សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រធានាធិបតីអ៊ីរ៉ង់ លោក Masoud Pezeshkian បានរំលេចសារថ្លែងអំណរគុណដ៏មានអត្ថន័យមួយនៅលើបណ្តាញសង្គមជូនចំពោះមេដឹកនាំរុស្ស៊ី លោក Vladimir Putin ព្រមទាំងពលរដ្ឋរុស្ស៊ីផងដែរ ដែលតែងគាំទ្រជាពិសេសមកលើអ៊ីរ៉ង់នៅក្នុងអំឡុងពេលមានសង្គ្រាម។
យោងតាមការចេញផ្សាយរបស់កាសែតប៊ុលហ្គារី Novinata នៅសប្តាហ៍នេះបានបញ្ជាក់ថា មេដឹកនាំអ៊ីរ៉ង់ បានសរសេរសារនៅលើបណ្តាញសង្គមជាភាសារុស្ស៊ីក្នុងអត្ថន័យដូចខាងក្រោមនេះថា៖
«សាររបស់ប្រធានាធិបតី Putin និងការគាំទ្ររបស់ប្រជាជនរុស្ស៊ី បានធ្វើឲ្យមានការបំផុសគំនិតពួកយើងក្នុងសង្រ្គាមមួយនេះ។ ការតស៊ូ និងភាពក្លាហានរបស់ប្រជាជនអ៊ីរ៉ង់សន្យាថានឹងបង្កើតឲ្យបាននូវទំនាក់ទំនងថ្មីដែលនឹងធានាសន្តិសុខនៃអាស៊ីបូព៌ា និងសម្រាប់ប្រទេសក្នុងតំបន់។ ក្នុងនាមប្រជាជនអ៊ីរ៉ង់ ខ្ញុំសូមអរគុណយ៉ាងខ្លាំងទៅដល់រដ្ឋាភិបាល និងប្រជាជនរុស្ស៊ី»។
យ៉ាងណាក៏ដោយ បើទោះបីជាមិនបានបញ្ជាក់អំពីសារណាមួយដែលលោក Putin បានផ្ញើមកឲ្យអ៊ីរ៉ង់ក៏ពិតមែន ប៉ុន្តែកន្លងមកគេតែងតែឃើញមានសេចក្តីថ្លែងការណ៍ និងសារចូលរួមរំលែកទុក្ខនៃការបាត់បង់មេដឹកនាំអ៊ីរ៉ង លោក Ali Khamenei ពីសំណាក់ដឹកនាំរុស្ស៊ីរូបនេះមុនគេជានិច្ច ជាពិសេស សារបង្ហាញពីក្ដីបារម្ភពីប្រជាជនអ៊ីរ៉ង់នៅក្នុងអំឡុងពេលជួបវិបត្តិសង្គ្រាមប្រឆាំងនឹងការឈ្លានពានរបស់ប្រទេសអាម៉េរិក និងអ៊ីស្រាអែល។
ដោយទីភ្នាក់ងារចិនស៊ិនហួ នាថ្ងៃទី៦ និងទី១១ ខែមីនា លោក Putin បានជួបពិភាក្សជាមួយនឹងប្រធានាធិបតីអ៊ីរ៉ង់ លោក Masoud តាមរយៈទូរស័ព្ទដើម្បីពិភាក្សាទៅលើបញ្ហានៅតំបន់មជ្ឈិមបូព៍ា ដោយភាគីទាំងពីរបានលម្អិតទៅលើបញ្ហាផ្សេងៗជុំវិញវិបត្តិសង្គ្រាមនេះ។
ដោយឡែក ចុងក្រោយនេះ កាលពីថ្ងៃទី២៣ ខែមីនា មេដឹកនាំរុស្ស៊ី លោក Vladimir Putin ក៏បានផ្ញើសារក្នុងឱកាសពិធីបុណ្យចូលឆ្នាំថ្មីរបស់ជនជាតិពែរ្ស ឬ Nowrus ផងដែរ និងបានគូរបញ្ជាក៉អំពីកិច្ចគាំទ្ររបស់រដ្ឋាភិបាលទីក្រុងមូស្គូចំពោះកិច្ចខិតខំប្រឹងប្រែង និងការឆ្លើយតបរបស់កងកម្លាំងបដិវត្តឆ្មាំអ៊ីរ៉ង់ចំពោះកិច្ចការពារជាតិ។
គួរឲ្យដឹងដែរថា ក្នុងនាមជាសម្ព័ន្ធមិត្តរបស់អ៊ីរ៉ង់ជាយូរមកហើយនោះ រុស្ស៊ី គឺជាប្រទេសទី១ដែលបានចេញសារថ្កោលទោសចំពោះការវាយប្រហាររបស់អាម៉េរិក និងអ៊ីស្រាអែលទៅលើប្រទេសអ៊ីរ៉ង់ទាំងកំរោលកាលពីចុងខែកុម្ភៈកន្លងទៅនេះ និងតែងតែបន្តរិះគន់រដ្ឋាភិបាលក្រុងវ៉ាស៊ិនតោន រួមទាំងយេរូសាឡឹម ចំពោះប្រតិបត្តិការយោធាដែលអូសបន្លាយអស់រយៈពេលជិត១ខែមកហើយនេះ៕
Account
Security
Favourite Content