សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តម្លៃប្រេងសកលបានបន្តឡើងថ្លៃរយៈពេល ៣ សប្តាហ៍ជាប់ៗគ្នា ខណៈដែលអនាគតអំពីការផ្គត់ផ្គង់ប្រេងពីប្រទេសវេណេហ្ស៊ុយអេឡា កំពុងមានភាពមិនច្បាស់លាស់នៅឡើយបន្ទាប់ពីមានការចាប់ខ្លួនប្រធានាធិបតីប្រទេសនេះពីសំណាក់សហរដ្ឋអាម៉េរិករួចមក នេះបើយោងតាមសេចក្ដីរាយការណ៍ពី រ៉យទ័រ។
នៅក្នុងសប្ដាហ៍នេះ ទាំងតម្លៃប្រេងឆៅ ម៉ាក Brent និងម៉ាក West Texas Intermediate (WTI) សុទ្ធតែឡើងថ្លៃជាង ៣%។ Brent ឡើងថ្លៃដល់ ៦២,៤៣ ដុល្លារក្នុងមួយបារ៉ែល ខណៈដែល WTI ឡើងថ្លៃដល់ ៥៨,១៥ ក្នុងមួយបារ៉ែល បន្ទាប់ពីប្រធានាធិបតីវេណេស៊ុយអេឡា លោក Nicolas Maduro ត្រូវបានចាប់ខ្លួនដោយអាម៉េរិក ខណៈដែលលោក Donald Trump ប្រកាសថា នឹងគ្រប់គ្រងវិស័យប្រេងរបស់ប្រទេសមួយនេះ។ បញ្ហានេះកំពុងបង្កជាក្ដីព្រួយបារម្ភចំពោះទីផ្សារប្រេងសកល ខណៈដែលវេណេហ្ស៊ុយអេឡាមានទុនបម្រុងប្រេងច្រើនជាងគេនៅលើពិភពលោក។
លោក Tina Teng អ្នកយុទ្ធសាស្រ្តទីផ្សារនៅ Moomoo ANZ បានលើកឡើងថា មូលេហតុចម្បងនៃការឡើងថ្លៃនៃតម្លៃប្រេង គឺការអះអាងរបស់លោក Trump នឹងគ្រប់គ្រងលើការនាំចេញប្រេងរបស់វេណេហ្ស៊ុយអេឡាទាំងអស់។ ទន្ទឹមនឹងនេះ ក្រុមហ៊ុនផលិតប្រេងធំៗរបស់អាម៉េរិក ដូចជា Chevron Corp និងក្រុមហ៊ុនផ្សេងទៀតកំពុងប្រកួតប្រជែងគ្នាដណ្តើមកិច្ចព្រមព្រៀងរបស់រដ្ឋាភិបាលអាម៉េរិកសម្រាប់ការនាំចេញប្រេងឆៅពីវេណេហ្ស៊ុយអេឡា។ មិនត្រឹមតែប៉ុណ្ណោះ លោក Trump ទាមទារឱ្យវេណេស៊ុយអេឡាផ្តល់សិទ្ធិពេញលេញដល់អាម៉េរិកសម្រាប់ការចូលទៅក្នុងវិស័យប្រេងរបស់ខ្លួន ដោយទីក្រុងវ៉ាស៊ីនតោននឹងគ្រប់គ្រងការលក់ប្រេង និងប្រាក់ចំណូលរបស់ប្រទេសនេះដោយគ្មានកំណត់។ ស្របពេលជាមួយគ្នានេះ គេកំពុងសង្ស័យថា ក្រុមហ៊ុនប្រេងកំពុងប្រកួតប្រជែងគ្នាយកកិច្ចព្រមព្រៀងប្រេងដែលមានចំនួនរហូតដល់ ៥០ លានបារ៉ែល ដែលជាប្រេងជាប់ទណ្ឌកម្មរបស់អាម៉េរិក។ ឥឡូវនេះ ទីផ្សារប្រេងកំពុងរង់ចាំមើលលទ្ធផលនៅក្នុងប៉ុន្មានថ្ងៃខាងមុខពាក់ព័ន្ធនឹងរបៀបនៃការគ្រប់គ្រង និងការលក់ប្រេងរបស់វេណេហ្ស៊ុយអេឡា។
Account
Security
Favourite Content