សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមរបាយការណ៍ស៊ើបការណ៍មួយដែលត្រូវបានប្រកាសជាសាធារណៈការពីម្សិលមិញ និងត្រូវបានយកមកចេញផ្សាយដោយកាសែតបាងកកប៉ុស្តិ៍បានឲ្យដឹងថា កំពូលមហាសេដ្ឋីល្បីៗមានទ្រព្យសម្បត្តិស្តុកស្តម្ភជាច្រើននាក់របស់អាមេរិកត្រូវបានគេរកឃើញថាមិនបានបង់ពន្ធទៅលើប្រាក់ចំណូលដ៏ច្រើនសន្ធឹកសន្ធាប់របស់ខ្លួនឡើយសូម្បតែមួយដុល្លារក្នុងរយៈពេលជាច្រើនឆ្នាំ។
ឯកសារបែកធ្លាយនេះត្រូវបានធ្វើចេញជារបាយការណ៍ដោយអង្គភាពអ្នកកាសែតមិនរកប្រាក់ចំណូលមួយដែលមានមូលដ្ឋាននៅក្នុងទីក្រុង New York មានឈ្មោះថា ProPublica ដោយក្នុងនោះខ្លួនបានបង្ហាញយ៉ាងច្បាស់ៗថា មហាសេដ្ឋីជាច្រើនដូចជាស្ថាបនិកក្រុមហ៊ុន Amazon លោក Jeff Bezos ជាដើមមិនបានបង់ពន្ធលើប្រាក់ចំណូលរបស់ខ្លួនសោះឡើយកាលពីឆ្នាំ2007 និងឆ្នាំ2011 ខណៈដែលលោក Elon Musk ប្រធានប្រតិបត្តិរបស់ក្រុមហ៊ុន Tesla វិញក៏មិនបានបង់ពន្ធទាំងអស់កាលពីឆ្នាំ2018។
ProPublica បានសរសេរទៀតថា កំពូលមហាសេដ្ឋីជនជាតិអាមេរិកជាច្រើនបានបង់ពន្ធដ៏តិចតួចបំផុតធៀបទៅនឹងប្រាក់ចំណូលដ៏ច្រើនរបស់ពួកគេ ហើយលើសពីនេះឆ្នាំខ្លះសូម្បីតែមួយដុលា្លរក៏ពួកគេមិនបានបង់ពន្ធជូនរដ្ឋដែរ ប៉ុន្តែទោះបីជាយ៉ាងណាក្តី ProPublica មិនបានផ្តល់ព័ត៌មានលម្អិតអំពីទិន្នន័យដែលខ្លួនប្រមូលបាននោះថាមានទំនុកចិត្តប៉ុណ្ណានោះទេ។
ក្រៅតែពីនោះបុគ្គលសំខាន់ៗផ្សេងទៀតដែលមិនបានបង់ពន្ធចូលអជ្ញាធរប្រាក់ចំណូលរបស់អាមេរិក ឬ Internal Revenue Service មានដូចជាមហាសេដ្ឋី និងអតីតអភិបាលក្រុង New York លោក Michael Bloomberg មហាសេដ្ឋីជំនាញខាងវិនិយោគលោក Carl Icahn និងអ្នកជំនាញហិរញ្ញវត្ថុដ៏ល្បីលោក George Soros ជាដើម។
គួរឲ្យដឹងដែរថា របាយការណ៍នេះធ្វើឡើងត្រឹមតែប៉ុន្មានថ្ងៃប៉ុណ្ណោះបន្ទាប់ពីរដ្ឋមន្ត្រីក្រសួងហិរញ្ញវត្ថុ G7 បានអនុម័តដើម្បីកំណត់យកអត្រាពន្ធសាជីវកម្មជាអប្បបរមាយ៉ាងហោចណាស់ 15 ភាគរយដែលជាសំណើពន្ធមួយក្នុងចំណោមសំណើជាច្រើនទៀតក្នុងគោលបំណងធំដែលអាចធានាក្នុងការរក្សាប្រាក់ចំណេញដល់ក្រុមពហុផលអាជីវកម្ម និងដើម្បីឲ្យមានការបែងចែករបស់ពួកគេដោយត្រឹមត្រូវ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content