉ុន និងសង្គ្រាមពិភពលោកប្រឆាំងនឹងហ្វាស៊ីស។
លោក Xi Jinping រួមជាមួយមេដឹកនាំធំៗរបស់ពិភពលោកក្នុងនាមជាភ្ញៀវអធិបតីនៃការបង្ហាញកម្លាំងយោធាដ៏ធំសម្បើមកាលពីថ្ងៃពុធ សប្ដាហ៍មុននេះត្រូវបានគេកត់សំគាល់ថា លោក Xi បានបញ្ជាក់សាជាថ្មីថា ប្រទេសចិននឹងមិនមានការភ័យខ្លាចដោយការសម្លុត និងគំរាមកំហែងពីអ្នកណាម្នាក់នោះឡើយ។
នៅក្នុងអត្ថបទដែលត្រូវបានចេញផ្សាយដោយ The Telegraph បានសរសេរថា សព្វាវុធទំនើបៗត្រូវបានដាក់តាំងបង្ហាញយ៉ាងច្រើននៅចំពោះមុខអ្នកតាមដានទាំងអស់របស់ពិភពលោក បូករួមទាំងពីមីស៊ីលបំពាក់ក្បាលនុយក្លេអ៊ែរ ដែលអាចវាយប្រហារដល់អាម៉េរិក ទៅដល់យន្តហោះចម្បាំងគ្មានមនុស្សបើកខ្នាតធំៗ សព្វាវុធបំពាក់ជាមួយមនុស្សរ៉ូបូត ព្រមទាំងនាវាមុជទឹកផងដែរ។
អ្នកតាមដានព្រឹត្តិការណ៍អន្តរជាតិបានវិភាគថា ការតាំងបង្ហាញសាច់ដុំដ៏ធំនេះនឹងក្លាយទៅជាសញ្ញាសម្រាប់គំរាមកំហែងទៅដល់រដ្ឋាភិបាលក្រុងវ៉ាស៊ិនតោន ក៏ដូចជាបញ្ជាក់ប្រាប់ថា បញ្ហាកោះតៃវ៉ាន់គឺនៅតែក្តៅនៅឡើយសម្រាប់ភាគីពាក់ព័ន្ធ។
នៅក្នុងពិធីហែក្បួនដែលមានរយៈពេលប្រមាណជា៧០នាទី ក្រៅតែពីចង់បង្ហាញឲ្យសម្ព័ន្ធមិត្តបានឃើញអំពីឥទ្ធិពលរបស់ខ្លួនហើយនោះ លោក Xi បានព្យាយាមបញ្ជាក់ថា ចិន គឺនៅតែជាដៃគូគួរឲ្យទុកចិត្តបាន ទាំងវិស័យការពារជាតិ និងទំនាក់ទំនងផ្តល់អត្ថប្រយោជន៍ឲ្យគ្នាទៅវិញទៅមក។
មិនត្រឹមតែប៉ុណ្ណោះ លោក Xi ក៏មានបំណងចង់បង្ហាញសព្វាវុធទំនើបរបស់ខ្លួនមួយចំនួនទៀតផងដែរទៅកាន់ក្រុមប្រទេសបច្ចាមិត្តដែលរួមមានដូចជា៖
Intercontinental nuclear missiles ដោយប្រទេសចិនបានបង្ហាញមីស៊ីលឆ្លងទ្វីប ម៉ូដេលថ្មី DF-61 ទំនងជាម៉ូដេលថ្មីជំនួសម៉ូដេលចាស់ DF-41 ដែលធ្លាប់បង្ហាញខ្លួនកាលពីឆ្នា២០១៩។ DF-41 មានប្រវែង២០ម៉ែត្រ អាចវាយប្រហារដល់ទៅចំងាយ ១៥ ០០០គីឡូម៉ែត្រ។ Unmanned submarines នាវាមុជទឹកប្រភេទថ្មីចំនួន២ គួរជាទីទាក់ភ្នែក ត្រូវបានអ្នកវិភាគលើកឡើងថា ទំនងជាមានឥទ្ធិពលខ្លាំងជាងគេនោះគឺ AJX-002 និង HSU-100 មានរាងស្រដៀងនឹងនាវាមុជទឹករបស់រុស្សី Poseidon ដែលអាចបំពាក់គ្រាប់នុយក្លេអ៊ែរ។
ក្រៅពីនោះ គេបានកត់សំគាល់ឃើញមានសព្វាវុធទំនើបៗ ថ្មីៗ មួយចំនួនទៀត ដូចជា Laser air defence ប្រើបច្ចេកវីទ្យាអាវុធឡាស៊ែរ, Mid-range missiles មីស៊ីលចំងាយមធ្យម, Unmanned fighter jet, យន្តហោះចម្បាំងគ្មានមនុស្សបើក ព្រមទាំង Robot dogs មនុស្សយន្តរ៉ូបូត៕
Account
Security
Favourite Content