សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ប្រធានាធិបតីសហរដ្ឋអាម៉េរិក លោក Donald Trump បានបន្តគំរាមដំឡើងពន្ធរហូតដល់ ១០០% ទៅលើបណ្តាប្រទេសនៅអឺរ៉ុបដែលប្រឆាំងនឹងការទាមទាររបស់លោកក្នុងការគ្រប់គ្រងកោះ Greenland នៃប្រទេសដាណឺម៉ាក នេះបើយោងតាមសេចក្ដីរាយការណ៍ពី BBC ។
កាលពីថ្ងៃច័ន្ទ ដើមសប្ដាហ៍នេះ ប្រធានាធិបតីអាម៉េរិក លោក Trump បានបដិសេធក្នុងការប្រើប្រាស់កម្លាំង ប៉ុន្តែបន្តគំរាមកំហែងដំឡើងពន្ធ ១០% លើការនាំចូលទំនិញពីចក្រភពអង់គ្លេស និងប្រទេសសហភាពអឺរ៉ុបចំនួន ៧ ទៀតដែលសុទ្ធតែជាសម្ព័ន្ធមិត្តរបស់ណាតូ។ ពន្ធថ្មីនេះនឹងបន្ថែមពីលើពន្ធមានស្រាប់ដែលសរុបចូលគ្នា ២៥% ដែលចូលជាធរមានចាប់ពីថ្ងៃទី ១ ខែកុម្ភៈ ឆ្នាំ២០២៦ រហូតដល់ពេលដែលមានកិច្ចព្រមព្រៀងមួយដែលអាចឲ្យទីក្រុងវ៉ាស៊ីនតោនទិញកោះ Greenland ពីដាណឺម៉ាក។ មិនត្រឹមតែប៉ុណ្ណោះ លោក Trump បង្ហាញពីផែនការបន្តដំឡើងពន្ធរហូតដល់ ១០០% ប្រសិនបើអឺរ៉ុបបន្តរារាំងលោកពីការកាន់កាប់កោះ Greenland ។
រដ្ឋមន្ត្រីការបរទេសអង់គ្លេស លោក Yvette Cooper បានអះអាងថា ពលរដ្ឋ Greenland និងរដ្ឋាភិបាលដាណីម៉ាក គឺជាអ្នកសម្រេចចិត្តអនាគតរបស់កោះមួយនេះ។
ទន្ទឹមនឹងនេះ រដ្ឋមន្ត្រីការបរទេសដាណឺម៉ាក លោក Lars Løkke Rasmussen បានសង្កត់ធ្ងន់ថា ប្រធានាធិបតីអាម៉េរិកមិនអាចគំរាមកំហែងចង់ក្លាយជាម្ចាស់កោះ Greenland ដែលជារដ្ឋស្វយ័តរបស់ណឺម៉ាកនោះទេ។ ដាណឺម៉ាក បានព្រមានថា សកម្មភាពយោធារបស់អាម៉េរិកនៅហ្គ្រីនលែននឹងធ្វើឱ្យមានការបញ្ចប់នៃអង្គការណាតូ។ អឺរ៉ុបព្យាយាមចង់បង្ហាញថា ការគំរាមកំហែងពន្ធរបស់ប្រធានាធិបតី Trump គឺមិនមែនជាដំណោះស្រាយឆ្ពោះទៅមុខនោះទេ ហើយមិនគួរហួសរំលងខ្សែបន្ទាត់ក្រហមដើម្បីក្លាយជាម្ចាស់កោះ Greenland បាននោះឡើយ ខណៈដែលក្នុងរយៈពេលប៉ុន្មានថ្ងៃចុងក្រោយនេះ កោះ Greenland ទទួលបានការគាំទ្រពីបណ្តាប្រទេសអឺរ៉ុបដែលជាសម្ព័ន្ធមិត្ត ដោយប្រទេសខ្លះបានបញ្ជូនទាហានរបស់ខ្លួនទៅជួយការពារកោះមួយនេះថែមទៀតផង។
កាលពីថ្ងៃអាទិត្យ កន្លងទៅនេះ សហភាពអឺរ៉ុបបានរៀបចំកិច្ចប្រជុំកំពូលបន្ទាន់នៅទីក្រុងប្រ៊ុចសែល សម្រាប់ជួបជុំមេដឹកនាំទាំងអស់ ដើម្បីពិភាក្សាពីរបៀបឆ្លើយតបទៅនឹងការគំរាមកំហែងរបស់លោក Trump ដែលចងកាន់កាប់ Greenland ។ ក្នុងអំឡុងពេលកិច្ចប្រជុំនោះដែរ គណៈកម្មការសហភាពអ៊ឺរ៉ុបគាំទ្រឱ្យប្រើប្រាស់វិធានការណ៍ bazooka ដើម្បីសងសឹកទៅកាន់អាម៉េរិកវិញភ្លាមៗ ប៉ុន្តែបណ្តារដ្ឋជាសមាជិកចង់ផ្តល់អាទិភាពដល់កិច្ចសន្ទនាការទូតជាមួយអាម៉េរិកជាមុនសិន និងរារាំងមិនឲ្យមានវិធានការសងសឹកភ្លាមៗនោះទេ។ Bazooka ត្រូវបានបង្កើតឡើងនៅឆ្នាំ២០២៣ ដែលជាវិធានការណ៍ពិសេសរបស់សហភាពអឹរ៉ុបសម្រាប់វាយបកប្រឆាំងទៅនឹងការបង្ខិតបង្ខំ ឬ ការដាក់សម្ពាធពីប្រទេសណាមួយ ដោយកំណត់អាជ្ញាប័ណ្ណពាណិជ្ជកម្ម និងបិទប្រទេសនោះមិនឲ្យចូលទីផ្សាររបស់ខ្លួន។ ឥឡូវនេះ សហភាពអឺរ៉ុបមិនទាន់ប្រើប្រាស់វិធានការ ‘Bazooka’ ដើម្បីឆ្លើយតបទៅនឹងការគំរាមកំហែងពន្ធគយរបស់លោក Trump នៅឡើយទេ។៕
Account
Security
Favourite Content